ബംഗളുരു : മെട്രോ ടിക്കറ്റ് നിരക്ക് പരിഷ്കരിക്കുന്നതിന് നിയോഗിച്ച സമതി 2 ആഴ്ചക്കുള്ളിൽ ബി എം ആർ സിക്ക് റിപ്പോർട്ട് സമർപ്പിക്കും.
ടിക്കറ്റ് നിരക്ക് 20% ത്തോളം വർധിക്കുമെന്നാണ് സൂചന.
റിപ്പോർട്ട് സമർപ്പിക്കുന്നതിന് മുന്നോടിയായി മദ്രാസ് ഹൈക്കോടതി മുൻ ജഡ്ജി ആർ തരണിയുടെ നേതൃത്വത്തിലുള്ള സമതി ബി എം ആർ സി ഉദ്യോഗസ്ഥരുമായി കൂടിക്കാഴ്ച നടത്തും.
നേരെത്തെ നിരക്ക് പരിഷ്കരിക്കാനുള്ള ചട്ടകൂടുകൾ പരിചയപ്പെടാൻ ഹോങ്കോങ്, സിങ്കപ്പൂർ, ഡൽഹി നഗരങ്ങളിൽ സമതി സന്ദർശനം നടത്തിയിരുന്നു.
നിരക്ക് വർധനവിനെ കുറിച്ച് ജനങ്ങളോട് ബി എം ആർ സി എൽ അഭിപ്രായം തേടിയിരുന്നു.
എന്നാൽ നിരക്ക് വർധിപ്പിക്കരുതെന്നാണ് ഭൂരിഭാഗം പേരും അഭിപ്രായപെട്ടത്. കഴിഞ്ഞ 2 സാമ്പത്തിക വർഷങ്ങളായി 240 കോടി രൂപയുടെ നഷ്ടം നേരിടുന്നതിനാൽ കുറഞ്ഞത് 20% എങ്കിലും കൂട്ടാതെ മുന്നോട്ട് പോകാനാകില്ലന്നാണ് ബി എം ആർ സി എല്ലിന്റെ വാദം.
