ചെന്നൈ : മതപരിവര്ത്തനത്തിന് നിര്ബന്ധിക്കുന്നുവെന്ന് ആരോപിച്ച് സ്ത്രീ കലക്ടർ ഓഫീസിന് മുന്നിൽ തീ കൊളുത്തി ആത്മഹത്യയ്ക്ക് ശ്രമിച്ചു.
തമിഴ്നാട്ടിലെ രാമനാഥപുരം കലക്ടര് ഓഫീസിന് മുന്നില് തീകൊളുത്തി ആത്മഹത്യയ്ക്ക് ശ്രമിച്ച സ്ത്രീയെ പോ ലീസുകാരും കലക്ട്രേറ്റ് അധികൃതരും ചേര്ന്നാണ് തടഞ്ഞത്. കുടുംബത്തില്പ്പെട്ടയാള് ക്രിസ്തു മതത്തിലേക്ക് പരിവര്ത്തനം ചെയ്യാന് നിര്ബന്ധിക്കുന്നുവെന്നും ഇതിന്റെ പേരില് ഉപദ്രവിക്കുന്നുവെന്നും ആരോപിച്ചാണ് സ്ത്രീ ആത്മഹത്യയ്ക്ക് ശ്രമിച്ചത്.
രാമനാഥപുരം പച്ചേരി ഗ്രാമത്തിലെ വളര്മതിയാണ് കലക്ടര് ഓഫീസിന് പുറത്ത് തീകൊളുത്തി ജീവനൊടുക്കാന് ശ്രമിച്ചത്. കുടുംബത്തെ ക്രിസ്തുമതത്തിലേക്ക് പരിവര്ത്തനം ചെയ്യാന് ഗ്രാമത്തില് താമസിക്കുന്ന ബന്ധു ദേവ്ദാസ് നിര്ബന്ധിക്കുന്നു എന്നതാണ് വളര്മതിയുടെ ആരോപണം. ഇതിന് തയ്യാറാവാതെ വന്നതോടെ ദേവ്ദാസിന്റെ കുടുംബം ഉപദ്രവിക്കാന് തുടങ്ങിയതായും പരാതിയില് പറയുന്നു. ഇതുമായി ബന്ധപ്പെട്ട് പോലീസില് പരാതി നല്കിയിട്ടും യാതൊരുവിധ നടപടിയും പോലീസിന്റെ ഭാഗത്തു നിന്നും ഉണ്ടായില്ലെന്നും അവര് ആരോപിക്കുന്നു. തുടര്ന്നാണ് കലക്ടര് ഓഫീസിന് മുന്നില് ആത്മഹത്യ നടത്താന് തീരുമാനിച്ചതെന്നും വളര്മതി പറഞ്ഞു.
കഴിഞ്ഞ ദിവസമാണ് വളര്മതി കലക്ടര് ഓഫീസില് എത്തിയത്. തീകൊളുത്തി ആത്മഹത്യയ്ക്ക് ശ്രമിക്കുന്നത് ശ്രദ്ധയില്പ്പെട്ട പോലീസുകാരും അധികൃതരും സ്ത്രീയെ അതില് നിന്ന് തടയുകയായിരുന്നു.
എന്റെ വീട്ടിലേക്കുള്ള വഴി ദേവ്ദാസ് അടച്ചു. എനിക്കെതിരെ ദേവ്ദാസ് കള്ളക്കേസ് കൊടുത്തു. കോടതിയില് പോയപ്പോള് ഞങ്ങള്ക്ക് അനുകൂലമായി വിധി പറഞ്ഞു. തുടര്ന്ന് വണ്ടിയോടിച്ച് കയറ്റി കൊല്ലാന് ശ്രമിച്ചു. തുടര്ന്നാണ് പോലീസിനെ സമീപിച്ചത് വളര്മതി പറയുന്നു. എന്നാല് പോലീസില് നിന്ന് യാതൊരുവിധ സഹായവും ലഭിച്ചില്ലെന്നും അവര് ആരോപിച്ചു. എന്നാല് ഭൂമി തര്ക്കമാണ് ഈ ആരോപണങ്ങള്ക്ക് പിന്നിലെന്നാണ് പോലീസ് പറയുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
