ബെംഗളൂരു : വാഹനാപകടത്തിൽ യുവതിക്ക് ദാരുണാന്ത്യം. ദേശീയപാത 66 ലെ പാവഞ്ചെയ്ക്ക് സമീപമാണ് സംഭവം. സ്കൂട്ടറിൽ പിതാവിനൊപ്പം സഞ്ചരിച്ച ശ്രുതിയാണ് (27) മരിച്ചത്. ശ്രുതിയും, പിതാവും റെയിൻകോട്ട് ധരിക്കാൻ കടയ്ക്ക് സമീപം വാഹനം നിർത്തിയപ്പോൾ അമിത വേഗത്തിൽ വന്ന കാർ ഇടിച്ചാണ് അപകടമുണ്ടായത്. പിതാവ് ഗോപാലാചാര്യയുടെ കാലൊടിഞ്ഞ് നിലവിൽ ചികിത്സയിലാണ്. സഹോദരൻ സുജിത്തിൻ്റെ മരണത്തെത്തുടർന്ന് സംസ്കാര ചടങ്ങുകളിൽ പങ്കെടുക്കാൻ ചെന്നൈയിൽ നിന്നെത്തിയതായിരുന്നു യുവതി. അമിത വേഗതയിൽ അശ്രദ്ധയമായി വാഹനമോടിച്ചതിന് കാർ ഡ്രൈവർ പ്രശാന്തിനെതിരെ പൊലീസ് കേസെടുത്തു. സോഫ്റ്റ്വെയർ കമ്പ്യൂട്ടർ എൻജിനീയറിങ് ബിരുദധാരിയാണ് ശ്രുതി.
Read Moreസഹോദരൻ്റെ സംസ്കാര ചടങ്ങിന് ചെന്നൈയിൽ നിന്നെത്തി സഹോദരി ; വാഹനാപകടത്തിൽ ദാരുണാന്ത്യം
