Year: 2024

ബെംഗളൂരു: പുതുവത്സരാഘോഷത്തിന്റെ ഭാഗമായി ബെംഗളൂരുവിൽ വാണിജ്യ സ്ഥാപനങ്ങളുടെ പ്രവർത്തന സമയം നീട്ടി. ഹോട്ടലുകൾക്കും റെസ്റ്റോറൻ്റുകൾക്കും പബ്ബുകൾക്കും ജനുവരി ഒന്നിന് പുലർച്ചെ 1 മണി വരെ തുറന്ന് പ്രവർത്തിക്കാൻ സംസ്ഥാന സർക്കാർ അനുമതി നൽകിയതായി ആഭ്യന്തര മന്ത്രി ജി. പരമേശ്വര അറിയിച്ചു. ആഘോഷപരിപാടികൾക്ക് മതിയായ മുൻകരുതലുകൾ എടുത്തിട്ടുണ്ടെന്ന് മന്ത്രി പറഞ്ഞു. എല്ലാ ബിബിഎംപി, ബിഡബ്ല്യുഎസ്എസ്ബി, മറ്റ് ഏജൻസി ഉദ്യോഗസ്ഥരോടും ജനുവരി 3 വരെ അവധിയിൽ പോകരുതെന്ന് സർക്കാർ നിർദേശിച്ചിട്ടുണ്ട്. ഇതിന് പുറമെ ചിക്കമഗളൂരുവിലെ ട്രെക്കിംഗ് ഹിൽസ്, ശിവമോഗയ്ക്കടുത്തുള്ള ജോഗ് വെള്ളച്ചാട്ടം, മൈസൂരുവിലെ ചാമുണ്ഡി ഹിൽ, മാണ്ഡ്യ…

ബംഗളുരു : കഴിഞ്ഞ ആഴ്ചകളിൽ സജീവമായ ന്യൂനമർദത്തിന്റെ ഫലം മൂലം നഗരത്തിൽ തണുത്ത കാലാവസ്ഥ അനുഭവപ്പെടുന്നു. കേന്ദ്ര കാലാവസ്ഥാ വകുപ്പ് കാലാവസ്ഥാ പ്രവചനങ്ങളനുസരിച്ച് ബാംഗ്ലൂര്‍ നഗരത്തിൽ ഇന്ന് ഡിസംബർ 30 തിങ്കളാഴ്ച മേഘാവൃതമായ ആകാശവും മൂടൽമഞ്ഞുള്ള കാലാവസ്ഥയും അനുഭവപ്പെടും. ഇന്നത്തെ കൂടിയ താപനില 27 ഡിഗ്രി സെൽഷ്യസും കുറഞ്ഞ താപനില താപനില 17 ഡിഗ്രി സെൽഷ്യസും അനുഭവപ്പെടുവാൻ സാധിക്കുമെന്നാണ് കാലാവസ്ഥാ പ്രവചനങ്ങൾ സൂചിപ്പിക്കുന്നത്. ഇന്ന്, കാറ്റ് കിഴക്ക് നിന്ന് മണിക്കൂറിൽ 19 കിലോമീറ്റർ വേഗതയിൽ സ്ഥിരമായി വീശുമെന്നാണ് പ്രതീക്ഷിക്കുന്നത്. പുതുവർഷ തലേന്നായ ഇന്ന് ഡിസംബർ…

ബെംഗളൂരു : രേണുകാസ്വാമി കൊലക്കേസിൽ നടൻ ദർശൻ ഉൾപ്പെടെയുള്ള പ്രതികൾക്ക് ജാമ്യം അനുവദിച്ച ഹൈക്കോടതിവിധിക്കെതിരേ സുപ്രീംകോടതിയിൽ നൽകുന്ന ഹർജിയിൽ കർണാടക സർക്കാരിനുവേണ്ടി ഹാജരാകാൻ പ്രത്യേക അഭിഭാഷകനെ നിയമിച്ചു. മുതിർന്ന അഭിഭാഷകൻ സിദ്ധാർഥ് ലൂഥറയാകും ഹാജരാകുക. ഹൈക്കോടതിവിധിക്കെതിരേ സ്‌പെഷ്യൽ ലീവ് പെറ്റീഷനാകും സർക്കാർ സുപ്രീംകോടതിയിൽ നൽകുക. ഇതിനുള്ള രേഖകൾ തയ്യാറാക്കാൻ സംസ്ഥാന സർക്കാരിന്റെ പബ്ലിക് പ്രോസിക്യൂട്ടറോട് ആവശ്യപ്പെട്ടു. ജാമ്യത്തിനെതിരേ സുപ്രീംകോടതിയെ സമീപിക്കാൻ നേരത്തെ ആഭ്യന്തരവകുപ്പ് തീരുമാനിച്ചിരുന്നു. ഡിസംബർ 13-നാണ് ദർശനും സുഹൃത്തും നടിയുമായ പവിത്ര ഗൗഡയും ഉൾപ്പെടെയുള്ള പ്രതികൾക്ക് ഹൈക്കോടതി ജാമ്യം അനുവദിച്ചത്.

ബെംഗളൂരു: ശമ്പള കുടിശിക ഉൾപ്പെടെയുള്ള വിവിധ ആവശ്യങ്ങൾ ഉന്നയിച്ച് കർണാടക ആർടിസി ജീവനക്കാർ നടത്താനിരുന്ന സമരം പിൻവലിച്ചു. തൊഴിലാളികളുടെ വിഷയങ്ങളിൽ പരിഹാരം കാണാമെന്ന മുഖ്യമന്ത്രിയുടെ ഉറപ്പിനെ തുടർന്നാണ് ഇന്നാരംഭിക്കാനിരുന്ന അനിശ്ചിതകാല പണിമുടക്ക് പിൻവലിച്ചത്. ആവശ്യങ്ങൾ ചർച്ച ചെയ്യാൻ ജനുവരി 15 ന് മുഖ്യമന്ത്രിയുമായി നേരിട്ട് ചർച്ച നടത്താൻ അവസരമൊരുക്കുമെന്ന് ഗതാഗത വകുപ്പ് മന്ത്രി രാമലിംഗ റെഡ്ഡി ഉറപ്പ് നൽകിയെന്നും കെഎസ്ആർടിസി സ്റ്റാഫ് ആൻഡ് വർക്കേഴ്സ് ഫെഡറേഷൻ ഭാരവാഹികൾ പറഞ്ഞു.