Category: NATIONAL

ഹൈദരാബാദ്: ഭക്ഷ്യസുരക്ഷാ മാനദണ്ഡങ്ങൾ ലംഘിച്ച് പ്രവർത്തിച്ചതിനെ തുടർന്ന് ഹൈദരാബാദിലെ ഏഴ് കെ.എഫ്.സി (KFC) ഔട്ട്‌ലെറ്റുകളുടെയും രണ്ട് ഡൊമിനോസ് പിസ (Domino’s Pizza) ഔട്ട്‌ലെറ്റുകളുടെയും എഫ്.എസ്.എസ്.എ.ഐ (FSSAI) ലൈസൻസുകൾ തെലങ്കാന സ്റ്റാൻഡേർഡ്സ് അതോറിറ്റി ഫോർ ഫുഡ് ആൻഡ് എസൻഷ്യൽ ഡ്രഗ്സ് (TG SAFE) സസ്പെൻഡ് ചെയ്തു. വ്യാഴാഴ്ച (നവംബർ 12) നഗരത്തിലെ പ്രമുഖ ഫാസ്റ്റ് ഫുഡ് ശൃംഖലകളുടെ 26 ശാഖകളിൽ നടത്തിയ മിന്നൽ പരിശോധനയിലാണ് ഗുരുതരമായ വീഴ്ചകൾ കണ്ടെത്തിയത്. പാറ്റകളുടെയും ഈച്ചകളുടെയും ശല്യം, എലിക്കാഷ്ഠം, കാലാവധി കഴിഞ്ഞ ഭക്ഷ്യവസ്തുക്കൾ, ഉപയോഗിച്ച പാചക എണ്ണ അനധികൃതമായി വീണ്ടും…

ഡൽഹി: ട്രെയിനുകളിലെ ആർഎസി (റിസർവേഷൻ എഗെയ്ൻസ്റ്റ് കാൻസലേഷൻ) സംവിധാനം നിർത്തലാക്കുന്ന കാര്യം റെയിൽവേ മന്ത്രാലയം സജീവമായി പരിഗണിക്കുന്നു. തിരക്കുള്ള സമയങ്ങളിൽ ഒരു ബെർത്ത് രണ്ട് യാത്രക്കാർ പങ്കിട്ട് യാത്ര ചെയ്യുന്ന രീതിയാണ് ആർഎസി. ഈ രീതിയിൽ യാത്ര ചെയ്യുമ്പോഴും യാത്രക്കാരിൽനിന്ന് മുഴുവൻ ടിക്കറ്റ് നിരക്കും ഈടാക്കുന്നതിനെതിരെ വ്യാപകമായ പരാതികൾ ഉയർന്നിരുന്നു. ഈ പശ്ചാത്തലത്തിലാണ് റിസർവേഷൻ സംവിധാനം പരിഷ്കരിക്കുന്നതിന്റെ ഭാഗമായി റെയിൽവേ പുതിയ മാറ്റങ്ങളെക്കുറിച്ച് ആലോചിക്കുന്നത്. യാത്രക്കാരുടെ സൗകര്യം മുൻനിർത്തിയാണ് ഇത്തരമൊരു നീക്കമെന്ന് ‘ടൈംസ് ഓഫ് ഇന്ത്യ’ റിപ്പോർട്ട് ചെയ്തു. ബെർത്ത് പൂർണമായി ലഭിക്കാത്ത സാഹചര്യത്തിൽ…

ചെന്നൈ: യാത്രക്കാരുടെ സുരക്ഷ ഉറപ്പാക്കുന്നതിന്റെ ഭാഗമായി ഇന്ത്യൻ റെയിൽവേ നിർണായക തീരുമാനം പ്രഖ്യാപിച്ചു. ഇതുവരെ ഓൺലൈൻ വഴി ബുക്ക് ചെയ്ത ഇ-ടിക്കറ്റുകൾക്ക് മാത്രം ലഭ്യമായിരുന്ന 10 ലക്ഷം രൂപയുടെ അപകട ഇൻഷുറൻസ് പരിരക്ഷ ഇനി റെയിൽവേ റിസർവേഷൻ കൗണ്ടറുകളിൽ നിന്ന് നേരിട്ട് വാങ്ങുന്ന പേപ്പർ ടിക്കറ്റുകൾക്കും ബാധകമാക്കി. സുപ്രീം കോടതിയുടെ ഒക്ടോബർ 6-ലെ ഉത്തരവിന്റെ അടിസ്ഥാനത്തിലാണ് റെയിൽവേ ബോർഡ് ഈ പുതിയ പദ്ധതി നടപ്പിലാക്കിയിരിക്കുന്നത്. പൊതുജനങ്ങളിൽ നിന്ന് ഇതിനോടകം തന്നെ വലിയ സ്വീകാര്യതയാണ് ഈ തീരുമാനത്തിന് ലഭിച്ചിരിക്കുന്നത്. ഡിജിറ്റൽ പണമടയ്ക്കൽ നിർബന്ധം; പ്രീമിയം വെറും…

ന്യൂഡൽഹി∙ മൂന്നു തവണ ഏഷ്യൻ പാരാ ഗെയിംസ് സ്വർണ മെഡൽ ജേതാവായിരുന്ന നീരജ് യാദവിനെ വീട്ടിൽ മരിച്ചനിലയിൽ കണ്ടെത്തി. ചൊവ്വാഴ്ച ഡൽഹിയിലെ വസതിയിലാണ് നീരജിനെ വിഷം ഉള്ളിൽ ചെന്ന് മരിച്ചനിലയിൽ കണ്ടെത്തിയത്. ആത്മഹത്യയാണെന്നാണ് വിവരം. ഉത്തേജകമരുന്ന് പരിശോധനയിൽ പരാജയപ്പെട്ടതിനെ തുടർന്ന് ഏർപ്പെടുത്തിയ വിലക്ക് കാരണം ഈ മാസമാദ്യം നടന്ന ഐച്ചി-നഗോയ ഏഷ്യൻ പാരാ ഗെയിംസിൽ പങ്കെടുക്കാൻ നീരജ് യാദവിനു സാധിച്ചിരുന്നില്ല. ഇതെത്തുടർന്ന് താരം കടുത്ത മാനസിക സമ്മർദത്തിലായിരുന്നെന്നാണ് വിവരം. മൃതദേഹം പോസ്റ്റ്മോർട്ടം നടപടികൾക്കായി ഡൽഹിയിലെ ആശുപത്രിയിലേക്കു മാറ്റി. ഇന്ത്യൻ പാരാ അത്‌ലറ്റിക്സ് ടീമിന്റെ മുഖ്യ…

കൊച്ചി: കുട്ടികളുടെ പിറന്നാൾ ആഘോഷങ്ങൾ, സ്കൂൾ പരിപാടികൾ, യാത്രകൾ, ദൈനംദിന വിശേഷങ്ങൾ എന്നിവ സോഷ്യൽ മീഡിയയിലൂടെ പങ്കുവെക്കുന്ന മാതാപിതാക്കളുടെ എണ്ണം വർധിച്ചു വരുന്ന സാഹചര്യത്തിൽ, അവരുടെ സ്വകാര്യതയും സുരക്ഷയും ഉറപ്പാക്കാൻ കടുത്ത ജാഗ്രത പാലിക്കണമെന്ന് സൈബർ സുരക്ഷാ വിദഗ്ധർ മുന്നറിയിപ്പ് നൽകുന്നു. നിഷ്കളങ്കമായി പങ്കുവെക്കുന്ന ചിത്രങ്ങളും വീഡിയോകളും പോലും ദുരുപയോഗം ചെയ്യപ്പെടാൻ സാധ്യതയുണ്ടെന്ന് വിദഗ്ധർ ചൂണ്ടിക്കാണിക്കുന്നു. ഡിജിറ്റൽ അടയാളങ്ങളും വിവര ചോർച്ചയും കുട്ടികളുടെ ചിത്രങ്ങൾ പൊതുവായി ലഭ്യമാകുന്ന രീതിയിൽ പോസ്റ്റ് ചെയ്യുമ്പോൾ അവ പരിചയമില്ലാത്തവരിലേക്ക് എത്താനും, ഒരിക്കൽ ഇന്റർനെറ്റിൽ എത്തിയ ചിത്രം മറ്റുള്ളവർ ഡൗൺലോഡ്…

മുംബൈ: ബോളിവുഡ് താരം ടൈഗർ ഷ്രോഫിനെ ലക്ഷ്യമിട്ട് മുംബൈയിലെ ജുഹുവിൽ വെടിവെപ്പ്‌. പുഷ്‌പ പാർക്കിൽ മോട്ടോർ സൈക്കിളിലെത്തിയ മൂന്ന് അജ്ഞാതർ വെടിയുതിർത്തതായാണ് വിവരം. സംഭവത്തിൽ ടൈഗർ ഷ്രോഫിന് പരിക്കേറ്റെന്നായിരുന്നു ആദ്യ റിപ്പോർട്ടുകൾ. എന്നാൽ നടൻ സുരക്ഷിതനാണെന്നും അദ്ദേഹത്തിന് വെടിയേറ്റിട്ടില്ലെന്നും മുംബൈ പൊലീസ് പിന്നീട് വ്യക്തമാക്കി. ഷ്രോഫിൻ്റെ ഡ്രൈവർക്കും ഒരു ഓട്ടോറിക്ഷാ ഡ്രൈവർക്കും സംഭവത്തിൽ പരിക്കേറ്റതായാണ് റിപ്പോർട്ട്. സംഭവത്തെത്തുടർന്ന് മുംബൈയിലെ സുരക്ഷാ സംവിധാനങ്ങളെക്കുറിച്ചും ക്രമസമാധാന നിലയെക്കുറിച്ചും ചർച്ചകൾ ശക്തമായിട്ടുണ്ട്. വെടിവെപ്പിന് പിന്നിൽ ആരാണെന്നതും ആക്രമണത്തിൻ്റെ യഥാർഥ ലക്ഷ്യം എന്താണെന്നതും സംബന്ധിച്ച വിവരങ്ങൾ പുറത്തുവന്നിട്ടില്ല.

ഡൽഹി: ഡൽഹി മെട്രോയിൽ സീറ്റിനെച്ചിലുണ്ടായ തർക്കത്തെ തുടർന്ന് 48 കാരനായ പവൻ ശർമ്മ കൊല്ലപ്പെട്ട സംഭവത്തിന്റെ കൂടുതൽ വിവരങ്ങൾ പുറത്ത്. മുതിർന്ന പൗരന്മാർക്കായി സംവരണം ചെയ്ത സീറ്റിൽ ഇരുന്നതുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചത്. സംഭവത്തിന് സാക്ഷിയായ, കൊല്ലപ്പെട്ട പവൻ ശർമ്മയുടെ അമ്മ ദുർഗാ ദേവി തങ്ങൾക്ക് നേരിടേണ്ടി വന്ന ക്രൂരതയെക്കുറിച്ച് മാധ്യമങ്ങളോട് വെളിപ്പെടുത്തി. ഒക്ടോബർ 8-നാണ് രാജ്യത്തെ ഞെട്ടിച്ച ഈ ദാരുണ സംഭവം നടന്നത്. സുപ്രീം കോടതി മെട്രോ സ്റ്റേഷനിൽ വെച്ചായിരുന്നു സംഭവം. അന്നേദിവസം അമ്മയ്ക്ക് ശാരീരിക അസ്വസ്ഥതകൾ ഉണ്ടായിരുന്നതിനാലാണ് അവർക്കൊപ്പം പവൻ…

ഡൽഹി: രാജ്യത്ത് ആദ്യമായി, കേന്ദ്ര സർക്കാരിന്റെ പ്രധാൻ മന്ത്രി ഉജ്ജ്വല യോജന പ്രകാരം ദരിദ്ര കുടുംബങ്ങളിലെ സ്ത്രീകൾക്ക് സൗജന്യ എൽപിജി കണക്ഷൻ നൽകുന്നുണ്ട്. എന്നാൽ ഇപ്പോൾ രണ്ട് ഗ്യാസ് സിലിണ്ടറുകൾ നൽകാൻ സർക്കാർ മുന്നോട്ട് വന്നിരിക്കുന്നു. എവിടെ, എന്തിനാണ് ഇതിന്റെ ഉദ്ദേശ്യം എന്നതിനെക്കുറിച്ചുള്ള വിവരങ്ങൾ ഇതാ. പദ്ധതി പ്രകാരം ഉത്തർപ്രദേശിലെ ദരിദ്ര കുടുംബങ്ങളിലെ സ്ത്രീകൾക്ക് സൗജന്യ എൽപിജി സിലിണ്ടറുകൾ നൽകാൻ സംസ്ഥാന സർക്കാർ ഉത്തരവായി. പ്രധാൻ മന്ത്രി ഉജ്ജ്വല യോജന പദ്ധതിയുടെ ഗുണഭോക്താക്കൾക്കാണ് 2026-27 സാമ്പത്തിക വർഷത്തിൽ രണ്ട് സൗജന്യ എൽപിജി ഗ്യാസ് സിലിണ്ടറുകൾ ലഭ്യമാക്കുന്നത്.…

കൊച്ചി: പശ്ചിമേഷ്യൻ സംഘർഷത്തിന്റെ പശ്ചാത്തലത്തിൽ ക്രൂഡ് ഓയിൽ വില വർധിച്ചതിനെത്തുടർന്ന് നയാര എനർജിക്ക് പിന്നാലെ സ്വകാര്യ എണ്ണക്കമ്പനിയായ ജിയോ ബിപിയും പെട്രോളിനും ഡീസലിനും വില വർധിപ്പിച്ചു. പെട്രോളിന് ലീറ്ററിന് അഞ്ചു രൂപയും ഡീസലിന് മൂന്നു രൂപയുമാണ് ജിയോ ബിപി ഒറ്റയടിക്ക് വർധിപ്പിച്ചത്. ഇതോടെ കൊച്ചിയിൽ ജിയോ ബിപിയുടെ പെട്രോൾ വില 118.69 രൂപയായും ഡീസൽ വില 105.59 രൂപയായും ഉയർന്നു. രാജ്യത്തെ ഏറ്റവും വലിയ സ്വകാര്യ എണ്ണക്കമ്പനിയായ നയാര എനർജിയും കഴിഞ്ഞയാഴ്ച സമാനമായ രീതിയിൽ വില വർധിപ്പിച്ചിരുന്നു. നയാര എനർജി പെട്രോളിന് ലീറ്ററിന് അഞ്ചു…

ലഖ്നൗ: ക്ലാസ് മുറിയിലിരുന്ന് വിദ്യാർഥിയുടെ തലയിൽ തബല കൊട്ടുന്ന രീതിയിൽ തട്ടി ക്രൂരവിനോദത്തിൽ ഏർപ്പെട്ട പ്രൈമറി സ്കൂൾ അധ്യാപകന് സസ്പെൻഷൻ. ഉത്തർപ്രദേശിലെ ഇറ്റാവ ജില്ലയിലാണ് മനസ്സാക്ഷിയെ ഞെട്ടിക്കുന്ന ഈ സംഭവം അരങ്ങേറിയത്. അധ്യാപകനായ ദിനേഷ് കുമാർ മാത്തൂറിനെതിരെയാണ് ഗുരുതരമായ അച്ചടക്കലംഘനം ചൂണ്ടിക്കാട്ടി വിദ്യാഭ്യാസ വകുപ്പ് നടപടി സ്വീകരിച്ചിരിക്കുന്നത്. ക്ലാസ് മുറിയിൽ കസേരയിലിരിക്കുന്ന ദിനേഷ് കുമാർ മാത്തൂർ, തറയിലിരിക്കുന്ന കുട്ടിയുടെ തലയിൽ ചെണ്ടയോ തബലയോ കൊട്ടുന്നതുപോലെ കൈകൊണ്ട് ശക്തിയായി തട്ടുന്നതാണ് ദൃശ്യങ്ങളിലുള്ളത്. അധ്യാപകൻ അട്ടഹസിച്ചു ചിരിക്കുമ്പോൾ ചുറ്റുമിരിക്കുന്ന മറ്റ് വിദ്യാർഥികളും ഭയത്തോടെയല്ലാതെ ചിരിക്കുന്നതും വീഡിയോയിൽ വ്യക്തമാണ്.…