Author: News Team

ബെം​ഗളുരു; ക്രിസ്ത്യൻ പള്ളികളുടെ കണക്കെടുക്കുന്നതിനെതിരെ പരാതി ഉയർന്നു വന്നതിനെ തുടർന്ന് വന്ന ഹർജി പരി​ഗണിക്കുന്നത് ഈ മാസം 25 ന്. പിയുസിഎൽ ആണ് സംസ്ഥാനത്തെ ക്രിസ്ത്യൻ പള്ളികളുടെയും വൈദികരുടെയും കണക്കെടുക്കുന്നതിനെ വിമർശിച്ച് രം​ഗത്തെത്തിയത്. സംസ്ഥാനത്തെ ന്യൂനപക്ഷങ്ങളുടെയും പിന്നാക്കക്കാരുടെയും ക്ഷേമത്തിനായുള്ള നിയമസഭാ സമിതിയാണ് നിർബന്ധിത മത പരിവർത്തനം നടക്കുന്നതായുള്ള പരാതികൾ വ്യാപകമായതോടെ കണക്കെടുപ്പിന് തയ്യാറായി രം​ഗത്ത് വന്നത്. എന്നാൽ ക്രിസ്ത്യൻ പള്ളികളുടെ കണക്കെടുക്കുന്നതിനെതിരെ പരാതിയുമായാണ് പിയുസിഎൽ അടക്കമുള്ളവർ രം​ഗത്തെത്തിയത്. ബെം​ഗളുരു ആർച്ച് ബിഷപ്പ് പീറ്റർ മച്ചാഡോ ഇതിനെതിരെ ശക്തമായി രം​ഗത്തെത്തിയിരുന്നു.