death – Page 49 – BengaluruVartha

വിദ്യാർത്ഥിനിയുടെ ആത്മഹത്യ, അധ്യാപകനെതിരെ പോക്സോ കേസ്

February 5, 2023 Arya

ബെംഗളൂരു: വിദ്യാർത്ഥിനിയുടെ ആത്മഹത്യയെ തുടർന്ന് കോളേജ് പ്രിൻസിപ്പൽ ഒളിവിൽ. പ്രിൻസിപ്പലിനെതിരെ പോലീസ് പോക്സോ കേസ് രജിസ്റ്റർ ചെയ്തു. റായ്ച്ചൂർ ലിംഗസൂരിലെ എം. വിശ്വേശ്വരയ്യ പ്രീ യൂനിവേഴ്‌സിറ്റി കോളേജിലെ ഐശ്വര്യ എന്ന പെൺകുട്ടിയാണ് കഴിഞ്ഞ ദിവസം രാത്രി കോളേജ് ഹോസ്റ്റലിൽ തൂങ്ങി മരിച്ചനിലയിൽ കണ്ടത്. വിദ്യാർത്ഥിനിയെ പ്രിൻസിപ്പൽ ലൈംഗികമായി ഉപദ്രവിക്കുകയും കൊലപ്പെടുത്തുകയും ചെയ്യുകയായിരുന്നെന്നും കൊലപാതകം ആത്മഹത്യയാണെന്ന് തെളിയിക്കുകയാണെന്നും പെൺകുട്ടിയുടെ രക്ഷിതാക്കൾ ആരോപിച്ചു. വിദ്യാർത്ഥിനിയെ പതിവായി പ്രിൻസിപ്പൽ ഫോണിൽ വിളിക്കാറുണ്ടെന്ന് ബന്ധുക്കൾ നൽകിയ പരാതിയിൽ പറയുന്നു.

വാണി ജയറാമിന്റെ മൃതദേഹത്തിൽ മുറിവെന്ന് റിപ്പോർട്ട്‌

February 4, 2023February 4, 2023 Arya

ചെന്നൈ: വാണി ജയറാമിന്റെ മരണം പുറത്തറിയാൻ വൈകിയെന്ന് സൂചന. ചെന്നൈ നുങ്കമ്പക്കത്തെ ഹാഡോസ് റോഡിൽ ഉള്ള വസതിയിലാണ് വാണിയെ മരിച്ച നിലയിൽ കണ്ടെത്തിയത് 2018-ൽ ഭർത്താവ് ജയറാം അന്തരിച്ച ശേഷം വാണി ഒറ്റയ്ക്കായിരുന്നു ഈ വീട്ടിൽ താമസം. ഇന്ന് രാവിലെ 11 മണിക്ക് സഹായിയായ സ്ത്രീ വീട്ടിലെത്തിയെങ്കിലും വാണി വാതിൽ തുറന്നില്ല. ഇതോടെ ഇവർ ബന്ധുക്കളേയും പോലീസിനേയും വിവരം അറിയിച്ചു. പിന്നീട് പോലീസ് ഉദ്യോഗസ്ഥർ സ്ഥലത്ത് എത്തി വാതിൽ പൊളിച്ച് അകത്ത് പ്രവേശിക്കുകയായിരുന്നു. കിടപ്പുമുറിയിൽ മരണപ്പെട്ട നിലയിലാണ് വാണിയെ കണ്ടെത്തിയത്. ചെന്നൈ നഗര കമ്മിഷണർ…

ആംബുലൻസ് ഗതാഗതക്കുരുക്കിൽപ്പെട്ടു; ഒന്നരവയസ്സുകാരി മരണത്തിന് കീഴടങ്ങി

February 4, 2023 News Team

ബെംഗളൂരു : വിദഗ്ധചികിത്സയ്ക്കായി നഗരത്തിലെ ആശുപത്രിയിലേക്ക് ഒന്നരവയസ്സുകാരിയുമായി വന്ന ആംബുലൻസ് ഗതാഗതക്കുരുക്കിൽപ്പെട്ടതിനെ തുടർന്ന് ആശുപത്രിയിലെത്തുമ്പോഴേക്കും കുഞ്ഞ് മരണത്തിന് കീഴടങ്ങി. 20 മിനിറ്റോളമാണ് ആംബുലൻസ് ഗതാഗത കുരുക്കിൽ കുടുങ്ങിയത് ഹാസനിൽനിന്ന് കുഞ്ഞുമായി വരുകയായിരുന്ന ആംബുലൻസാണ് നെലമംഗല-ഗൊരെഗുണ്ടെപാളയ ജങ്ഷനിലെ ഗതാഗത കുരുക്കിൽ പെട്ടത്. ഇതോടെ ആശുപത്രിയിലെത്തിക്കാൻ വൈകിയതാണ് കുഞ്ഞ് മരിക്കാനിടയായതെന്ന് ആരോപണമുയർന്നു. നഗരത്തിലെ നിംഹാൻസിലേക്കാണ് കുഞ്ഞിനെ ചികിത്സയ്ക്കായി കൊണ്ടുവന്നത്.

കോൺക്രീറ്റ് മിക്സർ കാറിന് മുകളിൽ വീണു, അമ്മയും മകളും മരിച്ചു

February 2, 2023 Arya

ബെംഗളൂരു: കോണ്‍ക്രീറ്റ് മിക്‌സര്‍ കാറിന് മുകളിലേക്ക് മറിഞ്ഞ് അമ്മയും മകളും മരിച്ചു. ബെംഗളൂരു ബന്നാര്‍ഘട്ട റോഡിലാണ് സംഭവം. കഗ്ഗലിപുര സ്വദേശികളായ ഗായത്രി കുമാര്‍ (46), മകള്‍ സാമന്ത(16) എന്നിവരാണ് മരിച്ചത്. ബുധനാഴ്ച രാവിലെയായിരുന്നു അപകടം. പത്താം ക്ലാസ് വിദ്യാര്‍ഥിനിയായ സാമന്തയെ സ്‌കൂളിലാക്കാന്‍ പോകുന്നിതിനിടെ കാറിന് മുകളിലേക്ക് നിയന്ത്രണം വിട്ട് വന്ന ട്രക്ക് മറിയുകയായിരുന്നു. സ്വകാര്യ സ്ഥാപനത്തില്‍ ജോലിക്കാരിയായിരുന്നു ഗായത്രി. ഇരുവരും സംഭവ സ്ഥലത്ത് വച്ചുതന്നെ മരിച്ചതായി പോലീസ് അറിയിച്ചു. കാറിന്‍റെ എമര്‍ജന്‍സി സിസ്റ്റം വഴി സന്ദേശം ലഭിച്ചതിനെ തുടര്‍ന്ന് ഗായത്രിയുടെ ഭര്‍ത്താവ് സുനില്‍ കുമാര്‍…

സ്വകാര്യ വീഡിയോ വൈറലാക്കുമെന്ന് ഭീഷണി, വിദ്യാർത്ഥി ജീവനൊടുക്കി

January 31, 2023 Arya

ബെംഗളൂരു: ഇന്‍സ്റ്റാഗ്രാമില്‍ പരിചയപ്പെട്ട വ്യക്തി സ്വകാര്യ വീഡിയോ സോഷ്യല്‍ മീഡിയയില്‍ വൈറലാക്കുമെന്ന് ഭീഷണിപ്പെടുത്തിയതിനെ തുടര്‍ന്ന് കോളേജ് വിദ്യാര്‍ഥി ജീവനൊടുക്കി. ധര്‍മസ്ഥല അശോക്‌നഗര്‍ സ്വദേശിയും ബികോം വിദ്യാര്‍ഥിയുമായ ഹര്‍ഷിത്ത് (19) ആണ് മരിച്ചത്. 15 ദിവസം മുമ്പാണ് ഹര്‍ഷിത്ത് ഇന്‍സ്റ്റഗ്രാം വഴി അപരിചിതനുമായി ബന്ധപ്പെട്ടത്. അവര്‍ പരസ്പരം ചാറ്റ് ചെയ്യാറുണ്ടായിരുന്നു. കുറച്ച്‌ ദിവസങ്ങള്‍ക്ക് ശേഷം, അപരിചിതന്‍ ഹര്‍ഷിത്തിനെ വിളിച്ച്‌ ഹര്‍ഷിത്തിന്റെ സ്വകാര്യ വീഡിയോ തന്റെ പക്കലുണ്ടെന്നും അത് വൈറലാക്കുമെന്നും ഇല്ലെങ്കില്‍ 11,000 രൂപ നല്‍കണമെന്നും ആവശ്യപ്പെട്ടു. തുക നല്‍കാമെന്നും ജനുവരി 23 വരെ സമയം നല്‍കണമെന്നും…

കന്നഡ സാഹിത്യകാരൻ കെ. വി തിരുമലേഷ് അന്തരിച്ചു

January 31, 2023 Arya

ബെംഗളൂരു: പ്രശസ്ത കന്നഡ സാഹിത്യകാരനും കാസർകോട് ഗവ. കോളേജ് മുൻ ഇംഗ്ലീഷ് ലക്‌ചററുമായ ഡോ. കെ.വി തിരുമലേഷ് (83) അന്തരിച്ചു. കാറഡുക്ക സ്വദേശിയാണ്. ഹൈദരാബാദിലെ മകളുടെ വീട്ടിലായിരുന്നു താമസം. ഒമ്പത് കവിതാസമാഹാരങ്ങളും മൂന്ന് നോവലുകളും നാല് കഥാസമാഹാരങ്ങളും ഒമ്പത് നിരൂപണ ഗ്രന്ഥങ്ങളും അഞ്ച് പരിഭാഷാ കൃതികളും പുറത്തിറങ്ങിയിട്ടുണ്ട്. ഭാഷാ ശാസ്ത്രവുമായി ബന്ധപ്പെട്ട ഇംഗ്ലീഷിലും നാല് പുസ്തകങ്ങൾ പുറത്തിറക്കി. കേന്ദ്രസാഹിത്യ അക്കാദമി അവാർഡ്, കർണാടക സാഹിത്യഅക്കാദമി അവാർഡ്, കുമാരനാശാൻ അവാർഡ്, വർധമാന സാഹിത്യ അവാർഡ് തുടങ്ങി നിരവധി പുരസ്‌കാരങ്ങൾ തിരുമലേശിന് ലഭിച്ചിരുന്നു. നീർച്ചാൽ മഹാജന സംസ്‌കൃത…

മൂന്നു മക്കളെ ഓടയിലിട്ട് കൊലപ്പെടുത്തിയ ശേഷം യുവതി മരിച്ചു

January 30, 2023 Arya

ബെംഗളൂരു: ഭര്‍ത്താവുമായി വഴക്കിട്ട യുവതി മൂന്ന് പിഞ്ചു മക്കളെ ഒഴുക്കുള്ള ഓടയില്‍ എറിഞ്ഞ് കൊലപ്പെടുത്തിയ ശേഷം ജീവനൊടുക്കി. വിജപുര തിക്കോട ജലഗേരി വിതല്‍വാഡ ടണ്ടയില്‍ ഗീത രാമു ചൗഹാന്‍ ആണ് (32)കടുംകൈ ചെയ്തത്. ഇവരുടെ മക്കളായ സൃഷ്ടി(ആറ്),സമര്‍ത്ഥ(നാല്), കൃഷ്ണ (മൂന്ന്) എന്നിവരാണ് മരിച്ചത്. ശനിയാഴ്ച രാത്രി ഭര്‍ത്താവ് രാമു ചൗഹാനും ഗീതയും വഴക്കിട്ടതായി പോലീസ് അന്വേഷണത്തിൽ വ്യക്തമായി .ഭര്‍ത്താവ് ഉറങ്ങിക്കിടക്കുമ്പോള്‍ ഉറക്കത്തിലായിരുന്ന മൂന്ന് മക്കളേയും വെള്ളത്തിലിടുകയായിരുന്നു. ഞായറാഴ്ച രാവിലെ എഴുന്നേറ്റ രാമു ഭാര്യയേയും മക്കളേയും കാണാതെ നടത്തിയ തെരച്ചിലിലാണ് മൃതദേഹങ്ങള്‍ കണ്ടെത്തിയതെന്ന് തിക്കോട പോലീസ്…

യുദ്ധവിമാനങ്ങൾ കൂട്ടിയിടിച്ച് കൊല്ലപ്പെട്ടത് കർണാടക സ്വദേശി

January 29, 2023 Arya

ബെംഗളൂരു: മധ്യപ്രദേശിലെ മൊറേനയില്‍ വ്യോമസേനയുടെ ഫൈറ്റര്‍ ജെറ്റ് വിമാനങ്ങള്‍ കൂട്ടിയിടിച്ചുണ്ടായ അപകടത്തില്‍ കൊല്ലപ്പെട്ടത് കര്‍ണാടക ബെളഗാവി ഗണേഷ്‌പൂരിലെ സംഭാജി നഗര്‍ സ്വദേശി വിങ് കമാന്‍ഡര്‍ ഹനുമന്ത റാവു സാരഥി. എയര്‍ഫോഴ്‌സ് ട്രെയിനിങ് സെന്‍റര്‍ ഉദ്യോഗസ്ഥര്‍ വീട്ടില്‍ നേരിട്ടെത്തിയാണ് അപകടത്തെക്കുറിച്ച്‌ അറിയിച്ചത്. അച്ഛനും അമ്മയും ഭാര്യയും രണ്ട് കുട്ടികളും ഉള്‍പ്പെടുന്നതാണ് ഹനുമന്ത റാവു സാരഥിയുടെ കുടുംബം. ഹനുമന്ത റാവുവിന്‍റെ പിതാവ് രേവണസിദ്ധപ്പ ഇന്ത്യന്‍ കരസേനയില്‍ ക്യാപ്‌റ്റനായി സേവനമനുഷ്‌ഠിച്ച്‌ വിരമിച്ചയാളാണ്. ഹനുമന്ത റാവുവിന്‍റെ സഹോദരന്‍ പ്രവീണ്‍ ഇന്ത്യന്‍ വ്യോമസേനയില്‍ തന്നെ ഗ്രൂപ്പ് ക്യാപ്‌റ്റനാണ്. വീരമൃത്യു വരിച്ച ഹനുമന്ത…

മംഗളൂരുവിലെ അപാർട്ട്മെന്റിൽ ദമ്പതികൾ മരിച്ച നിലയിൽ

January 29, 2023 Arya

ബെംഗളൂരു: മംഗളൂരുവിലെ അപാര്‍ട്ട്മെന്റില്‍ വൃദ്ധ ദമ്പതികള്‍ മരിച്ച നിലയില്‍ കണ്ടെത്തി. കനറ ബാങ്ക് റിട്ട.മാനേജര്‍ ദിനേശ് റാവു (65), ഭാര്യ ശൈലജ(64) എന്നിവരാണ് മരിച്ചത്. ശൈലജ എട്ട് വര്‍ഷത്തോളമായി കിടപ്പ് രോഗിയാണെന്ന് മംഗളൂരു സിറ്റി പോലീസ് കമ്മീഷണര്‍ എന്‍.ശശികുമാര്‍ സംഭവസ്ഥലം സന്ദര്‍ശിച്ച ശേഷം മാധ്യമങ്ങളോട് പറഞ്ഞു. പരിചരണത്തിനായി രണ്ട് ഹോം നഴ്സുമാരെ നിയോഗിച്ചിരുന്നു.ശനിയാഴ്ച അവരില്‍ ഒരാള്‍ ജോലിക്ക് വന്നപ്പോഴാണ് ഇരുവരെയും മരിച്ച നിലയില്‍ കണ്ടെത്തിയത്. ശൈലജ കിടക്കയിലും റാവു തൂങ്ങിയുമാണ് മരിച്ചു കിടന്നത്.ഭാര്യയെ കൊന്ന ശേഷം ജീവനൊടുക്കിയതാവാം എന്ന് അയല്‍വാസികള്‍ പോലീസിനോട് പറഞ്ഞു.

വർക്ക്‌ ഷോപ്പ് കെട്ടിടത്തിൽ നിന്നും വീണ് ബിജെപി നേതാവ് മരിച്ചു

January 28, 2023 Arya

ബെംഗളൂരു: മംഗളൂരുവിൽ വർക്ക്ഷോപ്പ് കെട്ടിടത്തിന് മുകളിൽ നിന്ന് വീണ് ബി.ജെ.പി നേതാവ് മരിച്ചു. എക്കുരുഗുഡ്ഡെ സ്വദേശി വരുൺ (25) ആണ് മരിച്ചത്. എക്കൂർ ബിജെപി ബൂത്ത് സെക്രട്ടറിയാണ്. മംഗളൂരു പനമ്പൂർ പോലീസ് സ്റ്റേഷൻ പരിധിയിൽ ബൈക്കംപാടി ഇൻഡസ്ട്രിയൽ ഏരിയയിലെ വർക്ക് ഷോപ്പ് കെട്ടിടത്തിന്റെ മുകളിൽ നിന്നാണ് വരുൺ വീണത്. വർക്ക് ഷോപ്പിന്റെ മേൽക്കൂരയുടെ ഷീറ്റിൽ സോളാർ പാനലിന്റെ വയറിങ്ങും പ്ലംബിംഗ് ജോലികളും ചെയ്യുകയായിരുന്നു വരുൺ. ഷീറ്റ് പെട്ടെന്ന് മുറിഞ്ഞു വീഴുകയും വരുൺ താഴേക്ക് പതിക്കുകയുമായിരുന്നു. തലയ്ക്ക് ഗുരുതരമായി പരിക്കേറ്റ വരുണിനെ ഉടൻ ആശുപത്രിയിൽ പ്രവേശിപ്പിച്ചെങ്കിലും…