ബെംഗളൂരു : കർണാടകയിൽ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതികളിൽ കണ്ടെത്തിയത് വൻ തട്ടിപ്പ്. ആൾമാറാട്ടവും ഫണ്ട് വകമാറ്റലും ഉൾപ്പെടെ വലിയ ക്രമക്കേടുകളാണ് പുറത്ത് വന്നത്.
ലിസ്റ്റിലെ പേര് അനുസരിച്ച് ആളുകളുടെ എണ്ണം പരിശോധിക്കുന്നതിനായി ഉദ്യോഗസ്ഥർ സ്ഥലത്തെത്തിയപ്പോൾ കണ്ടത് ലിസ്റ്റിൽ സ്ത്രീയുടെ പേര് എന്നാൽ മുഖത്തെ സാരിത്തുമ്പ് മാറ്റാൻ ആവശ്യപ്പെട്ടപ്പോൾ കണ്ടതാകട്ടെ പുരുഷനെയും.
സ്ത്രീ വേഷം കെട്ടിയ പുരുഷൻ പിടിക്കപ്പെട്ടതോടെ നിരവധി പേർ സ്ഥലത്ത് നിന്നും ഓടി രക്ഷപ്പെടുകയായിരുന്നു.
തൊഴിലുറപ്പ് പദ്ധതി പ്രകാരം ജോലി ചെയ്തതിൻ്റെ തെളിവായി വ്യാജചിത്രം അപ്ലോഡ് ചെയ്തതായും, തൊഴിലുറപ്പ് തൊഴിലാളികളെ അംഗൻവാടി നിർമാണ പ്രവർത്തനങ്ങൾക്കായി നിയമിച്ചതായും അന്വേഷണത്തിൽ കണ്ടെത്തി. ഇവയ്ക്കെല്ലാം പുറമേ ഫണ്ട് തിരിമറി നടന്നതായും കണ്ടെത്തി.
