October 2022 – Page 7 – BengaluruVartha

ഒമിക്രോൺ വകഭേദം, അതിർത്തി ജില്ലകൾക്ക് ജാഗ്രത നിർദ്ദേശം നൽകി ആരോഗ്യ മന്ത്രി

October 29, 2022 Arya

ബെംഗളൂരു: ഒമിക്രോണിന്റെ പുതിയ വകഭേദം മഹാരാഷ്ട്രയിൽ സ്ഥിരീകരിച്ചതിന്റെ പശ്ചാത്തലത്തിൽ അതിർത്തി ജില്ലകൾക്ക് കനത്ത ജാഗ്രത നിർദ്ദേശം നൽകി കർണാടക ആരോഗ്യ വകുപ്പ്. മുൻ കരുതലിന്റെ ഭാഗമായാണ് അതിർത്തി ജില്ലകളിലെ കളക്ടർമാർക്ക് സുരക്ഷാ മാർഗ നിർദ്ദേശങ്ങൾ നൽകിയതെന്ന് ആരോഗ്യ മന്ത്രി ഡോ. കെ സുധാകർ പറഞ്ഞു. നിലവിലുള്ള സാഹചര്യം കണക്കിലെടുത്ത് മാസ്ക് നിർബന്ധമാക്കേണ്ട സാഹചര്യം ഇല്ല. എന്നാൽ പുതിയ വകഭേദം മുൻനിർത്തി ഒന്നുകൂടെ മാസ്‌ക് സംബന്ധിച്ച കാര്യങ്ങൾ പരിശോധിക്കുമെന്ന് മന്ത്രി അറിയിച്ചു.

സിഗ്നൽ രഹിത ഇടനാഴി അടിപ്പാത 45 ദിവസത്തിനുള്ളിൽ ; ബിബിഎംപി

October 29, 2022 Arya

ബെംഗളൂരു: ഓൾഡ് എയർപോർട്ട് റോഡിലെ 17.5 കിലോ മീറ്റർ സിഗ്നൽ രഹിത ഇടനാഴിയുടെ ഭാഗമായുള്ള അടിപ്പാതയുടെ നിർമ്മാണം 45 ദിവസത്തിനകം പൂർത്തിയാക്കണമെന്ന് ബിബിഎംപി. 20 കോടി മുതൽ മുടക്കിൽ നിർമിക്കുന്ന അടിപ്പാത മഴ തടസ്സപ്പെടുത്തിയില്ലെങ്കിൽ നിശ്ചയിച്ച സമയത്തിനുള്ളിൽ തന്നെ പണി പൂർത്തിയാക്കി ഗതാഗതം ആരംഭിക്കാനാകുമെന്ന് ബിബിഎംപി ചീഫ് എഞ്ചിനീയർ എം. ലോകേഷ് പറഞ്ഞു. ഇടനാഴിയുടെ ഭാഗമായുള്ള കുന്ദലഹള്ളി അടിപ്പാതയുടെ നിർമ്മാണം നിലവിൽ പൂർത്തിയായി ഗതാഗതം ആരംഭിച്ചു.

പുനീത് രാജ്‌കുമാർ ചരമവാർഷികം ഇന്ന്, 100 ലധികം ഹോട്ടലുകളിൽ ഫുഡ് ഫെസ്റ്റിവൽ

October 29, 2022October 29, 2022 Arya

ബെംഗളൂരു: പവർ സ്റ്റാർ പുനീത് രാജ്കുമാറിന്റെ ഒന്നാം ചരമ വാർഷികം ഇന്ന്. ഇതോടനുബന്ധിച്ച് തിയേറ്ററുകളിലേക്ക് എത്തിയ അപ്പുവിന്റെ അവസാന ചിത്രം ഏറ്റെടുത്ത് ആരാധകർ. വൻ സ്വീകാര്യതയാണ് നിലവിൽ ചിത്രത്തിന് ലഭിച്ചുകൊണ്ടിരിക്കുന്നത്. ചരമവാർഷികത്തോടനുബന്ധിച്ച് നഗരത്തിലെ 100 ലധികം ഹോട്ടലുകളിൽ ഫുഡ് ഫെസ്റ്റിവലും ആരംഭിച്ചിട്ടുണ്ട്. ഇത് നവംബർ 5 വരെ നീളും. ഭക്ഷണ പ്രിയനായ പുനീതിനോടുള്ള ആദരമാണ് ഫുഡ് ഫെസ്റ്റിവൽ സംഘടിപ്പിക്കുന്നതെന്ന് ഹോട്ടൽ അസോസിയേഷൻ പ്രസിഡന്റ് അറിയിച്ചു.

ചികിത്സയിലായിരുന്ന വിദ്യാർത്ഥിനി മംഗളൂരു ആശുപത്രിയിൽ മരിച്ചു

October 28, 2022 Arya

ബെംഗളൂരു: മംഗളൂരുവിലെ സ്വകാര്യാസ്പത്രിയിൽ ചികിത്സയിലായിരുന്ന വിദ്യാർത്ഥിനി മരിച്ചു. ബെൽത്തങ്ങാടി ഗുണ്ടൂരി അശോക് നിവാസിൽ താമസിക്കുന്ന അങ്കിതയാണ് മരിച്ചത്. വേണൂർ ഗവ. പ്രീ യൂണിവേഴ്‌സിറ്റി കോളേജിൽ കൊമേഴ്‌സ് വിഭാഗത്തിൽ ഒന്നാം പി.യു.സി വിദ്യാർത്ഥിനിയാണ് അങ്കിത. അശോക് പൂജാരിയുടെയും പ്രതിമ പൂജാരിയുടെയും മകളായ അങ്കിത കുറച്ച് ദിവസങ്ങളായി അസുഖ ബാധിതനായിരുന്നു. ബെൽത്തങ്ങാടിയിലെ സ്വകാര്യാസ്പത്രിയിൽ പ്രവേശിപ്പിച്ചെങ്കിലും നില ഗുരുതരമായതിനാൽ ഒക്ടോബർ 22ന് മംഗളൂരുവിലെ സ്വകാര്യാസ്പപത്രി മാറ്റുകയാണുണ്ടായത്.

ഭർത്താവിനെ കൊല്ലാൻ കാമുകന് കത്തി കൊടുത്തു വിട്ട് യുവതി

October 28, 2022 Arya

ബെംഗളൂരു: ഭര്‍ത്താവിനെ കൊലപ്പെടുത്താന്‍ കാമുകനെ നിയോഗിച്ച ഭാര്യ ലിംഗം മുറിക്കാന്‍ കത്തിയും നല്‍കി. ബെംഗളൂരുവിലെ യെലഹങ്ക പോലീസ് സ്റ്റേഷന്‍ പരിധിയിലാണ് അരും കൊല നടന്നത്. ഈ മാസം ഇരുപത്തിയൊന്നിനാണ് ചന്ദ്രു എന്നയാള്‍ കൊല്ലപ്പെട്ടതെങ്കിലും കഴിഞ്ഞ ദിവസമാണ് കേസില്‍ ഭാര്യയേയും കാമുകനെയും പോലീസ് അറസ്റ്റ് ചെയ്തത്. ആന്ധ്രാപ്രദേശിലെ ഹിന്ദുപൂര്‍ സ്വദേശികളാണ് ശ്വേതയും ചന്ദ്രുവും. ശ്വേതയുടെ അകന്ന ബന്ധുവായ ചന്ദ്രുവിനെ താത്പര്യമില്ലാതെയാണ് യുവതി വിവാഹം ചെയ്തത്. ഇരുവരും തമ്മില്‍ 18 വയസിന്റെ പ്രായ വ്യത്യാസം ഉണ്ടായിരുന്നതായിരുന്നു കാരണം. വീട്ടുകാരുടെ നിര്‍ബന്ധത്തെ തുടര്‍ന്നായിരുന്നു ഇരുവരുടേയും വിവാഹം നടന്നത് .…

പാമ്പ് കടിയേറ്റ് ഗർഭിണി മരിച്ചു

October 28, 2022 Arya

ബെംഗളൂരു: ഫാം ഹൗസില്‍ കിടന്നുറങ്ങുകയായിരുന്ന ഗര്‍ഭിണി പാമ്പുകടിയേറ്റ് മരിച്ചു. വിജയപുര മുദ്ദെബിഹാല്‍ കുന്ദോജി വില്ലേജില്‍ ഇന്നലെയാണ് സംഭവം. നിര്‍മല യെല്ലപ്പക്കാണ് (25) പാമ്പുകടിയേറ്റത്. യുവതി നാലുമാസം ഗര്‍ഭിണിയായിരുന്നെന്ന് ബന്ധുക്കള്‍ പറഞ്ഞു. ഇവരെ മുദ്ദെബിഹാലിലെ പ്രാഥമികാരോഗ്യ കേന്ദ്രത്തിലും പിന്നീട് വിജയപുര ജില്ല ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാനായില്ല.

ദീപാവലി ആഘോഷത്തിനിടെ കത്തിച്ച റോക്കറ്റിൽ നിന്നും വീടിന് തീ പിടിച്ചു

October 28, 2022 Arya

ബെംഗളൂരു: ദീപാവലി ആഘോഷത്തിനിടെ കത്തിച്ചുവിട്ട ‘റോക്കറ്റി’ല്‍നിന്ന് തീപടര്‍ന്ന് വീട് കത്തി. മുദിഗരെയില്‍ കഴിഞ്ഞദിവസം രാത്രിയാണ് സംഭവം. വീടിനോട് ചേര്‍ന്ന ചത്ര മൈതാനത്തില്‍നിന്ന് ആഘോഷത്തിനിടെ കത്തിച്ചുവിട്ട റോക്കറ്റ് വീട്ടിലെ അയയില്‍ ഉണക്കാനിട്ട വസ്ത്രത്തില്‍ വന്നു വീഴുകകയായിരുന്നു. വീട്ടില്‍ ആരുമില്ലാതിരുന്നതിനാല്‍ ജീവാപായമുണ്ടായില്ല. നാട്ടുകാര്‍ ചേർന്നാണ് തീയണച്ചത്.

തുലാവർഷ മഴ നാളെ എത്തും

October 28, 2022October 28, 2022 Arya

തിരുവനന്തപുരം: തെക്കു കിഴക്കേ ഇന്ത്യയിൽ നാളെ തുലാവർഷം എത്താൻ സാധ്യതയുണ്ടെന്ന് കാലാവസ്ഥാ വകുപ്പിന്റെ മുന്നറിയിപ്പ്. ഇതിന്റെ സ്വാധീനഫലമായി സംസ്ഥാനത്ത് ഞായർ, തിങ്കൾ (ഒക്ടോബർ 30,31) ദിവസങ്ങളിൽ വ്യാപക മഴ പെയ്തേക്കും. ഇടിമിന്നലോട് കൂടിയ ഒറ്റപ്പെട്ട ശക്തമായ മഴയ്ക്കാണ് സാധ്യത. പ്രസ്തുത സാഹചര്യത്തിൽ വിവിധ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഇന്നും നാളെയും ഒരു ജില്ലകളിലും മുന്നറിയിപ്പില്ല. എങ്കിലും നേരിയ തോതിൽ മഴ പെയ്യുമെന്നും സൂചനയുണ്ട്.

പ്രഗ്നൻസി ടെസ്റ്റ് പോസിറ്റീവ്, ചിത്രം പങ്കുവച്ച് പാർവതി തിരുവോത്ത്

October 28, 2022 Arya

നടി പാർവതി തിരുവോത്ത് പങ്കുവച്ച ഫോട്ടോ വൈറൽ. ചിത്രം ഏറ്റെടുത്ത് സഹതാരങ്ങളും. ഒരു പ്രഗ്നൻസി കിറ്റിന്റെ ചിത്രമാണ് നടി പങ്കുവെച്ചിരിക്കുന്നത്. അതിൽ രണ്ട് വര കൂടി തെളിഞ്ഞ് കണ്ടതോടെ പാർവതി ഗർഭിണിയാണോ എന്ന ചോദ്യവുമായി പലരും എത്തി. പാർവതിയുടെ പോസ്റ്റിന് താഴെ നൂറ് കണക്കിനുള്ള കമന്റുകളാണ് വരുന്നത്. ഇതെങ്ങനെയാണ് സംഭവിച്ചത്, വിവാഹം കഴിഞ്ഞായിരുന്നോ, സത്യമെന്താണ് എന്നൊക്കെ അന്വേഷിക്കുകയാണ് ആരാധകർ. ഇതിന് പിന്നാലെയാണ് ഈ കഥയിലൊരു ട്വിസ്റ്റ് ഉണ്ടെന്നുള്ള കാര്യം പുറത്ത് വരുന്നത്. ‘സോ, അത്ഭുതം ഇവിടെ തുടങ്ങുന്നു’ എന്നാണ് ചിത്രത്തിന് നടി നൽകിയ ക്യാപ്ഷൻ.…

മാതൃഭൂമി ഡയറക്ടർ ഉഷ വീരേന്ദ്രകുമാർ അന്തരിച്ചു

October 28, 2022 Arya

കോഴിക്കോട്: മാതൃഭൂമി ഡയറക്ടര്‍ ഉഷ വീരേന്ദ്രകുമാര്‍ (82) അന്തരിച്ചു. കോഴിക്കോട് സ്വകാര്യ ആശുപത്രിയിലായിരുന്നു അന്ത്യം. ആരോഗ്യ പ്രശ്‌നങ്ങളെ തുടര്‍ന്ന് ചികിത്സയിലിരിക്കെയാണ് മരണം സംഭവിച്ചത്. മാതൃഭൂമി മുന്‍ എംഡിയും എഴുത്തുകാരനുമായ എം പി വീരേന്ദ്രകുമാറിന്റെ ഭാര്യയാണ്. മഹാരാഷ്‌ട്രയില്‍ ബെല്‍ഗാമിലെ ബാബുറാവ് ഗുണ്ടപ്പ ലേംഗഡെയുടെയും ബ്രാഹ്മിലയുടെയും മകളാണ് ഉഷ. മക്കള്‍: എം.വി. ശ്രേയാംസ് കുമാര്‍ (മാനേജിങ്ങ് ഡയറക്ടര്‍ മാതൃഭൂമി), എം.വി. ആശ, എം.വി. നിഷ, എം.വി. ജയലക്ഷ്മി. മരുമക്കള്‍: എം.ഡി. ചന്ദ്രനാഥ്, കവിത ശ്രേയാംസ് കുമാര്‍, ദീപക് ബാലകൃഷ്ണന്‍ (ബെംഗളൂരൂ)