Day: 22 October 2022

ബെംഗളൂരു: കോഴിക്കോട് ആസ്ഥാനമായി പ്രവർത്തിക്കുന്ന കേരളത്തിലെ പ്രമുഖ റെസ്റ്റോറന്റുകളിലൊന്നായ പാരഗൺ റെസ്റ്റോറന്റ് ബെംഗളൂരുവിലേക്കും. ഇന്ത്യയിൽ കേരളത്തിന് പുറത്ത് പാരഗൺ ആരംഭിക്കുന്ന ആദ്യ റെസ്റ്റോറന്റാണ് ബെംഗളൂരുവിലേത്. തനതായ മലബാർ ഫ്ലേവറുകൾക്ക് ഊന്നൽ നൽകിക്കൊണ്ടുള്ള മെനു പാരഗൺ ബെംഗളൂരുവിൽ അവതരിപ്പിക്കും. ബെംഗളൂരുവിലെ ജനങ്ങളെ തൃപ്തിപ്പെടുത്തുന്ന വെജിറ്റേറിയൻ ഭക്ഷണവും പാരഗണിൽ ഉണ്ടാകും. പുതിയ റെസ്റ്റോറന്റിൻറെ ജോലികൾ ദ്രുതഗതിയിൽ പുരോഗമിക്കുന്നതായും പുതു വർഷത്തിൽ പ്രവർത്തനം ആരംഭിക്കാൻ കഴിയുമെന്ന് പ്രതീക്ഷിക്കുന്നതായും  പാരഗൺ ഉടമ സുമേഷ് ഗോവിന്ദ് പറഞ്ഞു. ബെംഗളൂരുവിലെ ചർച്ച് സ്ട്രീറ്റിലാണ് പാരഗണിൻറെ ശാഖ ആരംഭിക്കുന്നത്.