മുംബൈ: സ്കൂട്ടറിൽ ഏഴ് കുട്ടികളെയും കയറ്റി അപകടകരമാം വിധം യാത്ര ചെയ്തയാൾ അറസ്റ്റിലായി. മുനവ്വർ ഷാ എന്നയാളാണ് അറസ്റ്റിലായതെന്ന് മുംബൈ പോലീസ് അറിയിച്ചു. അപകടകരമായ യാത്രയുടെ ദൃശ്യങ്ങൾ മറ്റൊരു യാത്രക്കാരൻ മൊബൈലിൽ പകർത്തുകയും മുബൈ പോലീസിനെ ടാഗ് ചെയ്ത് ട്വീറ്റ് ചെയ്യുകയുമായിരുന്നു. ദൃശ്യങ്ങൾ വ്യാപകമായി പ്രചരിച്ചതോടെയാണ് അറസ്റ്റ് നടപടിയുണ്ടായത്. സ്കൂട്ടറിലുണ്ടായിരുന്നവരിൽ നാലു കുട്ടികൾ മുനവ്വറിന്‍റെ മക്കളും മൂന്ന് പേർ അയൽവാസിയുടെ മക്കളുമായിരുന്നു. മുൻവശത്ത് രണ്ട് കുട്ടികൾ നിന്നും, മൂന്ന് പേർ പിറകിൽ ഇരുന്നും, രണ്ടു കുട്ടികളെ ക്രാഷ് ഗാർഡിൽ നിർത്തിയുമായിരുന്നു മുനവ്വറിന്‍റെ യാത്ര.
Read Moreഏഴ് കുട്ടികളുമായി സ്കൂട്ടറിൽ ; യുവാവ് അറസ്റ്റിൽ
