Category: BENGALURU NEWS

ബെംഗളൂരു: ബെംഗളൂരുവിൽ റാപ്പിഡോ ബൈക്ക് ടാക്സി അപകടത്തിൽപ്പെട്ട് കോഴിക്കോട് സ്വദേശിയായ യുവതിക്ക് ഗുരുതരമായി പരിക്കേറ്റു. കിഴക്കൻ ബെംഗളൂരുവിലെ ബാഗ്മനെ ടെക് പാർക്കിന് സമീപമുള്ള ബൈരസാന്ദ്രയിൽ ജൂൺ 17-ന് രാവിലെയാണ് സംഭവം നടന്നത്. ഇന്റീരിയർ ഡിസൈനറായ സാനി കൃഷ്ണ (32) ഡോംലൂരിലെ തന്റെ ഓഫീസിലേക്ക് പോകുന്നതിനായാണ് റാപ്പിഡോ സ്കൂട്ടർ ബുക്ക് ചെയ്തത്. വീടിന് 300 മീറ്റർ അകലെയുള്ള ഇടുങ്ങിയ റോഡിൽ വച്ച് ഇവർ സഞ്ചരിച്ചിരുന്ന സ്കൂട്ടർ ഒരു ട്രാക്ടറുമായി ഇടിക്കുകയായിരുന്നു. എഫ്.ഐ.ആർ പ്രകാരം, റാപ്പിഡോ റൈഡറായ ആശിഷ് ബാഗ് അമിതവേഗതയിലും അശ്രദ്ധമായുമാണ് വാഹനം ഓടിച്ചിരുന്നത്. സമാനമായി…

ബെംഗളൂരു: നഗരത്തിലെ ജനസാന്ദ്രതയേറിയ നടപ്പാതകളിലെ കയ്യേറ്റങ്ങൾ ഒഴിപ്പിക്കുന്നതിനുള്ള നടപടികൾ അധികൃതർ ഊർജിതമായി തുടരുമ്പോഴും യാത്രക്കാർക്ക് അപകടഭീതിയുയർത്തുന്ന വൈദ്യുതി പോസ്റ്റുകളും ട്രാൻസ്‌ഫോമറുകളും നീക്കം ചെയ്യാത്തത് വലിയ പ്രതിസന്ധിയാകുന്നു. കയ്യേറ്റങ്ങൾ ഒഴിപ്പിച്ച് കാൽനടയാത്ര സുഗമമാക്കാൻ ശ്രമിക്കുമ്പോഴും ഈ വൈദ്യുതി സംവിധാനങ്ങൾ മാറ്റാൻ പകരമുള്ള അനുയോജ്യമായ സ്ഥലം കണ്ടെത്താനാകാത്തതാണ് പ്രധാന വെല്ലുവിളിയാകുന്നത്. സ്ഥലം വിട്ടുനൽകിയാൽ മാറ്റാമെന്ന് ബെസ്‌കോം ഗ്രേറ്റർ ബെംഗളൂരു അതോറിറ്റി (GBA) പകരമുള്ള സ്ഥലം വിട്ടുനൽകുകയാണെങ്കിൽ നടപ്പാതകളിലെ ട്രാൻസ്‌ഫോമറുകൾ ഉടനടി മാറ്റിസ്ഥാപിക്കാൻ തയ്യാറാണെന്ന നിലപാടിലാണ് നഗരത്തിലെ വൈദ്യുതി വിതരണ കമ്പനിയായ ബെസ്‌കോം. ഹൈക്കോടതിയുടെ കർശന നിർദ്ദേശത്തെ തുടർന്ന്…

ബെംഗളൂരു: നമ്മ മെട്രോ യാത്രക്കാർക്ക് അടിയന്തര ഘട്ടങ്ങളിൽ കൃത്യമായ വൈദ്യസഹായം ഉറപ്പാക്കുന്നതിനായി പുതിയ പദ്ധതികളുമായി ബാംഗ്ലൂർ മെട്രോ റെയിൽ കോർപ്പറേഷൻ (BMRCL). മെട്രോ സ്റ്റേഷനുകളിലും ട്രെയിനുകളിലും വെച്ച് യാത്രക്കാർക്ക് പെട്ടെന്ന് രോഗബാധയോ മറ്റ് ശാരീരിക അസ്വസ്ഥതകളോ ഉണ്ടാകുമ്പോൾ ആവശ്യമായ ആംബുലൻസ് സേവനം ലഭ്യമാക്കുന്ന പദ്ധതിക്കാണ് ബിഎംആർസിഎൽ രൂപം നൽകുന്നത്. മെട്രോ യാത്രക്കാർക്ക് അടിയന്തര ഘട്ടങ്ങളിൽ കൃത്യമായ സമയത്ത് വൈദ്യസഹായം ലഭിക്കുന്നില്ലെന്ന വ്യാപകമായ പരാതികളെ തുടർന്നാണ് അധികൃതരുടെ ഈ നിർണ്ണായക നടപടി. നിലവിൽ പ്രതിദിനം എട്ട് മുതൽ ഒമ്പത് ലക്ഷം വരെ യാത്രക്കാരാണ് നമ്മ മെട്രോയെ…

ബെംഗളൂരു: കടുത്ത മഴക്കുറവും ഭൂഗർഭജലനിരപ്പിലെ ആശങ്കാജനകമായ ഇടിവും കണക്കിലെടുത്ത് ബെംഗളൂരു നഗരത്തിൽ കുടിവെള്ള സംരക്ഷണത്തിനായി കർശന നിയന്ത്രണങ്ങൾ ഏർപ്പെടുത്തി ബാംഗ്ലൂർ വാട്ടർ സപ്ലൈ ആൻഡ് സീവറേജ് ബോർഡ് (BWSSB) ഉത്തരവിറക്കി. 1964-ലെ BWSSB നിയമത്തിലെ സെക്ഷൻ 33, 34 പ്രകാരം മൂന്ന് പ്രധാന നിരോധന, നിയന്ത്രണ ഉത്തരവുകളാണ് ബോർഡ് പുറപ്പെടുവിച്ചിട്ടുള്ളത്. പുതിയ നിർദ്ദേശങ്ങൾ വരും ദിവസങ്ങളിൽ നഗരത്തിൽ കർശനമായി നടപ്പിലാക്കും. പുതിയ ഉത്തരവ് പ്രകാരം നീന്തൽക്കുളങ്ങൾ നിറയ്ക്കുന്നതിന് കുടിവെള്ളം ഉപയോഗിക്കുന്നത് പൂർണ്ണമായും നിരോധിച്ചിട്ടുണ്ട്. എന്നാൽ, സംസ്ഥാന-ദേശീയ തലത്തിലുള്ള കായിക മത്സരങ്ങളിൽ പങ്കെടുക്കുന്ന അത്‌ലറ്റുകളുടെ പരിശീലനത്തിനായി…

ബെം​ഗളൂരു: സമഗ്ര വോട്ടർ പട്ടിക പരിഷ്കരണ (എസ്.ഐ.ആർ) പ്രക്രിയയുടെ ഭാഗമായി ജോലിക്ക് പോകുന്നതിനിടെയുണ്ടായ ഇരുചക്ര വാഹന അപകടത്തിൽ പരിക്കേറ്റ വില്ലേജ് അഡ്മിനിസ്ട്രേറ്റീവ് ഓഫീസർ (വി.എ.ഒ) ഭുവന (29) ചികിത്സയിലിരിക്കെ അന്തരിച്ചു. തുംകൂരിലെ ഹുള്ളനഹള്ളിയിലെ വില്ലേജ് അക്കൗണ്ടന്റും ബേഗൂർ സ്വദേശിനിയുമായ ഭുവന, തുംകൂരിലെ സിദ്ധഗംഗ ആശുപത്രിയിൽ വെച്ചാണ് ശനിയാഴ്ച വൈകുന്നേരത്തോടെ മരണത്തിന് കീഴടങ്ങിയത്. ഇന്ന് രാവിലെ തുംകൂർ താലൂക്കിലെ ഗുലൂരിനടുത്തായിരുന്നു അപകടം സംഭവിച്ചത്. നിയുക്ത സ്ഥലത്തേക്ക് ഡ്യൂട്ടിക്കായി പോവുകയായിരുന്ന ഭുവന സഞ്ചരിച്ചിരുന്ന ബൈക്കിൽ ലോറി നേർക്കുനേർ ഇടിക്കുകയായിരുന്നു. തുംകൂർ ബസ് സ്റ്റാൻഡിന് സമീപം സ്വന്തം ബൈക്ക്…

ബെംഗളൂരു: ബെംഗളൂരുവിലെ മലയാളി കുടിയേറ്റക്കാരുടെ പ്രധാന കേന്ദ്രങ്ങളിലൊന്നായ മടിവാളയിൽ നിന്ന് കേരളത്തിലേക്ക് പുതിയ ബസ് സർവീസ് ആരംഭിക്കാൻ കർണാടക ആർടിസി ഒരുങ്ങുന്നു. നിലവിലെ ശാന്തിനഗർ, സാറ്റലൈറ്റ് ടെർമിനലുകൾക്ക് പുറമെയാണ് മടിവാളയെക്കൂടി പുതിയ സർവീസിന്റെ ഭാഗമാക്കുന്നത്. വരാനിരിക്കുന്ന ഓണാഘോഷങ്ങൾക്ക് മുന്നോടിയായി കണ്ണൂരിലേക്കാണ് കർണാടക ആർടിസിയുടെ പ്രീമിയം നോൺ എസി സ്ലീപ്പർ ‘പല്ലക്കി’ ബസ് സർവീസ് ആരംഭിക്കുക. നിലവിൽ മടിവാളയിൽ നിന്ന് കേരളത്തിലേക്ക് സ്വകാര്യ ബസുകൾ മാത്രമാണ് സർവീസ് നടത്തുന്നത് എന്നതിനാൽ സാധാരണക്കാരായ യാത്രക്കാർക്ക് ഈ തീരുമാനം വലിയ ആശ്വാസമാകും. പുതിയ സർവീസ് ആരംഭിച്ചാലും ശാന്തിനഗർ, സാറ്റലൈറ്റ്…

ബെംഗളൂരു: പ്രമുഖ നടിയും ഹെയർ കെയർ-എക്സ്റ്റൻഷൻ ബ്രാൻഡായ ‘നിഷ് ഹെയറി’ന്റെ (Nish Hair) സ്ഥാപകയുമായ പരുൾ ഗുലാത്തി ബെംഗളൂരുവിൽ വൻ സാമ്പത്തിക തട്ടിപ്പിനിരയായി. തന്റെ ഉടമസ്ഥതയിലുള്ള ബ്രാൻഡിന്റെ ബെംഗളൂരു ഔട്ട്‌ലെറ്റിലെ രണ്ട് ജീവനക്കാർ ചേർന്ന് 8 ലക്ഷം രൂപയുടെ തട്ടിപ്പ് നടത്തിയെന്നാണ് താരം വെളിപ്പെടുത്തിയത്. ഇതുമായി ബന്ധപ്പെട്ട് ബെംഗളൂരുവിലെ പോലീസ് സ്റ്റേഷനിൽ ഒരു ദിവസം മുഴുവൻ ചിലവഴിക്കേണ്ടി വന്നതായും, ഏറെ സങ്കടത്തോടെയും വികാരഭരിതയായും പങ്കുവെച്ച ഇൻസ്റ്റാഗ്രാം വീഡിയോയിൽ പരുൾ വ്യക്തമാക്കി. ‘ബെംഗളൂരു, നീ എന്നെ ചതിച്ചു’ (Bangalore, you did me dirty) എന്ന…

ബെംഗളൂരു: സെൻട്രൽ ബെംഗളൂരുവിലെ കെ.ആർ സർക്കിളിൽ നിർത്തിയിട്ടിരുന്ന വായു വജ്ര (വോൾവോ) ബസിന് പിന്നിൽ ബിഎംടിസി ബസ് ഇടിച്ചുകയറി നിരവധി യാത്രക്കാർക്ക് പരിക്ക്. ശനിയാഴ്ച രാവിലെയാണ് നഗരത്തിലെ ഏറ്റവും തിരക്കേറിയ ജംഗ്ഷനുകളിലൊന്നിൽ യാത്രക്കാരെ പരിഭ്രാന്തിയിലാഴ്ത്തുകയും ഗതാഗതക്കുരുക്ക് സൃഷ്ടിക്കുകയും ചെയ്ത അപകടമുണ്ടായത്. രാവിലെ 8:50 ഓടെ ശേഷാദ്രി റോഡിൽ കെ.ആർ സർക്കിളിന് സമീപം ട്രാഫിക് സിഗ്നലിൽ അനേക്കലിലേക്ക് പോകുകയായിരുന്ന വായു വജ്ര ബസ് നിർത്തിയിട്ടിരിക്കുകയായിരുന്നു. ഈ സമയം മജസ്റ്റിക്കിൽ നിന്ന് അത്തിബെലെയിലേക്ക് വരികയായിരുന്ന മറ്റൊരു ബിഎംടിസി ബസ് നിയന്ത്രണം വിട്ട് വായു വജ്ര ബസിന്റെ പിൻഭാഗത്തേക്ക്…

ബെംഗളൂരു: അനാവശ്യ വ്യക്തികളുടെ പ്രവേശനവും സാമൂഹികവിരുദ്ധ പ്രവർത്തനങ്ങളും വർദ്ധിച്ചുവരുന്ന സാഹചര്യത്തിൽ സുരക്ഷ മുൻനിർത്തി പുതിയ നിയന്ത്രണങ്ങളുമായി ബെംഗളൂരുവിലെ ഹെബ്ബാളിലുള്ള പ്രശസ്തമായ ഗവൺമെന്റ് വെറ്ററിനറി കോളേജ്. പുതിയ നിയമപ്രകാരം ഇനിമുതൽ പൊതുജനങ്ങൾക്ക് ക്യാമ്പസിനുള്ളിൽ പ്രവേശിക്കുന്നതിനും പ്രഭാത-സായഹ്ന സവാരികൾക്കും ഫീസ് ഈടാക്കാൻ കോളേജ് മാനേജ്മെന്റ് തീരുമാനിച്ചു. ചൊവ്വാഴ്ചയാണ് (ജൂൺ 30) ഇത് സംബന്ധിച്ച അറിയിപ്പ് പുറത്തുവന്നത്. ഹെബ്ബാളിലെ ഗവൺമെന്റ് വെറ്ററിനറി മെഡിക്കൽ കോളേജിന് ഏകദേശം 300 ഏക്കറോളം വിസ്തൃതിയുള്ള പച്ചപ്പ് നിറഞ്ഞ വിശാലമായ കാമ്പസാണുള്ളത്. നൂറുകണക്കിന് പ്രദേശവാസികളാണ് ദിനവും ഇവിടെ നടക്കാനായി എത്തിയിരുന്നത്. എന്നാൽ സമീപകാലത്തായി നടക്കാനെന്ന…

ബെംഗളൂരു: ലിക്വിഡ് നൈട്രജൻ ചേർത്ത ‘പാൻ’ കഴിച്ച ഒരു ആൺകുട്ടി മരണപ്പെട്ടതിനെ തുടർന്ന് 2024-ൽ കർണാടക സർക്കാർ ഭക്ഷണസാധനങ്ങൾ നേരിട്ട് വിളമ്പുന്ന സമയത്ത് ഇതിന്റെ ഉപയോഗം നിരോധിച്ചിരുന്നു. എന്നാൽ വിപണിയിൽ ഈ രാസവസ്തു ഇപ്പോഴും യാതൊരു നിയന്ത്രണവുമില്ലാതെ എളുപ്പത്തിൽ ലഭ്യമാകുന്നത് വലിയ ആശങ്കയ്ക്ക് കാരണമാകുന്നതായി ഭക്ഷ്യ സുരക്ഷാ വിദഗ്ധർ ചൂണ്ടിക്കാണിക്കുന്നു. ഭക്ഷണസാധനങ്ങൾ തണുപ്പിക്കുന്നതിനും പാകം ചെയ്യുന്നതിനുമുള്ള ലിക്വിഡ് നൈട്രജന്റെ ഉപയോഗത്തിന് സർക്കാർ നിയന്ത്രണം ഏർപ്പെടുത്തിയിട്ടില്ലെങ്കിലും, വിപണിയിലെ വിൽപനയ്ക്ക് കർശനമായ മാർഗ്ഗനിർദ്ദേശങ്ങളും സുരക്ഷാ പരിശോധനകളും ആവശ്യമാണെന്ന് വിദഗ്ധർ ആവശ്യപ്പെടുന്നു. സമീപകാലത്തുണ്ടായ അപകടങ്ങളുടെ പശ്ചാത്തലത്തിൽ പീനിയ, മൈസൂരു…