Month: June 2025

ബെംഗളൂരു : ജില്ലയിലെ കബനി അണക്കെട്ടിൽ നീരൊഴുക്ക് കൂടുന്നുതിനാൽ തീരദേശവാസികൾക്ക് വെള്ളപ്പൊക്ക മുന്നറിയിപ്പ്. അണക്കെട്ടിൽനിന്നുള്ള ജലപ്രവാഹം 25,000 ക്യുസെക്സിൽ അധികമായി വർധിച്ചതിനെത്തുടർന്ന് താഴ്ന്ന പ്രദേശങ്ങളിൽ താമസിക്കുന്നവർക്കാണ് വെള്ളപ്പൊക്ക മുന്നറിയിപ്പ് നൽകിയിരിക്കുന്നത്. നദിയുടെ ഇരുകരകളിലുമുള്ള താമസക്കാരോട് വെള്ളത്തിനടുത്തേക്ക് പോകുന്നത് ഒഴിവാക്കണമെന്നും സുരക്ഷയ്ക്കായി അവരുടെ വളർത്തുമൃഗങ്ങളെയും കന്നുകാലികളെയും ഉയർന്ന സ്ഥലങ്ങളിലേക്ക് മാറ്റണമെന്നും അധികൃതർ അഭ്യർഥിച്ചു. 2,284 അടി ശേഷിയുള്ള അണകെട്ടിൽ ബുധനാഴ്ച രാവിലെ ജലനിരപ്പ് 2,280.84 അടിയിലെത്തിയിരിക്കുകയാണ്. കേരളത്തിലെ വയനാട് മേഖലയിലെ വൃഷ്ടിപ്രദേശത്ത് പെയ്ത കനത്തമഴയാണ് ജലനിരപ്പ് വർധിച്ചതിന് കാരണം.

ബെംഗളൂരു : ഉത്തരകന്നഡ ജില്ലയിലെ പ്രശസ്തമായ മുരുഡേശ്വർ ക്ഷേത്രത്തിൽ ദർശനത്തിനെത്തുന്നവർക്ക് ഡ്രസ്‌കോഡ്. ഭക്തരും വിനോദസഞ്ചാരികളുമായി ആയിരക്കണക്കിനാളുകൾ എത്തുന്ന ക്ഷേത്രത്തിൽ പ്രവേശിക്കുന്ന എല്ലാവർക്കും പുതിയ ഡ്രസ്‌കോഡ് ബാധകമാണ്. ക്ഷേത്ര കവാടത്തിനുമുന്നിൽ ബോർഡും സ്ഥാപിച്ചിട്ടുണ്ട്. പുരുഷന്മാർക്ക് ക്ഷേത്രത്തിനുള്ളിൽ മുണ്ടും പാന്റ്‌സും ഷർട്ടും പൈജാമയും ധരിച്ച് എത്താം. സ്ത്രീകൾക്ക് സാരി, ചുരിദാർ, ദാവണി എന്നിവ ധരിക്കാം. ജീൻസ്, ടി ഷർട്ട്, ഷോർട്‌സ് തുടങ്ങിയ വസ്ത്രങ്ങൾക്കാണ് വിലക്ക്. ഹൈന്ദവ സംഘടനകളുടെ ആവശ്യത്തെ തുടർന്ന് ഫാഷൻ വസ്ത്രങ്ങൾ വിലക്കുകയും പരമ്പരാഗത വേഷങ്ങളടങ്ങുന്ന ഡ്രസ്‌കോഡ് ഏർപ്പെടുത്തുകയുമായിരുന്നു. അറബിക്കടലിന്റെ തീരത്തുള്ള മുരുഡേശ്വരക്ഷേത്രം രാജ്യത്തെ പ്രശസ്തമായ…