Day: 1 April 2024

ബെംഗളൂരു : കുടകിലെ ഹൊസഗുന്ധിയിൽ കാട്ടാനയുടെ ആക്രമണത്തിൽ കർഷകൻ കൊല്ലപ്പെട്ടു. പ്രദേശവാസിയായ ജഗദീഷ് (50) ആണ് മരിച്ചത്. ഞായറാഴ്ച രാവിലെയാണ് സംഭവം. കൃഷിയിടം നനച്ചതിനുശേഷം വീട്ടിൽ പോകാനായി റോഡരികിൽ നിർത്തിയ ബൈക്കിനടുത്തേക്ക് വന്നതായിരുന്നു ജഗദീഷ്. ഇതിനിടെ സമീപത്തെ തോട്ടത്തിൽനിന്ന് ഓടിയെത്തിയ കാട്ടാന ജഗദീഷിന്റെ ആക്രമിക്കുകയായിരുന്നു. സംഭവസ്ഥലത്തുതന്നെ ഇദ്ദേഹം മരിച്ചു. ജഗദീഷിന്റെ കുടുംബത്തിന് ഉടൻ നഷ്ടപരിഹാരം വിതരണം ചെയ്യണമെന്നും കുടുംബത്തിലെ ഒരംഗത്തിന് സർക്കാർ ജോലി നൽകണമെന്നും ആവശ്യപ്പെട്ട് പ്രദേശവാസികൾ വനംവകുപ്പ് ഓഫീസിനുമുന്നിൽ പ്രതിഷേധിച്ചു. വനംവകുപ്പ് അധികൃതരെത്തി കുടുംബത്തിന് ചെക്ക് കൈമാറിയതോടെയാണ് പ്രതിഷേധം അവസാനിച്ചത്.

ബെംഗളൂരു : ഭദ്ര കനാലിൽ കുളിക്കാനിറങ്ങിയ വിദ്യാർഥി നദിയിൽ മുങ്ങി മരിച്ചു. മണികണ്ഠ (16) ആണ് മരിച്ചത്. ദാവൻഗെരെ ജില്ലയിലെ ബസവപട്ടണത്താണ് സംഭവം. ബസവപട്ടണ ജനത ഹൈസ്കൂളിൽ എസ്എസ്എൽസി പരീക്ഷ എഴുതാൻ പോയതായിരുന്നു ഹൊന്നാളി താലൂക്കിലെ നെരലഗുഡി ഗ്രാമത്തിലെ തിമ്മപ്പയുടെ മകൻ മണികണ്ഠ. പരീക്ഷ കഴിഞ്ഞ് തിരികെ വരുന്നതിനിടെ കനാലിൽ കുളിക്കാൻ വിദ്യാർത്ഥി പോയി. എന്നാൽ അബദ്ധത്തിൽ കനാലിൽ വീണ് മരിച്ചു. ഹരോസാഗരയ്ക്ക് സമീപമുള്ള കനാലിൽ മൃതദേഹം കണ്ടെത്തി. മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് അയച്ചിട്ടുണ്ട്. ബസവപട്ടണം പോലീസ് സ്‌റ്റേഷനിൽ ഇതു സംബന്ധിച്ച് കേസ് രജിസ്റ്റർ…

ബെംഗളൂരു : കുറഞ്ഞശക്തിയുള്ള മോട്ടോർ ഉപയോഗിക്കുന്ന വൈദ്യുത സ്കൂട്ടറുകൾക്കും നമ്പർപ്ലേറ്റുകൾ നിർബന്ധമാക്കണമെന്ന് ട്രാഫിക് പോലീസ്. ഇത്തരം സ്കൂട്ടറുകൾ നിരന്തരം സിഗ്നലുകൾലംഘിക്കുന്നതായും അപകടങ്ങളുണ്ടാക്കുന്നതായും ചൂണ്ടിക്കാട്ടി ഗതാഗതവകുപ്പിന് കത്തുനൽകി. തിരഞ്ഞെടുപ്പിന്ുശേഷം ഇക്കാര്യം ഗതാഗതവകുപ്പ് പരിഗണിക്കുമെന്നാണ് വിവരം. നിലവിലെ കേന്ദ്ര മോട്ടോർവാഹന നിയമമനുസരിച്ച് 250 വാട്ടിൽ താഴെ ശേഷിയുള്ള വൈദ്യുതി സ്കൂട്ടറുകൾക്ക് നമ്പർ പ്ലേറ്റുകളോ ഓടിക്കുന്നയാൾക്ക് ഹെൽമെറ്റോ ലൈസൻസോ ആവശ്യമില്ല. നഗരത്തിലെ ഭൂരിഭാഗം ഭക്ഷണവിതരണക്കാരും കൊറിയർ വിതരണക്കാരും ഇത്തരം സ്കൂട്ടറുകളാണ് ഉപയോഗിക്കുന്നത്. നിയമത്തിൽ ഇളവുകളുള്ളതിനാൽ സ്കൂട്ടറുകൾ ഉപയോഗിക്കുന്നവർ നടപ്പാതകളിലൂടെ ഓടിക്കുന്നതും സിഗ്നലുകൾ മറികടക്കുന്നതും പതിവാണ്. ഇതിനോടകം ഒട്ടേറെ അപകടങ്ങളുമുണ്ടായി.…

ബെംഗളൂരു : ചുട്ടുപൊള്ളുന്ന ചൂടിൽ സംസ്ഥാനത്ത് ഒരുമാസത്തിനിടെ സൂര്യാഘാതമേറ്റത് 366 പേർക്ക്. മാർച്ച് ഒന്നുമുതൽ 28 വരെയുള്ള കണക്കാണ് ആരോഗ്യവകുപ്പ് പുറത്തുവിട്ടത്. കൂടുതൽ പേർക്ക് സൂര്യാഘാതമേറ്റത് ചിക്കബെല്ലാപുരയിലാണ്. തൊട്ടുപിന്നിൽ മാണ്ഡ്യ, ചിത്രദുർഗ, ബാഗൽക്കോട്ട്, ബെലഗാവി ജില്ലകളുമുണ്ട്. എന്നാൽ ആരുടേയും ആരോഗ്യനില ഗുരുതരമല്ല. ഹൃദയവുമായും രക്തവുമായുംബന്ധപ്പെട്ട അസുഖങ്ങളുള്ളവർ ചൂടുകാലത്ത് ഏറെ പ്രയാസപ്പെടുന്നതായും ആരോഗ്യവകുപ്പിന്റെ റിപ്പോർട്ടിൽ പറയുന്നു. വടക്കൻ കർണാടകത്തിലെ പലജില്ലകളിലും താപനില 40 ഡിഗ്രിസെൽഷ്യസിന് മുകളിലാണ്. കഴിഞ്ഞ അഞ്ചുവർഷത്തിനിടെ ബെംഗളൂരുവിൽ ഏറ്റവും ഉയർന്ന ചൂട് അനുഭവപ്പെട്ട മാർച്ച് മാസമാണ് കടന്നുപോയത്. വെള്ളിയാഴ്ച 36.4 ഡിഗ്രി സെൽഷ്യസായിരുന്നു…