ബംഗളുരു : കുടക് ജില്ലയിലെ ബെട്രി ഗ്രാമത്തിലെ കാപ്പിത്തോട്ടത്തിൽ ഉപേക്ഷിക്കപ്പെട്ട നിലയിൽ നവജാത ശിശുവിനെ കണ്ടെത്തി. ഏപ്രിൽ 11-ന് രാവിലെ തോട്ടത്തിൽ നിന്ന് കുഞ്ഞിന്റെ കരച്ചിൽ കേട്ടെത്തിയ നാട്ടുകാരാണ് ഹൃദയഭേദകമായ ഈ കാഴ്ച കണ്ടത്. കക്ക ഇലയിൽ പൊതിഞ്ഞ് അടയ്ക്ക ഷീറ്റിന് മുകളിൽ കിടത്തിയ നിലയിലായിരുന്നു കുഞ്ഞ്.
നാട്ടുകാർ അറിയിച്ചതിനെത്തുടർന്ന് ചൈൽഡ് പ്രൊട്ടക്ഷൻ യൂണിറ്റ് ഉദ്യോഗസ്ഥർ സ്ഥലത്തെത്തി കുഞ്ഞിനെ ഏറ്റെടുത്തു. ശാരീരിക അസ്വസ്ഥതകൾ പ്രകടിപ്പിച്ച കുഞ്ഞിനെ ഉടൻ തന്നെ മടിക്കേരിയിലെ ജില്ലാ വനിതാ ശിശു ആശുപത്രിയിൽ പ്രവേശിപ്പിച്ചു. നിലവിൽ വിദഗ്ദ്ധ ഡോക്ടർമാരുടെ നിരീക്ഷണത്തിലുള്ള കുഞ്ഞ് അപകടനില തരണം ചെയ്തതായി ആശുപത്രി അധികൃതർ അറിയിച്ചു.
സംഭവത്തിൽ മടിക്കേരി റൂറൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. കുഞ്ഞിനെ ഉപേക്ഷിച്ച മാതാപിതാക്കളെ കണ്ടെത്താനായി പ്രദേശത്തെ സിസിടിവി ദൃശ്യങ്ങളും സമീപകാലത്ത് പ്രസവം നടന്ന ആശുപത്രി രേഖകളും പോലീസ് പരിശോധിച്ചു വരികയാണ്. നവജാത ശിശുവിനെ കാപ്പിത്തോട്ടത്തിൽ തനിച്ചാക്കി പോയ ക്രൂരതയ്ക്കെതിരെ വലിയ പ്രതിഷേധമാണ് പ്രദേശത്ത് ഉയരുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
