അന്നപൂരണി സിനിമയെ സംബന്ധിച്ച വിവാദത്തില് ക്ഷമ ചോദിച്ച് നയൻതാര.
താൻ തികഞ്ഞ ദൈവ വിശ്വാസിയാണെന്നും ആരുടേയും വിശ്വാസത്തെ ഹനിക്കാൻ ശ്രമിച്ചിട്ടില്ലെന്നുമാണ് നയൻതാര പറഞ്ഞത്.
സിനിമയിലൂടെ പോസറ്റീവ് സന്ദേശം നല്കാൻ ആണ് ശ്രമിച്ചത്.
സെൻസർ ബോർഡ് അനുമതിയുള്ള ചിത്രം ഒടിടിയില് എത്തുമ്പോള് വിവാദമാകുമെന്ന് കരുതിയില്ലെന്നും നടി പറഞ്ഞു.
ജയ് ശ്രീ രാം എന്ന തലക്കെട്ടോടെയായിരുന്നു നയൻതാരയുടെ സോഷ്യല് മീഡിയ പോസ്റ്റ്.
തമിഴ്, ഇംഗ്ലീഷ്, ഹിന്ദി എന്നീ ഭാഷകളില് ക്ഷമാപണ കുറിപ്പുണ്ട്.
മതവികാരം വ്രണപ്പെടുത്തിയെന്ന പരാതിയില് നടി നയൻതാരക്കെതിരെയും നെറ്റ്ഫ്ലിക്സ് അധികൃതർക്കെതിരെയും നേരത്തെ കേസെടുത്തിരുന്നു.
മതവികാരം വ്രണപ്പെടുത്തിയെന്ന് കാണിച്ച് ഹിന്ദു സംഘടനകളാണ് പരാതി നല്കിയത്.
സിനിമയ്ക്കെതിരെ വിവാദം ഉയർന്ന പശ്ചാത്തലത്തില് നയൻതാര ടൈറ്റില് കഥാപാത്രത്തെ അവതരിപ്പിച്ച തമിഴ് സിനിമ ‘അന്നപൂരണി’ നെറ്റ്ഫ്ലിക്സില് നിന്നും നീക്കം ചെയ്തിരുന്നു.
ചിത്രത്തിനെതിരെ ഹൈന്ദവ സംഘടനകളുടെ പ്രതിഷേധത്തിന് പിന്നാലെയായിരുന്നു നടപടി.
ഒരു ക്ഷേത്ര പൂജാരിയുടെ മകളായ അന്നപൂരണി രംഗരാജനെയാണ് നയന്താര ചിത്രത്തില് അവതരിപ്പിച്ചിരിക്കുന്നത്.
ഒരു പാചകവിദഗ്ധയാവാന് ആഗ്രഹിക്കുന്നയാളാണ് അന്നപൂരണി.
എന്നാല് സസ്യേതര ഭക്ഷണം പാകം ചെയ്യാന് അവള് പല പ്രതിസന്ധികളും നേരിടുന്നുണ്ട്.
ജയ് അവതരിപ്പിക്കുന്ന ഫര്ഹാന് എന്ന കഥാപാത്രമാണ് ചിത്രത്തിലെ നായകന്.
ശ്രീരാമന് മാംസഭുക്ക് ആയിരുന്നുവെന്ന് ജയ് നയന്താരയുടെ കഥാപാത്രത്തോട് പറയുന്നുണ്ട്.
ബിരിയാണി പാകം ചെയ്യുന്നതിന് മുന്പ് അന്നപൂരണി നിസ്കരിക്കുന്നുണ്ട്.
ഇക്കാര്യങ്ങളും ഒപ്പം ചിത്രം ലവ് ജിഹാദിനെ പ്രോത്സാഹിപ്പിക്കുന്നുവെന്നും ചൂണ്ടിക്കാട്ടിയാണ് പരാതി നല്കിയിരുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
