Category: BENGALURU JALAKAM

ബെംഗളൂരു: അനേക്കൽ നന്മ മലയാളി അസോസിയേഷന്റെ ഈ വർഷത്തെ ഓണാഘോഷം സെപ്റ്റംബർ 26, 27 തീയതികളിൽ വി.ബി.എച്ച്.സി. വൈഭവ അപ്പാർട്ട്മെന്റിൽ വിവിധ പരിപാടികളോടെ വർണാഭമായി നടന്നു. സൺറൈസ് മാരത്തോണോടെയാണ് ആഘോഷങ്ങളുടെ ഭാഗമായി സംഘടിപ്പിച്ച കായിക പരിപാടികൾക്ക് തുടക്കമായത്. തുടർന്ന് ഹെൽത്ത് ക്യാമ്പും സംഘടിപ്പിച്ചു. വൈകുന്നേരം ശിങ്കാരിമേളത്തിന്റെ അകമ്പടിയോടെ മാവേലിയെ വേദിയിലേക്ക് ആനയിച്ചു. പരിപാടിയുടെ ഔദ്യോഗിക ഉദ്ഘാടനം വി.വി.എ.ഒ.എ. പ്രസിഡന്റ് ലോകേഷ് പി. നിർവഹിച്ചു. വി.വി.എ.ഒ.എ. വൈസ് പ്രസിഡന്റ് നയാസ് ഖാൻ, വി.വി.എസ്.സി.പ്രസിഡന്റ് വെങ്കട്ടരാജൻ, മുരളി ബി. എൻ., സ്പോൺസർ ഷാജി എന്നിവരും മറ്റ് വിശിഷ്ടാതിഥികളും…

ബെംഗളൂരു: നൻമ മലയാളി കൾച്ചറൽ അസോസിയേഷന്റെ ഈ വർഷത്തെ ഓണാഘോഷ പരിപാടികൾ സെപ്റ്റംബർ 26, 27 തീയതികളിൽ അനേക്കൽ വി.ബി.എച്ച്.സി വൈഭവ അപ്പാർട്ട്‌മെന്റിൽ നടക്കും. സൺറൈസ് മാരത്തോണോടെയാണ് സെപ്റ്റംബർ 26-ന് ഓണാഘോഷ പരിപാടികൾക്ക് തുടക്കമാകുന്നത്. തുടർന്ന് നാരായണ ഹെൽത്ത് ഒരുക്കുന്ന സൗജന്യ ആരോഗ്യ പരിശോധനാ ക്യാമ്പും സംഘടിപ്പിച്ചിട്ടുണ്ട്. വൈകുന്നേരം അപ്പാർട്ട്‌മെന്റിലെ എല്ലാ അംഗങ്ങൾക്കുമായി സൗജന്യ ഭക്ഷണ വിതരണവും ഉണ്ടായിരിക്കും. വി.വി.എ.ഒ.എ പ്രസിഡന്റ് ശ്രീ. ലോകേഷ് പരിപാടികൾ ഉദ്ഘാടനം ചെയ്യും. തുടർന്ന് മാവേലി എഴുന്നള്ളിപ്പ്, തിരുവാതിര, ശിങ്കാരിമേളം തുടങ്ങി നിരവധി കലാപരിപാടികൾ അരങ്ങേറും. സെപ്റ്റംബർ 27-ന്…

ബെംഗളൂരു : നവവേദാന്താ അപാർട്മെന്റിലെ മലയാളി സമൂഹത്തിന്റെ നേതൃത്വത്തിൽ വർണാഭമായ ഓണാഘോഷം സംഘടിപ്പിച്ചു. മനോഹരമായ പൂക്കളമൊരുക്കിയാണ് ആഘോഷപരിപാടികൾക്ക് തുടക്കം കുറിച്ചത്. തുടർന്ന് കുട്ടികളും മുതിർന്നവരും ആവേശത്തോടെ പങ്കെടുത്ത വിവിധ കലാപരിപാടികളും ഓണക്കളികളും അരങ്ങേറി. നിരവധി മത്സരങ്ങളും സംഘടിപ്പിച്ചു. മത്സരങ്ങളിൽ വിജയികളായവർക്ക് സമ്മാനങ്ങൾ വിതരണം ചെയ്തു. സ്നേഹത്തിന്റെയും സൗഹൃദത്തിന്റെയും ഒത്തുചേരലിന് വേദിയായ വിപുലമായ ഓണസദ്യയോടെയാണ് ആഘോഷപരിപാടികൾ സമാപിച്ചത്. മലയാളികളുടെ പാരമ്പര്യവും സംസ്കാരവും കൂട്ടായ്മയുടെ ഊഷ്മളതയും വിളിച്ചോതിയ ആഘോഷം നവവേദാന്താ അപാർട്മെന്റിലെ മലയാളി സമൂഹത്തിന് അവിസ്മരണീയമായ ഒരു ഓണക്കാല ഓർമയായി മാറി.

ബെംഗളൂരു: വൈറ്റ്‌ഫീൽഡ് മലയാളി സോഷ്യൽ ക്ലബ്ബിന്റെ (ഡബ്യൂ.എം.എസ്.സി) ആഭിമുഖ്യത്തിൽ സംഘടിപ്പിക്കുന്ന വിപുലമായ ഓണാഘോഷം സെപ്റ്റംബർ 20ന് നടക്കും. മലയാളികളുടെ തനത് സംസ്കാരവും ഓണത്തിന്റെ പാരമ്പര്യവും പുതുതലമുറയിലേക്ക് പകരുക എന്ന ലക്ഷ്യത്തോടെയാണ് ആഘോഷപരിപാടികൾ സംഘടിപ്പിക്കുന്നത്. ഓണാഘോഷത്തിന്റെ ഭാഗമായി നേരത്തെ തന്നെ വിവിധ കായിക മത്സരങ്ങൾ, ഡ്രോയിംഗ് മത്സരം, കുട്ടികൾക്കായുള്ള വിവിധ ഗെയിംസ് തുടങ്ങിയ പരിപാടികൾ സംഘടിപ്പിച്ചിരുന്നു. കുട്ടികളും മുതിർന്നവരും ഒരുപോലെ ആവേശത്തോടെ പങ്കെടുത്ത പരിപാടികൾക്ക് മികച്ച പ്രതികരണമാണ് ലഭിച്ചത്. സെപ്റ്റംബർ 20ന് നടക്കുന്ന പ്രധാന ഓണാഘോഷത്തിൽ മെഗാ മ്യൂസിക്കൽ ഷോ, പ്രശസ്ത കലാകാരന്മാരുടെ പ്രത്യേക പരിപാടികൾ,…

ബെംഗളൂരു: പിന്നാക്ക വിഭാഗങ്ങളിലെയും മാനസിക വെല്ലുവിളികൾ നേരിടുന്ന സ്ത്രീകളുടെയും പുനരധിവാസത്തിനും ശാക്തീകരണത്തിനുമായി പ്രവർത്തിക്കുന്ന വിഷൻ ഇന്ത്യയുടെ ആഭിമുഖ്യത്തിൽ “ത്രെഡ്സ് ഓഫ് ഹ്യൂമാനിറ്റി” (Threads of Humanity) ഫണ്ട്റൈസിംഗ് ഗാല ജൂൺ 27-ന് ബെംഗളൂരുവിലെ കോരമംഗലയിൽ സംഘടിപ്പിച്ചു. വേൾഡ് മലയാളി ഫെഡറേഷന്റെ (WMF) മുൻ പ്രസിഡന്റും സാമൂഹിക പ്രവർത്തകനുമായ ആർക്കിടെക്റ്റ് അലെക്കിൻ്റെ നേതൃത്വത്തിൽ നടന്ന പരിപാടി വിഷൻ ഇന്ത്യയുടെ സി.ഇ.ഒ ജോബി വർഗീസ് നയിക്കുന്ന സംഘടനയുടെ പ്രവർത്തനങ്ങൾക്ക് പിന്തുണയും അവബോധവും വർധിപ്പിക്കുക എന്ന ലക്ഷ്യത്തോടെയായിരുന്നു. സമൂഹത്തിന്റെ വിവിധ മേഖലകളിൽ നിന്നുള്ള പ്രൊഫഷണലുകൾ, വ്യവസായികൾ, ജീവകാരുണ്യ പ്രവർത്തകർ,…

ബെംഗളൂരു: വിസ്ഡം സ്റ്റുഡൻസ് ബാംഗ്ലൂർ കമ്മിറ്റിയുടെ പുതിയ ഭാരവാഹികളെ തിരഞ്ഞെടുത്തു. അഫ്ഹാം സാജിദ് (പ്രസിഡന്റ്), ഫൗസാൻ ബിൻ ഫിർദൗസ് ( സെക്രട്ടറി), മുഹമ്മദ് അർഷഖ് ടി. (ട്രഷറർ) എന്നിവരാണ് പ്രധാന ഭാരവാഹികൾ. മറ്റ് ഭാരവാഹികളായി ലസിൻ ലുഹാസ്, മുബ്തസിം ബിൻ മൂസ, ഷിബിൽ മഹ്മൂദ് എന്നിവരെ വൈസ് പ്രസിഡന്റുമാരായും, മുബാറക് അൽ ഹികമി, മുഹമ്മദ് സിനാസ്, ഫത്തീൻ ഹബീബ് എന്നിവരെ ജോയിൻ്റ് സെക്രട്ടറിമാരായും കൺവെൻഷൻ തിരഞ്ഞെടുത്തു. ഭാരവാഹി തിരഞ്ഞെടുപ്പ് കൺവെൻഷൻ വിസ്ഡം സംസ്ഥാന സെക്രട്ടറി നബീൽ രണ്ടത്താണി ഉദ്ഘാടനം ചെയ്തു. വിസ്ഡം സ്റ്റുഡൻസ് സംസ്ഥാന…

ബംഗളൂരു: സുവർണ്ണ കർണാടക കേരള സമാജം ബേഗൂർ സോണിന്റെ ആഭിമുഖ്യത്തിൽ പരിസ്ഥിതി സംരക്ഷണ ദിനാചരണം സംഘടിപ്പിച്ചു. ഇതിന്റെ ഭാഗമായി കുട്ടികൾക്കായി ചിത്രരചനാ മത്സരവും ഔഷധച്ചെടികളുടെ വിതരണവും നടത്തി. പരിസ്ഥിതി സംരക്ഷണത്തിന്റെ പ്രാധാന്യത്തെക്കുറിച്ച് ഭാരവാഹികൾ കുട്ടികൾക്ക് സന്ദേശം നൽകി. തുടർന്നു നടന്ന പൊതുയോഗത്തിൽ സമാജം വിമൻസ് വിംഗിന്റെ ഔപചാരികമായ ഉദ്ഘാടനവും നിർവ്വഹിച്ചു. ചടങ്ങുകൾക്ക് സന്ധ്യ അനിൽ, തുളസീധരൻ, അനുമോദ്, അരുൺ, അഞ്ജന, ഷഹീർ, സുമേഷ് കുമാർ, അംബിക എന്നിവർ നേതൃത്വം നൽകി.