Author: സ്വന്തം ലേഖകന്‍

കേരള, കർണാടക ആർടിസി ഓണം ടിക്കറ്റ് ബുക്കിങ്ങിന് നാളെ മുതൽ ബെംഗളൂരു: ഓണത്തോടനുബന്ധിച്ച് കേരള, കർണാടക ആർടിസികളുടെ ഓണം സ്പെഷ്യൽ സർവീസുകളിലേക്കുള്ള ടിക്കറ്റ് ബുക്കിങ് നാളെ (ഓഗസ്റ്റ് 19) മുതൽ ആരംഭിക്കും. ഓണാവധിക്കാലത്ത് യാത്രക്കാരുടെ തിരക്ക് മുൻകൂട്ടി കണക്കിലെടുത്താണ് പ്രത്യേക സർവീസുകൾ ക്രമീകരിക്കുന്നത്. ബെംഗളൂരുവിൽ നിന്ന് കേരളത്തിലെ വിവിധ ജില്ലകളിലേക്കും പ്രധാന നഗരങ്ങളിലേക്കും കേരള ആർടിസിയും കർണാടക ആർടിസിയും അധിക സർവീസുകൾ നടത്തും. യാത്രക്കാർക്ക് മുൻകൂട്ടി ടിക്കറ്റ് ബുക്ക് ചെയ്ത് യാത്ര ഉറപ്പാക്കണമെന്ന് അധികൃതർ അറിയിച്ചു. ഓണത്തിരക്കിനെ തുടർന്ന് കേരള ആർടിസി 50–55 ഉം…

ബെംഗളൂരു : നഗരത്തിൽ നിന്ന് കോഴിക്കോട്ടേക്ക് പോയ കെ.എസ്.ആർ.ടി.സി ബസ് കർണാടകയിലെ നഞ്ചൻഗുഡിനടുത്തുവച്ച് കത്തിനശിച്ചു. ഇന്ന് പുലർച്ചെ 2 മണിയോടെയാണ് അപകടം നടന്നത്, ഇന്നലെ രാത്രി 11:30 ന് ബെംഗളുരുവിൽ നിന്ന് യാത്രയാരംഭിച്ച ബസ് ആയിരുന്നു അപകടത്തിൽ പെട്ടത്. ബസിൽ 44 യാത്രക്കാർ ഉണ്ടായിരുന്നു. ബസിന് താഴെനിന്ന് പുക ഉയരുന്നത് കണ്ടതോടെ ബസ് ജീവനക്കാർ യാത്രക്കാരെ ഉറക്കത്തിൽ നിന്ന് വിളിച്ചുണർത്തി പുറത്തിറക്കുകയായരുന്നു, ജീവനക്കാരുടെ കൃത്യസമയത്തെ ഇടപെടൽ കൊണ്ട് വൻ ദുരന്തമാണ് വഴി മാറിയത്.

ബെംഗളൂരു: ബന്ദിപ്പൂർ വനപാതയിൽ മലയാളി വൻ കവർച്ചക്കിരയായതായി പരാതി കോഴിക്കോട്ട് സ്വദേശിയായ വിനുവിൻ്റെ കാർ തടഞ്ഞുനിൽത്തിയാണ് കവർച്ച നടത്തിയത്. 1.2 കിലോ സ്വർണം നഷ്ടപ്പെട്ടതായിപരാതിയിൽ പറയുന്നു. നഞ്ചൻഗുഡ് കടക്കോളയിൽ നിന്ന് സുഹൃത്തായ ഷമീറുമെന്നിച്ച് കോഴിക്കോട്ടേക്ക് പോകുമ്പോഴാണ് സംഭവം ആയുധങ്ങളുമായി ആറംഗസംഘം ചാടി വീണ് അക്രമിക്കുകയായിരുന്നു. കാറോടിച്ചിരുന്ന ഷമീറിനെ പിടിച്ചിറക്കുകയും തന്നെ വന മേഖലയിലേക്ക് കൊണ്ടുപോയി ബാഗുമായി അക്രമികൾ കടന്നു കളഞ്ഞെന്നും വിനുവിൻ്റെ പരാതിയിൽ പറയുന്നു ഗുണ്ടൽപേട്ട് മദ്ദൂർ ചെക്പോസ്റ്റിന് സമീപമാണ് സംഭവം