ബെംഗളൂരു : യുദ്ധത്തിൽ തകർന്ന യുക്രൈനിൽ നിന്ന് കന്നഡക്കാരെ തിരികെ കൊണ്ടുവരാനുള്ള ശ്രമങ്ങൾ തുടരുകയാണെന്നും യുക്രൈനിൽ നിന്ന് എത്തുന്ന ജനങ്ങളെ ബുദ്ധിമുട്ടില്ലാതെ വീടുകളിലെത്തിക്കാൻ മുംബൈയിലും ന്യൂഡൽഹിയിലും രണ്ട് ഉദ്യോഗസ്ഥരെ വിന്യസിച്ചിട്ടുണ്ടെന്നും കർണാടക മുഖ്യമന്ത്രി ബസവരാജ് ബൊമ്മൈ പറഞ്ഞു. “യുക്രൈനിന്റെ വടക്ക്-കിഴക്കൻ മേഖലയിലുള്ള വിദ്യാർത്ഥികൾ പ്രശ്‌നങ്ങൾ നേരിടുന്നു. അവർക്ക് ഭക്ഷണവും പാർപ്പിടവും ഒരുക്കാനും അവരെ സുരക്ഷിതത്വത്തിലേക്ക് നയിക്കാനും വിദേശകാര്യ മന്ത്രി എസ് ജയശങ്കറിനോട് അഭ്യർത്ഥിച്ചിട്ടുണ്ട്,” മുഖ്യമന്ത്രി മാധ്യമപ്രവർത്തകരോട് പറഞ്ഞു. റൊമാനിയ-യുക്രൈനിൽ അതിർത്തിയിൽ തിരക്ക് അനുഭവപ്പെടുന്നുണ്ടെന്നും കന്നഡക്കാർക്ക് പ്രത്യേക ക്രമീകരണം ഏർപ്പെടുത്താൻ അഭ്യർത്ഥിച്ചിട്ടുണ്ടെന്നും മുഖ്യമന്ത്രി പറഞ്ഞു.
Read Moreയുക്രൈനിൽ കുടുങ്ങി കിടക്കുന്നവരെ സഹായിക്കാൻ രണ്ട് സർക്കാർ ഉദ്യോഗസ്ഥരെ നിയോഗിച്ചു: മുഖ്യമന്ത്രി
