ഭോപ്പാല്: ഇന്ഡോറില് മലിനജലം കുടിച്ച് ഒരാള് കൂടി മരിച്ചതായി റിപ്പോര്ട്ട്. ഇതോടെ മരണം 17 ആയി ഉയര്ന്നു. പുതുതായി രോഗം സ്ഥിരീകരിച്ച 38 പേരെ ആശുപത്രിയില് പ്രവേശിപ്പിച്ചിട്ടുണ്ട്. 15 പേര് ഇപ്പോഴും തീവ്ര പരിചരണ വിഭാഗത്തില് തുടരുകയാണ്.
നിലവില് 142 പേരാണ് ആശുപത്രിയില് കഴിയുന്നത്. ദിവസങ്ങള് പിന്നിട്ടിട്ടും പുതിയ രോഗികള് ചികിത്സയ്ക്ക് എത്തുന്നതും ആളുകള് മരിക്കുന്നതും ആശങ്ക വർധിപ്പിക്കുന്നുവെന്ന് ആരോഗ്യ വിദഗ്ധര് പറഞ്ഞു.
രോഗികളുടെ എണ്ണവും മരണവും വര്ധിക്കുന്ന സാഹചര്യത്തില് പ്രതിഷേധത്തിനൊരുങ്ങുകയാണ് കോണ്ഗ്രസ്.
ഇന്ഡോറിലെ 85 വാര്ഡുകളിലാണ് പ്രതിഷേധം സംഘടിപ്പിക്കുക. മെഴുകുതിരി മാര്ച്ച് ഉള്പ്പെടെ നടത്താനാണ് പാര്ട്ടിയുടെ തീരുമാനം.
