News

ബെംഗളൂരു: വാഹനപ്പെരുപ്പം കൊണ്ട് വീർപ്പുമുട്ടുന്ന സിലിക്കൺ സിറ്റിയെ ഗതാഗതക്കുരുക്കിൽ നിന്ന് മോചിപ്പിക്കാൻ വിപ്ലവകരമായ പദ്ധതിയുമായി സ്വകാര്യ കമ്പനികൾ രംഗത്ത്. ആഴ്ചയിൽ ചുരുങ്ങിയത് രണ്ട് ദിവസമെങ്കിലും പൊതുഗതാഗതം ഉപയോഗിക്കുന്ന ജീവനക്കാർക്ക് പ്രതിമാസം 2,000 രൂപ അധിക ഇൻസെന്റീവ് നൽകുമെന്ന് പ്രമുഖ കമ്പനിയായ ബയോകോൺ പ്രഖ്യാപിച്ചു. ലോകത്തിലെ ഏറ്റവും തിരക്കേറിയ രണ്ടാമത്തെ നഗരമെന്ന ബെംഗളൂരുവിന്റെ ദുഷ്പേര് മാറ്റിയെടുക്കുക എന്ന ലക്ഷ്യത്തോടെയാണ് ഈ നീക്കം. ആദ്യഘട്ടത്തിൽ 1,000 ജീവനക്കാർക്ക് പ്രയോജനം ജീവനക്കാർ കൃത്യസമയത്ത് ഓഫീസിൽ എത്തുന്നുവെന്ന് ഉറപ്പാക്കാനും റോഡിലെ വാഹനസാന്ദ്രത കുറയ്ക്കാനുമാണ് ബയോകോൺ തങ്ങളുടെ ടെക്‌നീഷ്യൻമാർക്ക് ഈ ഓഫർ…

ബെംഗളൂരു: നഗരത്തിന് സമീപം റാംപൂരിലെ മാലിന്യ സംഭരണശാലയിലുണ്ടായ വൻ തീപിടുത്തം ജനങ്ങളെ പരിഭ്രാന്തിയിലാഴ്ത്തി. ദൊഡ്ഡഗുബ്ബി ഗ്രാമപഞ്ചായത്ത് പരിധിയിൽ ഉൾപ്പെടുന്ന റാംപൂർ ഗ്രാമത്തിലെ മാലിന്യ സംസ്കരണ കേന്ദ്രത്തിലാണ് വ്യാഴാഴ്ച തീപിടുത്തമുണ്ടായത്. പത്തു കിലോമീറ്ററോളം ദൂരത്തിൽ കനത്ത പുക ദൃശ്യമാകുന്ന രീതിയിൽ തീ അതിവേഗം പടർന്നത് പ്രദേശത്ത് വലിയ ആശങ്കയ്ക്ക് കാരണമായി. അഗ്നിശമന സേനാ യൂണിറ്റുകൾ സ്ഥലത്തെത്തി തീ നിയന്ത്രണവിധേയമാക്കാൻ മണിക്കൂറുകളോളം പരിശ്രമിച്ചു. വായുവിൽ പടരുന്ന കനത്ത പുക കാരണം സമീപവാസികൾക്ക് ശ്വസനതടസ്സവും കാഴ്ചമറയുന്ന സാഹചര്യവും നേരിടേണ്ടി വന്നു. തീപിടുത്തത്തിന്റെ കാരണം വ്യക്തമായിട്ടില്ലെങ്കിലും വൻതോതിലുള്ള പ്ലാസ്റ്റിക് അടക്കമുള്ള…

ബെംഗളൂരു: തുംകൂർ ജില്ലയിലെ വിവിധയിടങ്ങളിൽ മുപ്പത്തഞ്ചോളം മയിലുകളെ ചത്ത നിലയിൽ കണ്ടെത്തിയത് പരിഭ്രാന്തി പരത്തുന്നു. ഈ ആഴ്ച മാത്രം ബൊമ്മനഹള്ളി, മച്ചേനഹള്ളി ഗ്രാമങ്ങളുടെ ഒരു കിലോമീറ്റർ ചുറ്റളവിലാണ് ഇത്രയധികം മയിലുകൾ ചത്തൊടുങ്ങിയത്. കടുത്ത ചൂടും നിർജ്ജലീകരണവുമാണ് മരണത്തിന് പ്രാഥമിക കാരണമായി സംശയിക്കുന്നതെങ്കിലും, സംസ്ഥാനത്ത് പക്ഷിപ്പനി പടരുന്ന സാഹചര്യത്തിൽ അതീവ ജാഗ്രതയിലാണ് വനംവകുപ്പ്. സംഭവസ്ഥലം സന്ദർശിച്ച വനംവകുപ്പ് ഉദ്യോഗസ്ഥരും മൃഗഡോക്ടർമാരും മയിലുകളുടെ പോസ്റ്റ്‌മോർട്ടം നടപടികൾ പൂർത്തിയാക്കി സാമ്പിളുകൾ വിദഗ്ധ പരിശോധനയ്ക്കായി ലബോറട്ടറിയിലേക്ക് അയച്ചു. മയിലുകളുടെ ശ്വാസകോശത്തെ അണുബാധ സാരമായി ബാധിച്ചതായാണ് പ്രാഥമിക നിഗമനം. മരണകാരണം പക്ഷിപ്പനിയാണോ…

ബെംഗളൂരു: കഠിനമായ ശാരീരിക വെല്ലുവിളികളെയും വേദനയെയും അതിജീവിച്ച് സ്‌ട്രെച്ചറിൽ കിടന്ന് എസ്എസ്എൽസി പരീക്ഷയെഴുതിയ കുസുമയ്ക്ക് ഒന്നാം ക്ലാസ് വിജയം. അപകടത്തെത്തുടർന്ന് ചികിത്സയിലായിരുന്ന കുസുമ ആംബുലൻസിലെത്തി പരീക്ഷാ ഹാളിൽ സ്ട്രെച്ചറിൽ കിടന്നാണ് പരീക്ഷ പൂർത്തിയാക്കിയത്. ഫലം വന്നപ്പോൾ 625-ൽ 374 മാർക്ക് നേടിയാണ് ഈ മിടുക്കി എല്ലാവർക്കും മാതൃകയായത്. കോലാർ ജില്ലയിലെ കെ.ജി.എഫ് താലൂക്ക് ചിന്നനാഗഹള്ളി സ്വദേശിനിയായ കുസുമ നിലവിൽ ബെംഗളൂരുവിലെ വൈറ്റ്ഫീൽഡിലുള്ള സ്വകാര്യ ആശുപത്രിയിൽ ചികിത്സയിലാണ്. പരീക്ഷയ്ക്ക് തൊട്ടുമുൻപ് അപകടത്തിൽപ്പെട്ട കുസുമയ്ക്ക് ശസ്ത്രക്രിയ ആവശ്യമായിരുന്നു. എന്നാൽ വിദ്യാഭ്യാസം മുടങ്ങരുതെന്ന ഉറച്ച തീരുമാനത്തിൽ അധികൃതരുടെ പ്രത്യേക…

ബെംഗളൂരു: കർണാടക പത്താം ക്ലാസ് പരീക്ഷാ വ്യാഴാഴ്ച ഫലം പ്രഖ്യാപിച്ചു. കർണാടക സ്കൂൾ പരീക്ഷാ വിലയിരുത്തൽ ബോർഡ് ആണ് സ്കോറുകൾ പുറത്തുവിട്ടത്. 94.1 ശതമാനം എന്ന റെക്കോർഡ് വിജയമാണ് ഇത്തവണ രേഖപ്പെടുത്തിയത്. കഴിഞ്ഞ വർഷത്തെ ആകെ വിജയശതമാനമായ 80.04-ൽ നിന്ന് 14.06 ശതമാനത്തിന്റെ വർധനവാണ് ഇത്തവണ ലഭിച്ചത്. പരീക്ഷ എഴുതിയ 7,70,209 വിദ്യാർഥികളിൽ 7,24,794 പേർ വിജയിച്ചു. ഏഴ് വിദ്യാർത്ഥികൾ 625-ൽ 625 മാർക്കും നേടി. ബെലഗാവി ജില്ലയിലെ അതാനി താലൂക്കിലെ സർക്കാർ സ്കൂൾ വിദ്യാർഥിയും ഇതിൽ ഉൾപ്പെടുന്നു. ഇത്തവണയും പെൺകുട്ടികളാണ് മുന്നിൽ (96.18%).…