ബെംഗളൂരു : ഉത്തര കന്നഡ ലോക്സഭാ മണ്ഡലത്തിലെ ബിജെപി എംപി വിശ്വേശ്വർ ഹെഗഡെ കഗേരിയുടെ വീടിൻ്റെ മുറ്റത്ത് പുള്ളിപ്പുലി കയറിയാതായി റിപ്പോർട്ട്.
എംപി വിശ്വേശ്വർ ഹെഗഡെ കാഗേരിയിലെ വീട്ടിലുള്ളപ്പോഴായിരുന്നു സംഭവം.
കഴിഞ്ഞ ദിവസം രാത്രി വൈകി ഷിർസി താലൂക്കിലെ കഗേരി ഗ്രാമത്തിൽ എംപിയുടെ വീട്ടുവളപ്പിൽ ഭക്ഷണം തേടി കയറിയ പുള്ളിപ്പുലി വീട്ടിലുണ്ടായിരുന്ന വളർത്തുനായയെ അക്രമിക്കാൻ ശ്രമിച്ചതായും റിപ്പോർട്ടുകളുണ്ട്.
പൂന്തോട്ടത്തിൽ നിന്ന് നായയെ പുലി ഓടിക്കുന്ന ദൃശ്യം സിസിടിവിയിൽ പതിഞ്ഞിരുന്നു.
പുള്ളിപ്പുലിയുടെ ആക്രമണത്തിൽ നിന്ന് കാഗേരിയുടെ വളർത്തു നായ രക്ഷപ്പെട്ടു. സംഭവം പുറത്തറിഞ്ഞ ഉടൻ വനംവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി.
