Day: 7 June 2023

ലഖ്നൗ:  കോടതി മുറിക്ക് പുറത്ത് ഗുണ്ടാ നേതാവ് വെടിയേറ്റു മരിച്ചു. സഞ്ജീവ് ജീവ എന്നറിയപ്പെടുന്ന സഞ്ജീവ് മഹേശ്വരിയാണ് വെടിയേറ്റ് കൊല്ലപ്പെട്ടത്. ആക്രമണത്തില്‍ രണ്ട് പോലീസുകാര്‍ക്കും പെണ്‍കുട്ടിക്കും പരിക്കേറ്റു. ഇന്ന് വൈകിട്ട് 3.30 ഓടെയായിരുന്നു സംഭവം. വെടിയുതിര്‍ത്തയാള്‍ അഭിഭാഷകന്റെ വേഷത്തിലായിരുന്നു കോടതിയില്‍ പ്രവേശിച്ചതെന്ന് പൊലീസ് പറഞ്ഞു. ഇയാളെ പൊലീസ് അറസ്റ്റ് ചെയ്തിട്ടുണ്ട്. വെടിയേറ്റ ഉടന്‍ തന്നെ സഞ്ജീവ് ജീവയെ ആശുപത്രിയില്‍ പ്രവേശിപ്പിച്ചെങ്കിലും മരണപ്പെടുകയായിരുന്നു. വര്‍ഷങ്ങളോളം ജയിലില്‍ കഴിഞ്ഞിരുന്ന സഞ്ജീവ് ജീവയ്‌ക്കെതിരെ ഉത്തര്‍പ്രദേശിലും ഉത്തരാഖണ്ഡിലുമായി അന്‍പതിലധികം ക്രിമിനല്‍ കേസുകളുണ്ടുന്നാണ് റിപ്പോര്‍ട്ടുകള്‍ പറയുന്നത്.

ബെംഗളൂരു: വിദ്വേഷം പടർത്തുന്നത് തടയാൻ പീസ്ഫുൾ കർണാടക ഹെൽപ് ലൈൻ ആരംഭിക്കണമെന്ന നിർദേശവുമായി വ്യവസായമന്ത്രി എം.ബി. പാട്ടീല്‍. കേസുകൾ പെടുന്ന പ്രവർത്തകർക്ക് നിയമസഹായം നൽകാൻ ഹെൽപ് ലൈൻ തുടങ്ങുമെന്ന ബി.ജെ.പി പ്രഖ്യാപനത്തിന് പിന്നാലെയാണ് പാട്ടീലിന്റെ ആവശ്യം. വികസനവും പുരോഗതിയുമാണ് സർക്കാരിന്റെ അജൻഡയെന്നും അതിനാൽ വിദ്വേഷ കുറ്റകൃത്യങ്ങൾക്ക് എതിരെ കർശന നടപടി വേണമെന്നും മുഖ്യമന്ത്രി സിദ്ധരാമയ്യ ഉപമുഖ്യമന്ത്രി ഡി.കെ.ശിവകുമാർ മന്ത്രി പ്രിയങ്ക് ഗാര്‍ഗെ, എന്നിവരോടും ട്വീറ്റിലൂടെ ആവശ്യപ്പെട്ടു. മുസ്ലിം സ്ത്രീകളെ അപമാനിക്കുന്ന വാട്സ് ആപ്പ് സ്റ്റാറ്റസ് ഇട്ടതിന് റായ്ച്ചൂരിൽ ആർ.എസ്.എസ് പ്രവർത്തകനെ പോലീസ് അറസ്റ്റ് ചെയ്തിരുന്നു.…