Kerala – Page 39 – BengaluruVartha

പുത്തൻ പ്രതീക്ഷയുടെ വിഷു ആഘോഷിച്ച് മലയാളികൾ

April 15, 2022 News Team

തിരുവനന്തപുരം: പ്രത്യാശയ്ക്കുമേൽ കരിനിഴലായി കഴിഞ്ഞ വർഷങ്ങളിൽ പടർന്നു നിന്ന കൊവിഡ് ഭീതി ഒഴിഞ്ഞ് ഐശ്വര്യത്തിന്‍റേയും കാർഷിക സമൃദ്ധിയുടെ ഓർമകൾ പുതുക്കി മലയാളികൾ വിഷു ആഘോഷിക്കുന്നു. മേടമാസപ്പുലരിയിൽ ഐശ്വര്യക്കാഴ്ചകളിലേക്ക് കൺതുറന്ന് മലയാളികൾ വിഷുവിനെ വരവേറ്റു. പൂത്തുലഞ്ഞ കണിക്കൊന്ന, കോടിമുണ്ട്, അഷ്ടമംഗല്യവും, വാൽ കണ്ണാടിയും, തേച്ചൊരുക്കിയ ഓട്ടുരുളിയിൽ കാർഷിക സമൃദ്ധിയുടെ പൊൻകണി. കണിവെള്ളരി മഹാവിഷ്ണുവിന്‍റെ മുഖവും കൊന്നപ്പൂ കിരീടവും വാൽക്കണ്ണാടി മനസ്സുമെന്ന് വിശ്വാസം. കണിയൊരുക്കിയും കൈനീട്ടം നൽകിയും വിഷു ആഘോഷത്തിലാണ് മലയാളി. കണി കണ്ടു കഴിഞ്ഞാൽ പിന്നെ കൈനീട്ടം. ഇത് സമ്പൽ സമൃദ്ധിയുടെ നല്ല നാളെകൾക്കായുള്ള തുടക്കം.…

എറണാകുളം–ബെംഗളൂരു ഇന്റർസിറ്റിയിൽ ഇരുമ്പുദണ്ഡ് കുടുങ്ങി; ഒഴുവായത് വൻഅപകടം

April 14, 2022 News Team

ബെംഗളൂരു: എറണാകുളം–ബെംഗളൂരു ഇന്റർസിറ്റി സൂപ്പർഫാസ്റ്റ് എക്സ്പ്രസിന്റെ (12678) കോച്ചിനടിയിൽ ഇരുമ്പ് ദണ്ഡ് കുടുങ്ങി. പാളം തെറ്റാൻ വരെ സാധ്യതയുള്ള അപകടം സ്റ്റേഷൻ മാസ്റ്ററുടെ ഇടപെടലിനെ തുടർന്നാണ് ഒഴിവായത്. സംഭവത്തെ തുടർന്ന് ട്രെയിൻ മജസ്റ്റിക് കെഎസ്ആർ സിറ്റി സ്റ്റേഷനിലെത്താൻ ഒന്നേകാൽ മണിക്കൂറോളം വൈകി. ഹീലലിഗെയിൽ എത്തിയപ്പോൾ പാളത്തിൽ നിന്ന് അസ്വാഭാവിക ശബ്ദം ശ്രദ്ധയിൽപെട്ട സ്റ്റേഷൻ മാസ്റ്റർ ട്രെയിൻ ഉടൻ നിർത്താൻ ആവശ്യപ്പെടുകയായിരുന്നു. പരിശോധനയിൽ അഞ്ചാമത്തെ കോച്ചിനടിയിൽ നിന്ന് ഇരുമ്പു ദണ്ഡ് കണ്ടെടുത്തു. അട്ടിമറി ശ്രമമാണോ എന്നു കണ്ടെത്താൻ അന്വേഷണം ആരംഭിച്ചട്ടുണ്ട്. ചൊവ്വ രാത്രി 7.40നാണു സംഭവം.

കേരള – കർണാടക അതിർത്തിയിൽ പരിശോധന ശക്തം

April 14, 2022 Arya

ബെംഗളൂരു: വിഷു, ഈസ്റ്റര്‍ ആഘോഷത്തിന്റെ മറവില്‍ കര്‍ണാടകത്തില്‍ നിന്നും മാക്കൂട്ടം ചുരംപാത വഴി കേരളത്തിലേക്ക് മദ്യവും മറ്റു ലഹരി വസ്തുക്കളും കടത്താനുള്ള സാഹചര്യം മുന്‍കൂട്ടികണ്ട് കേരള-കര്‍ണാടക അതിര്‍ത്തിയില്‍ കൂട്ടുപുഴ പാലത്തിന് സമീപം പൊലീസ് പരിശോധന ശക്തമാക്കി. കര്‍ണാടകത്തില്‍ നിന്നും വരുന്ന ഇരുചക്ര വാഹനങ്ങള്‍ ഉള്‍പ്പെടെ എല്ലാ വാഹനങ്ങളും പരിശോധിക്കാനാണ് തീരുമാനം. കൂട്ടുപുഴയില്‍ പൊലീസിന്റെ നേതൃത്വത്തില്‍ 24 മണിക്കൂര്‍ വാഹനപരിശോധന ഉണ്ടാകും. കഞ്ചാവും മറ്റു മാരക ലഹരി മരുന്നുകളും ഹാന്‍സ്, കൂള്‍ലിപ് തുടങ്ങിയ പുകയില ഉല്‍പന്നങ്ങള്‍ കേരളത്തിലേക്ക് കൂടുതലായി എത്തുന്നത് കര്‍ണാടകത്തില്‍ നിന്നാണ്. ബെംഗളൂരു, മൈസൂരു…

വീണ്ടും അപകടത്തില്‍പെട്ട് കെ സ്വിഫ്റ്റ് ബസ്

April 14, 2022 News Team

തിരുവനന്തപുരം: കെ സ്വിഫ്റ്റ് ബസ് വീണ്ടും അപകടത്തില്‍ പെട്ടു. കെഎസ് 042 ബസ് കോട്ടയ്ക്കലിന് അടുത്ത് വച്ച്‌ തടി ലോറിയെ കയറ്റത്തില്‍ മറികടക്കാന്‍ ശ്രമിക്കുമ്ബോഴാണ് അപകടം. ലോറിയില്‍ തട്ടി ഇടത് സൈഡിലെ റിയര്‍വ്യൂ മിറര്‍ ഒടിഞ്ഞു. മുന്‍ വശത്തെ ഗ്ലാസിന്റെ ഇടത് മൂല പൊട്ടി. ആര്‍ക്കും പരിക്കില്ല. സര്‍വ്വീസുകള്‍ ഫ്ലാഗ് ഓഫ് ചെയ്ത് 24 മണിക്കൂറിന് അകമാണ് ആദ്യ രണ്ട് അപകടങ്ങള്‍ നടന്നത്. ഇന്റേണല്‍ കമ്മിറ്റി നടത്തിയ അന്വേഷണത്തില്‍ അപകടം സംഭവിച്ചതില്‍ ഡ്രൈവര്‍മാരുടെ ഭാഗത്ത് നിന്നുണ്ടായ വീഴ്ച ചെറുതല്ലെന്നാണ് വിലയിരുത്തല്‍. ഏപ്രില്‍ 11 ആം…

വയനാട്ടിൽ വാഹനാപകടം; ഒരു കുടുംബത്തിലെ മൂന്ന് പേർ മരിച്ചു

April 13, 2022 News Team

വയനാട്: സുൽത്താൻ ബത്തേരിക്ക് സമീപം മീനങ്ങാടിയിൽ കാറും ടാങ്കർ ലോറിയും കൂട്ടിയിടിച്ചുണ്ടായ അപകടത്തിൽ ഒരു കുടുംബത്തിലെ മൂന്ന് പേർ മരിച്ചു. പ്രവിഷ് (39), ഭാര്യ ശ്രീജിഷ (32), അമ്മ പ്രേമലത (60) എന്നിവരാണ് മരിച്ചത്. ഇവരുടെ മകൻ ആരവ് (4) ഗുരുതര പരിക്കുകളോടെ ആശുപത്രിയിൽ ചികിത്സയിലാണ്. പ്രവിഷ് സംഭവസ്ഥലത്തും ശ്രീജിഷയും പ്രേമലതയും ആശുപത്രിയിലുമാണ് മരിച്ചത്. കാക്കവയൽ നഴ്‌സറി സ്റ്റോപ്പിന് സമീപമാണ് സംഭവം. പാട്ടവയലിലേക്ക് പോകുകയായിരുന്ന ഇവർ സഞ്ചരിച്ചിരുന്ന കാർ പാലുമായി പോവുകയായിരുന്ന ടാങ്കർ ലോറിയുമായി കൂട്ടിയിടിക്കുകയായിരുന്നു. കോഴിക്കോട് ജില്ലയിലെ നന്മണ്ടയിൽ വിവാഹം കഴിഞ്ഞ് മടങ്ങുകയായിരുന്നു…

കേരളത്തിൽ ബസ്, ഓട്ടോ, ടാക്സി നിരക്ക് വർദ്ധനവ് മെയ് 1 മുതൽ പ്രാബല്യത്തിൽ

April 13, 2022 News Team

തിരുവനന്തപുരം: കേരളത്തിൽ ബസ്, ഓട്ടോ, ടാക്‌സി നിരക്കുകൾ വർധിപ്പിച്ചത് മെയ് ഒന്ന് മുതൽ പ്രാബല്യത്തിൽ വരും. ഇത് സംബന്ധിച്ച ഉത്തരവ് ഉടൻ പുറത്തിറങ്ങുമെന്ന് ഗതാഗത മന്ത്രി ആന്റണി രാജു അറിയിച്ചു. കമ്മറ്റിയുടെ റിപ്പോർട്ടിന്റെ അടിസ്ഥാനത്തിൽ വിദ്യാർത്ഥികളുടെ കൺസഷൻ നിരക്ക് വർധിപ്പിക്കുന്ന കാര്യത്തിൽ തീരുമാനമെടുക്കുമെന്നും അദ്ദേഹം കൂട്ടിച്ചേർത്തു. കൊവിഡ്-19 ലോക്ക്ഡൗൺ കാലയളവിൽ ഏർപ്പെടുത്തിയ പ്രത്യേക നിരക്കുകൾ പിൻവലിച്ചതായും മന്ത്രി കൂട്ടിച്ചേർത്തു. രാജ്യത്ത് ഇന്ധനവില വർധിക്കുന്നതും സംസ്ഥാനത്തെ സ്വകാര്യ ബസുടമകളുടെ പ്രതിഷേധവും കണക്കിലെടുത്താണ് നിരക്ക് പരിഷ്കരിക്കാൻ സംസ്ഥാന സർക്കാർ തീരുമാനിച്ചത്. ബസ് ചാർജിന്റെ മിനിമം ചാർജ് 8…

തൃശൂർ പൂരം, വെടിക്കെട്ട്‌ കരാർ സ്വന്തമാക്കി ആദ്യ വനിത

April 12, 2022 Arya

തൃശൂര്‍: ചരിത്രത്തില്‍ ആദ്യമായി തൃശൂര്‍ പൂരം വെടിക്കെട്ട് കരാര്‍ വനിതക്ക്. പെസോയുടെ പ്രത്യേക ലൈസന്‍സ് നേടി പൂരം വെടിക്കെട്ടിന് തിരുവമ്പാടിയുടെ കരാര്‍ എടുത്തത് എം എസ് ഷീന സുരേഷ് ആണ്. പരമ്പരാഗതമായി വെടിക്കെട്ട് തൊഴിലില്‍ ഏര്‍പ്പെട്ടിരിക്കുന്ന കുണ്ടന്നൂര്‍ പന്തലങ്ങാട്ട് കുടുംബത്തിലെ മരുമകളാണ് ഷീന. വര്‍ഷങ്ങളായി കുണ്ടന്നൂര്‍ പന്തലങ്ങാട്ട് കുടുംബത്തിലെ സ്ത്രീകള്‍ വെടിക്കെട്ട് ജോലികള്‍ ചെയ്യുന്നുണ്ടെങ്കിലും ആദ്യമായാണ് ഒരാള്‍ വലിയൊരു വെടിക്കെട്ടിന് ലൈസന്‍സ് എടുക്കുന്നത്. വര്‍ഷങ്ങളായി ഷീന സുരേഷ് കരിമരുന്ന് നിര്‍മ്മാണ ജോലികള്‍ ചെയ്ത് വരുന്നു വെടിക്കെട്ട് തൊഴിലാളിയായ സുരേഷിന്റെ ശക്തമായ പിന്തുണയാണ് ഷീനയുടെ കരുത്ത്.…

കേരള -കർണാടക അതിർത്തിയിൽ സ്പിരിറ്റ്‌ പിടികൂടി

April 11, 2022 Arya

ബെംഗളൂരു: കര്‍ണാടകയില്‍ നിന്നും കേരളത്തിലേക്ക് മീന്‍ വാഹനത്തില്‍ സ്‌പിരിറ്റ് കടത്തുന്നതിനിടെയാണ് യുവാക്കള്‍ പിടിയിലായത്. കര്‍ണാടകയില്‍ നിന്ന്‌ കേരളത്തിലേക്ക് കടത്താന്‍ ശ്രമിച്ച 1,050 ലിറ്റര്‍ സ്‌പിരിറ്റുമായാണ് രണ്ടംഗ സംഘം എക്‌സൈസ്‌ പിടിയിലായത്. കേരള-കര്‍ണാടക അതിര്‍ത്തി പ്രദേശമായ അഞ്ചാം മൈലിലാണ് സംഭവം. മീന്‍ വാഹനത്തില്‍ 35 ലിറ്റര്‍ വീതം 30 കന്നാസുകളിലായാണ് സ്‌പിരിറ്റ് കടത്താന്‍ ശ്രമിച്ചത്. നെടുമ്പാശേരി സ്വദേശി കെ.വിഷ്‌ണു, കൊടുങ്ങല്ലൂര്‍ സ്വദേശി പിഎം ഷബീര്‍ എന്നിവരാണ് പോലീസ് പിടിയിലായത്.

സ്ഫോടക വസ്തു പൊട്ടിത്തെറിച്ച് ഒരാൾക്ക് പരിക്ക്

April 11, 2022 Arya

കോഴിക്കോട്: സ്ഫോടക വസ്തു പൊട്ടിത്തെറിച്ച്‌ പതിനാറുകാരന് പരുക്കേറ്റു. നാദാപുരം കായപ്പനച്ചിയില്‍ മീന്‍പിടിക്കാനെത്തിയ കൊല്‍ക്കത്ത സ്വദേശി ഷോര്‍ദാര്‍ ഇബ്രാഹിമിനാണ് പൊട്ടിത്തെറിയില്‍ പരുക്കേറ്റത്. ഇടത് കൈപ്പത്തിയിലെ തള്ള വിരലിനും കണ്ണിനുമാണ് പരുക്കേറ്റത്. തലശേരിയില്‍ നിന്ന് പ്രഥമ ശുശ്രൂഷ നല്‍കിയ ശേഷം ഇയാളെ പരിയാരം മെഡിക്കല്‍ കോളജ് ആശുപത്രിയിലേക്ക് മാറ്റി. മീന്‍ പിടിക്കാനായി ബന്ധുവിനൊപ്പം പുഴയോരത്ത് എത്തിയപ്പോഴാണ് അപകടമുണ്ടായത്. പുഴയോരത്ത് കണ്ട വസ്തു എടുത്തെറിഞ്ഞപ്പോള്‍ പൊട്ടിത്തെറിക്കുകയായിരുന്നു. തുടര്‍ന്ന് ബോംബ് സ്‌ക്വാഡും നാദാപുരം പൊലീസും സംഭവസ്ഥലത്തെത്തി പരിശോധന നടത്തി.

കെഎസ്ആർടിസി-സ്വിഫ്റ്റ് ഇന്ന് മുതൽ; ബസുകളും ജീവനക്കാരും പുതിയ രൂപത്തിൽ

April 11, 2022 News Team

തിരുവനന്തപുരം: കേരള സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷൻ രൂപീകരിച്ച കെഎസ്ആർടിസി-സ്വിഫ്റ്റ് എന്ന ട്രാൻസ്‌പോർട്ട് കമ്പനി മേക്ക് ഓവറോടെ ഇന്ന് പ്രവർത്തനം തുടങ്ങും. എല്ലാ ബസുകളും വെള്ള ഡിസൈനിൽ ഓറഞ്ച് പെയിന്റ് ചെയ്തിട്ടുണ്ട്. രണ്ട് ക്രൂ അംഗങ്ങൾക്കും, ഡ്രൈവർ-കം-കണ്ടക്ടർ, എന്നിവർക്ക് പുതിയ യൂണിഫോം ആയ ഓറഞ്ച് ഷർട്ടും കറുത്ത പാന്റും ലഭിക്കും. ഷർട്ടിൽ കെഎസ്ആർടിസി-സ്വിഫ്റ്റിന്റെ എംബ്ലവും യൂണിഫോം സ്പോൺസറും ഉണ്ടായിരിക്കും, ബസ് ഓടിക്കുന്ന ക്രൂ അംഗം പി-ക്യാപ്പ് ധരിക്കും. സംസ്ഥാനത്തെ ഏറ്റവും മികച്ച മാനേജ്‌മെന്റ് സ്ഥാപനങ്ങളിലൊന്നിൽ ക്രൂ അംഗങ്ങൾക്ക് ഒരാഴ്ചത്തെ പരിശീലനവും തുടർന്ന് കണ്ടക്ടർ പരിശീലനവും…