July 2022 – Page 30 – BengaluruVartha

വിദ്യാർത്ഥിയുടെ മരണം, ബെസ്കോമിനെതിരെ പ്രതിഷേധം

July 18, 2022 Arya

ബെംഗളൂരു: മലയാളി വിദ്യാർത്ഥി ഷോക്കേറ്റ് മരിച്ച സംഭവത്തിൽ ബെസ്കോമിനെതിരെ വ്യാപക പ്രതിഷേധം. ബെസ്കോം അധികൃതരുടെ അനാസ്ഥയാണ് അപകടത്തിന് ഇരയാക്കിയതെന്ന് ആരോപിച്ച് ഷരീഫ് നഗർ നിവാസികളുടെ നേതൃത്വത്തിൽ ധർണ നടത്തി. ദിവസങ്ങൾ ആയുള്ള മഴയിൽ നഗരത്തിൽ പലയിടത്തും വൈദ്യുതി ലൈൻ പൊട്ടി വീണും കേബിൾ മുറിഞ്ഞുമാണ് കൂടുതൽ അപകടങ്ങൾ ഉണ്ടാവുന്നത്. പാർക്കുകളിലും മറ്റും വൈദ്യുതി ലൈൻ തട്ടി കുട്ടികൾക്ക് പരിക്കേൽക്കുന്നതും കുറവല്ല, ഷരീഫ് നഗർ നിവാസികൾ പറഞ്ഞു.

വൈദ്യുതി കമ്പി പൊട്ടി വീണു, ഷോക്കേറ്റ് മലയാളി വിദ്യാർത്ഥി മരിച്ചു

July 18, 2022 Arya

ബെംഗളൂരു: യശ്വന്ത്പുരയിൽ പൊട്ടി വീണ വൈദ്യുത ലൈനിൽ നിന്ന് ഷോക്കേറ്റ് മലയാളി വിദ്യാർത്ഥി മരിച്ചു. മലപ്പുറം താനൂർ മൂലക്കൽ റസാക്കിന്റെ മകൻ ലുക്ക്മാൻ ആണ് മരിച്ചത്. എട്ടാം ക്ലാസ്സ് വിദ്യാർത്ഥിയാണ് ലുക്ക്മാൻ. യശ്വന്ത്പുരയിലെ ശരീഫ് ഗാർഡനിലെ പിതാവിന്റെ ബന്ധു വീട്ടിൽ എത്തിയതായിരുന്നു ലുക്ക്മാൻ. കളിക്കുന്നതിനിടെ താഴ്ന്നു കിടന്നു വൈദ്യുതി ലൈൻ പൊട്ടി വീഴുകയായിരുന്നു. ഗുരുതരമായി പരിക്കേറ്റ കുട്ടിയെ എംഎസ് രാമയ്യ മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.

സംഘർഷം അവസാനിക്കാതെ കള്ളക്കുറിച്ചി, പ്രദേശത്ത് നിരോധനാജ്ഞ

July 18, 2022 Arya

കള്ളക്കുറിച്ചി : സ്കൂൾ വിദ്യാർത്ഥിനി ആത്മഹത്യ ചെയ്തതിനെ തുടർന്ന് സംഘർഷം ഉടലെടുത്ത തമിഴ്നാട് കള്ളക്കുറിച്ചി കേസിൽ പ്രദേശത്ത് നിരോധനാജ്ഞ പ്രഖ്യാപിച്ചു. ജൂലൈ 31വരെയാണ് താലൂക്കിൽ ജില്ലാ കലക്ടർ നിരോധനാജ്ഞ പ്രഖ്യാപിച്ചത്. രാത്രിവൈകിയും പ്രദേശത്ത് നാട്ടുകാർ സംഘടിച്ചു നിൽക്കുകയാണ് ഇന്ന് തമിഴ്‌നാട്ടിലെ സ്വകാര്യ സ്‌കൂളുകൾ തുറക്കില്ലെന്ന് തമിഴ്‌നാട് മെട്രിക്കുലേഷൻ ആന്റ് സിബിഎസ്ഇ സ്‌കൂൾസ് അസോസിയേഷൻ അറിയിച്ചു. പ്രതിഷേധക്കാർ വൻ നാശനഷ്ടമാണ് വരുത്തിയത്. 30 സ്കൂൾ ബസുകൾ പ്രതിഷേധക്കാർ കത്തിച്ചു. സ്കൂൾ കെട്ടിടങ്ങൾ അഗ്നിക്കിരയാക്കി. പ്രതിഷേധക്കാരെ പിരിച്ചുവിടാൻ പോലീസ് ആകാശത്തേക്ക് വെടിവെച്ചു. ലാത്തിച്ചാർജിൽ നിരവധി പേർക്ക് പരിക്കേറ്റു.…

ഒഴുക്കിൽ പെട്ട കുതിരയെ രക്ഷിച്ച് അഗ്നിശമനസേന

July 18, 2022 Arya

ബെംഗളൂരു: കർണാടകയിലെ ഹവേരിയിൽ പുഴയിൽ ഒഴുക്കിൽപ്പെട്ട കുതിരയ്ക്ക് രക്ഷകരായി അഗ്നിശമനസേന. ഹവേരി താലൂക്കിലെ നാഗനൂറിന് സമീപം വരദ നദിയിലാണ് കുതിര ഒഴുകിയത്. കനത്ത മഴയിൽ കൃഷി നാശമുണ്ടായ മേഖലകൾ സന്ദർശിക്കുകയായിരുന്ന ബഡഗി ജില്ല വിരുപക്ഷ ബല്ലപ്പ പുഴയിലെ തുരുത്തിൽ ഒറ്റപ്പെട്ട നിലയിൽ കുതിരയെ കണ്ട് അഗ്നിശമനസേനയെ വിവരമറിയിക്കുകയായിരുന്നു. ഉടൻ തന്നെ അഗ്നിശമന സേനാംഗങ്ങൾ ബോട്ടിലെത്തി ഏറെ നേരത്തെ പരിശ്രമത്തിനൊടുവിലാണ് കുതിരയെ രക്ഷിച്ച് കരയ്ക്കെത്തിച്ചത്. മേഖലയിൽ കനത്ത മഴയെ തുടർന്ന് നദികളിലെ ജലനിരപ്പ് ഉയർന്ന നിലയിൽ ആയിരുന്നു.

ജയിലിൽ സുഹൃത്തിനെ കാണാൻ എത്തിയത് ഹാഷിഷ് ഒയിലുമായി, 2 സ്ത്രീകൾ അറസ്റ്റിൽ

July 18, 2022 Arya

ബെംഗളൂരു പരപ്പന അഗ്രഹാര സെൻട്രൽ ജയിലിൽ തടവുകാരായ സുഹൃത്തുക്കൾക്ക് ഹാഷിഷ് ഓയിൽ പോലീസ് എത്തിച്ചു നൽകിയ രണ്ടു സ്ത്രീകളെ പോലീസ് അറസ്റ്റ് ചെയ്തു. ബെംഗളൂരു സ്വദേശി എ. സംഗീത, ശിവമഗ ഭദ്രാവതി സ്വദേശി ടി.ആർ. ഛായയെയാണ് പോലീസ് അറസ്റ്റ് ചെയ്തത് . വനിതാ ജീവനക്കാർക്ക് ഇവരുടെ പെരുമാറ്റത്തിൽ സംശയം തോന്നിയതിനെത്തുടർന്ന് മുറിയിൽ കൊണ്ടുപോയി പരിശോധിച്ചപ്പോൾ രണ്ടുപേരിൽ നിന്നും ഓരോ പ്ലാസ്റ്റിക് കുപ്പികളിലായി 220 ഗ്രാം ഹാഷിഷ് ഓയിൽ കണ്ടെത്തുകയായിരുന്നു.വിചാരണ തടവുകാരനായ ലോഹിത്തിനെ കാണാനാണ് സംഗീത എത്തിയത്. മറ്റൊരു തടവുകാരനായ വി. കാലപ്പയെ കാണാനാണ് ഛായ…

താരദമ്പതികൾക്കെതിരെ വഞ്ചനാകുറ്റത്തിന് കേസ് എടുത്ത് പോലീസ്

July 17, 2022 Arya

പാലക്കാട്: നടൻ ബാബുരാജിനും ഭാര്യ വാണി വിശ്വനാഥിനുമെതിരെ വഞ്ചനക്കുറ്റത്തിന് ഒറ്റപ്പാലം പോലീസ് കേസെടുത്തു. തിരുവില്ലാമല സ്വദേശി റിയാസ് പാലക്കാട് ജില്ല പോലീസ് മേധാവിക്ക് നൽകിയ പരാതിയുടെ അടിസ്ഥാനത്തിൽ ആണ് കേസ്. 2017ൽ സിനിമ നിർമാണവുമായി ബന്ധപ്പെട്ടുണ്ടായ ഇടപാടിൽ 3,01,45,000 രൂപ ഒറ്റപ്പാലത്തെ ബാങ്ക് മുഖേന നൽകിയെന്നാണ് റിയാസിന്റെ പരാതി. എസ്.പി.യുടെ നിർദ്ദേശത്തെ തുടർന്ന് പോലീസ് ഒറ്റപ്പാലം നടത്തിയ പ്രാഥമികാന്വേഷണത്തിനുശേഷമാണ് താരദമ്പതികൾക്കെതിരെ കേസ് എടുത്തതെന്ന് പോലീസ് വ്യക്തമാക്കി.

അടുത്ത അഞ്ച് ദിവസം കനത്ത മഴ ; കർണാടക തീരത്ത് ശക്തമായ കാറ്റിന് സാധ്യത – മുന്നറിയിപ്പുകൾ ഇങ്ങനെ

July 17, 2022 Aishwarya

തിരുവനന്തപുരം: കേരളത്തിൽ അടുത്ത അഞ്ച് ദിവസം കനത്ത മഴയ്ക്ക് സാധ്യത. വിവിധ ജില്ലകളിൽ യെലോ അലർട്ട് പ്രഖ്യാപിച്ചു. ഇന്ന് ഇടുക്കി, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലാണ് യെല്ലോ അലർട്ട്. കർണാടക തീരത്ത് തിങ്കളാഴ്ച വരെ മണിക്കൂറിൽ 40 മുതൽ 50 കിലോമീറ്റർ വേഗത്തിലും ചിലപ്പോൾ മണിക്കൂറിൽ 60 കിലോമീറ്റർ വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. ജൂലൈ 18ന് ഇടുക്കി, മലപ്പുറം, കാസർകോട് ജില്ലകളിലും , ജൂലൈ 19ന് ആലപ്പുഴ, എറണാകുളം, ഇടുക്കി, മലപ്പുറം, കണ്ണൂർ, കാസർകോട് ജില്ലകളിലും ജൂലൈ 20ന്…

മെഗാ ആരോഗ്യ ക്യാമ്പ് നടത്തി

July 17, 2022 Aishwarya

ബെംഗളൂരു : ബെംഗളൂരു കേരളസമാജം അൾസൂർ സോണിന്റെ നേതൃത്വത്തിൽ നടത്തിയ മെഗാ ആരോഗ്യ ക്യാമ്പ് പൊതുജനങ്ങളുടെ സജീവ സാന്നിധ്യത്തോടു കൂടി നടത്തി. രാവിലെ പത്തുമണിക്ക് തുടങ്ങിയ ക്യാമ്പ് ഡോ. ശാലിനി നാൽവാഡ് ( കോ ഫൗണ്ടർ, ഐ സിഐടിടി ) ഉദ്ഘാടനം നിർവ്വഹിച്ചു. കൈരളി നിലയം സ്കൂളിലെ മുന്നൂറോളം വിദ്യാർത്ഥികൾക്കായി സി പി ആർ പരിശീലനം നടത്തി. ശ്രീധരീയം കണ്ണാശുപത്രിയുടെ നേതൃത്വത്തിൽ നടത്തിയ കണ്ണുപരിശോധനയും ക്യാമ്പിന്റെ ഭാഗമായിരുന്നു. നുറ്റിയിരുപതോളം പേരുടെ കണ്ണുകൾ പരിശോധിച്ചു. ഡോ. നവീൻ ലോകനാഥന്റെ നേതൃത്വത്തിൽ അൻപത്തിയഞ്ച് പേരുടെ പൊതു ആരോഗ്യ…

ബെംഗളൂരുവിൽ മൂന്ന് ദിവസത്തിനിടെ നടന്നത് ആറ് കൊലപാതകങ്ങൾ

July 17, 2022 Aishwarya

ബെംഗളൂരു: ബെംഗളൂരുവിൽ വെള്ളിയാഴ്ച മുതൽ രണ്ട് സ്ത്രീകളുടേതുൾപ്പെടെ ആറ് കൊലപാതകങ്ങളാണ് റിപ്പോർട്ട് ചെയ്തത്. കൊലപാതകങ്ങളിൽ അഞ്ചെണ്ണം നഗരത്തിന്റെ പ്രാന്തപ്രദേശത്തും ഒരെണ്ണം ശിവാജിനഗറിലുള്ള നഗരപരിധിക്കുള്ളിലുമാണ് നടന്നതെന്ന് പോലീസ് പറഞ്ഞു. കൂടാതെ ഒരു മലയാളിയും ഇതിൽ ഉൾപ്പെടുന്നുണ്ട്. ഞായറാഴ്ച, ബെംഗളൂരുവിന് പടിഞ്ഞാറ് കെങ്കേരി പോലീസ് പരിധിയിൽ, ഹെമ്മിഗെപുരയിലെ ഗൊല്ലഹള്ളിയിൽ താമസിക്കുന്ന ഹേമന്ത് കുമാറിന്റെ (26) മൃതദേഹം നൈസ് അണ്ടർപാസിന് സമീപം കണ്ടെത്തി. അന്വേഷണം ആരംഭിച്ചിട്ടുണ്ടെന്നും മരണകാരണം ഇതുവരെ കണ്ടെത്താനായിട്ടില്ലെന്നും പോലീസ് പറഞ്ഞു. വെള്ളിയാഴ്ച രാത്രിയാണ് ബനശങ്കരി സ്വദേശിയായ സ്ക്രാപ്പ് ഡീലർ പ്രജ്വലിനെ (21) മർദിച്ച് കൊലപ്പെടുത്തിയത്. ഒമ്പതാം…

തടവുകാരെ ഫോണും മയക്കുമരുന്നും ഉപയോഗിക്കാൻ അനുവദിച്ചു; 15 സെൻട്രൽ ജയിൽ ജീവനക്കാർക്ക് സസ്പെൻഷൻ, 35 പേരെ സ്ഥലം മാറ്റി

July 17, 2022 Aishwarya

ബെംഗളൂരു: ജയിലിനുള്ളിൽ മൊബൈൽ ഫോണും മയക്കുമരുന്നും ഉപയോഗിക്കാൻ തടവുകാരെ അനുവദിച്ച ബെംഗളൂരുവിലെ സെൻട്രൽ ജയിലിൽ ജോലി ചെയ്യുന്ന 15 ജീവനക്കാരെ സസ്‌പെൻഡ് ചെയ്യുകയും 35 പേരെ ദൂരസ്ഥലങ്ങളിലേക്ക് മാറ്റുകയും ചെയ്തതായി കർണാടക ആഭ്യന്തര മന്ത്രി അരഗ ജ്ഞാനേന്ദ്ര പറഞ്ഞു. ജയിലിനുള്ളിൽ മറ്റ് സൗകര്യങ്ങൾ ആസ്വദിക്കുന്നതിനൊപ്പം മൊബൈൽ ഫോണുകളും മയക്കുമരുന്നും ഉപയോഗിക്കുന്ന തടവുകാരുടെ ഇത്തരം പ്രവർത്തികൾ അവസാനിപ്പിക്കാൻ സർക്കാർ എല്ലാ ശ്രമങ്ങളും നടത്തുന്നുണ്ടെന്ന് പുതുതായി രൂപീകരിച്ച കർണാടക സംസ്ഥാന ജയിൽ വികസന ബോർഡിന്റെ ആദ്യ യോഗത്തിൽ അധ്യക്ഷനായി ആരാഗ ജ്ഞാനേന്ദ്ര പറഞ്ഞു.