ബെംഗളൂരു : ബെംഗളൂരു കെംപെഗൗഡ അന്താരാഷ്ട്ര വിമാനത്താവളത്തിൽ രണ്ടാം ടെർമിനലിലുള്ള 080 ഡൊമസ്റ്റിക് ലോഞ്ചിന് മികവിനുള്ള അംഗീകാരം.
ടെർമിനലിലെ ഡൊമസ്റ്റിക് ലോഞ്ചിനെ ട്രാവൽ പ്ലസ് ലെഷർ മാസിക മികച്ച ഡൊമസ്റ്റിക് എയർപോർട്ട് ലോഞ്ച് ആയി തിരഞ്ഞെടുത്തു.
രണ്ടാം ടെർമിനലിലെതന്നെ 080 അന്താരാഷ്ട്ര ലോഞ്ചിന് ഫേവറിറ്റ് എയർപോർട്ട് ലോഞ്ചിനുള്ള 2024-ലെ കോണ്ടെ നാസ്റ്റ് ട്രാവലറിന്റെ റീഡേഴ്സ് ചോയ്സ് പുരസ്കാരവും ലഭിച്ചു.
രണ്ടാം ടെർമിനലിലെ ലോഞ്ചുകൾ ഒരുക്കിയതിലെ മികവാണ് പുരസ്കാരങ്ങൾക്ക് അർഹമാക്കിയതെന്ന് ബെംഗളൂരു ഇന്റർനാഷണൽ എയർപോർട്ട് ലിമിറ്റഡ് എം.ഡി.യും സി.ഇ.ഒ.യുമായ ഹരി മാരാർ പറഞ്ഞു.
