കൊവിഡ് പ്രതിരോധ വാക്സിനായ കൊവിഷീല്ഡ് ഗുരുതര പാര്ശ്വഫലങ്ങള്ക്ക് കാരണമാകുമെന്ന് സമ്മതിച്ച് നിര്മാതാക്കളായ അസ്ട്രസെനക്ക കമ്പനി.
കൊവിഷീല്ഡ്, വാക്സ്സെവരിയ എന്നീ വാക്സിനുകളുടെ നിര്മാതാക്കളാണ് അസ്ട്രസെനെക.
കൊവിഷീല്ഡ് സ്വീകരിച്ചവരില് രക്തം കട്ടപിടിക്കാനും പ്ലേറ്റ്ലെറ്റിന്റെ എണ്ണം കുറയാനും സാധ്യതയുണ്ടെന്നാണ് കമ്പനി വെളിപ്പെടുത്തിയിരിക്കുന്നത്.
അപൂര്വ അവസരങ്ങളില് മസ്തിഷ്കാഘാതം, ഹൃദയാഘാതം എന്നിവയ്ക്ക് വാക്സിനുകള് കാരണമാകാമെന്നാണ് കമ്പനി ഇന്ന് കോടതിയില് സമര്പ്പിച്ച രേഖകളില് പറയുന്നത്.
അസ്ട്രസെനെക്ക നിര്മിച്ച വാക്സിനുകള് ഇനി യുകെയില് ഉപയോഗിക്കില്ലെന്ന് ആരോഗ്യവൃത്തങ്ങള് കോടതിയെ അറിയിച്ചു.
2021 ഏപ്രില് 21-ന് യുകെ സ്വദേശിയായ ജെയ്മി സ്കോട്ടിന് വാക്സിന് എടുത്തതിനു പിന്നാലെ മസ്തിഷ്കാഘാതം സംഭവിച്ചതിനു പിന്നാലെയാണ് കമ്പനിക്കെതിരെ നിയമനടപടികള് ആരംഭിച്ചത്.
അസ്ട്രസെനെക നിര്മിച്ച വാക്സിനുകള് ഗുരുതരമായ പാര്ശ്വഫലങ്ങള് ഉണ്ടാക്കുന്നുവെന്ന് ചൂണ്ടിക്കാട്ടി വിവിധ രാജ്യങ്ങളില് നിന്ന് നിരവധിപ്പേര് പരാതിപ്പെടുകയും കോടതിയെ സമീപിക്കുകയും ചെയ്തിരുന്നു.
വാക്സിന് എടുത്ത ശേഷം തന്റെ രക്തം കട്ടപിടിക്കുന്നതായും രക്തത്തിലെ പ്ലേറ്റ്ലെറ്റുകളുടെ എണ്ണം ഗണ്യമായി കുറയുന്നതായും മെഡിക്കല് റിപ്പോര്ട്ടുകള് സഹിതം ജാമി സ്കോട്ടും കമ്പനിക്കെതിരെ കേസ് കൊടുത്തിരുന്നു.
തുടര്ന്ന് കമ്പനി ഇപ്പോള് തങ്ങളുടെ പിഴവ് തുറന്നു സമ്മതിക്കുകയായിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
