Month: May 2025

ബെംഗളൂരു : ബണ്ട്വാളിൽ പിക്കപ്പ് വാൻ ഡ്രൈവറായ യുവാവിനെ വെട്ടിക്കൊന്ന സംഭവത്തിൽ 15 പേർക്കെതിരേ കേസെടുത്തു. ആക്രമണത്തിൽ ഗുരുതരമായി പരിക്കേറ്റ കലന്ദർ ഷാഫിയുടെ മൊഴിയെത്തുടർന്നാണ് സുമിത്ത് ആചാര്യ, ദീപക് തുടങ്ങി 15 പേർക്കെതിരെ ബണ്ട്വാൾ റൂറൽ പോലീസ് കേസെടുത്തത്. ചൊവ്വാഴ്ച വൈകിട്ടാണ് ബണ്ട്വാൾ കൊലട്ടമജലു സ്വദേശി അബ്ദുൽ റഹീമിനെ (32) ബൈക്കിലെത്തിയ സംഘം വെട്ടിക്കൊന്നത്. റഹീമും സഹായിയായ ഷാഫിയും വാഹനത്തിൽനിന്ന് മണൽ ഇറക്കുന്നതിനിടെയാണ് സംഘം റഹീമിനെ ആക്രമിച്ചതെന്നും തടയാൻ ശ്രമിച്ച ഷാഫിയെ വെട്ടിപ്പരിക്കേൽപ്പിക്കുകയായിരുന്നെന്നും ഇരുവരെയും ആസ്പത്രിയിലെത്തിച്ച മുഹമ്മദ് നിസാർ നൽകിയ പരാതിയിൽ പറയുന്നു. സംഭവത്തിൽ…

ബെംഗളൂരു : ബൊഗാദി തടാകപ്രദേശത്തിന് സമീപം യുവാവിന്റേതെന്ന് കരുതുന്നയാളുടെ തലയും കൈപ്പത്തിയും കാലും കണ്ടെത്തി. ഞായറാഴ്ച രാത്രി ശരീരാവശിഷ്ടങ്ങൾ കണ്ടെത്തിയതിനെത്തുടർന്ന് നാട്ടുകാർ വിവരം പോലീസിൽ അറിയിക്കുകയായിരുന്നു. മൈസൂരു എസ്‌‌പിഎൻ. വിഷ്ണുവർദ്ധൻ സ്ഥലത്തെത്തി പരിശോധന നടത്തി. ഏകദേശം 35 വയസ്സ് തോന്നിക്കുന്ന ആളുടെ ശരീരാവശിഷ്ടങ്ങളാണ് കണ്ടെത്തിയത്. തിങ്കളാഴ്ച മുതൽ അന്വേഷണസംഘം മൃതദേഹത്തിന്റെ മറ്റ് ഭാഗങ്ങൾക്കായി തിരച്ചിൽ നടത്തിയെങ്കിലും ഒന്നും കണ്ടെത്തിയില്ല. തല ഉൾപ്പെടെയുള്ള മൃതദേഹങ്ങളുടെ ഭാഗങ്ങൾ അഴുകിയനിലയിലും ഭാഗികമായി തിരിച്ചറിയാൻ കഴിയാത്ത നിലയിലുമായിരുന്നു. കിട്ടിയ ശരീരഭാഗങ്ങൾ ഡിഎൻഎ പരിശോധനയ്ക്ക് അയച്ചു. പ്രദേശത്തും സംസ്ഥാനത്തുടനീളവും കാണാതായ എല്ലാവരുടെയും…

ബെംഗളൂരു: കർണാടകയിലെ പല ജില്ലകളിലും പെയ്യുന്ന മൺസൂൺ മഴ നിരവധി നാശനഷ്ടങ്ങൾ സൃഷ്ടിച്ചിട്ടുണ്ട്. ബെംഗളൂരുവിൽ മഴയുടെ അളവ് ഗണ്യമായി കുറഞ്ഞു. എന്നിരുന്നാലും, രണ്ട് ദിവസം മുമ്പ് പെയ്ത മഴ ബെംഗളൂരു മഹാനഗരത്തിൽ വളരെയധികം തടസ്സങ്ങൾ സൃഷ്ടിച്ചിരുന്നു. റോഡുകളിൽ വെള്ളം കെട്ടിനിൽക്കുന്നുണ്ടായിരുന്നു. വാഹനയാത്രക്കാർ ദുരിതത്തിലായി. വീടിനുള്ളിൽ വെള്ളം കയറിയിരുന്നു. വീടുകൾക്ക് മുന്നിൽ നിർത്തിയിട്ടിരുന്ന കാറുകളും ബൈക്കുകളും ഉൾപ്പെടെ നിരവധി വാഹനങ്ങൾ വെള്ളത്തിൽ മുങ്ങി. വാഹനങ്ങൾക്ക് കേടുപാടുകൾ സംഭവിക്കുകയും ഉടമകൾക്ക് ഗണ്യമായ നഷ്ടം സംഭവിക്കുകയും ചെയ്തു. ഇത് വാഹനങ്ങളുടെ മൂല്യം നഷ്ടപ്പെടാൻ കാരണമായി. അങ്ങനെ, ഉടമകൾ തങ്ങളുടെ…