September 2023 – Page 35 – BengaluruVartha

ബെംഗളൂരു-ചെന്നൈ ഹൈവേയിലെ അപകടം :7 സ്ത്രീകൾ മരിച്ചു; നിരവധി പേർക്ക് പരിക്ക്

September 11, 2023September 11, 2023 Arya

ബെംഗളൂരു : ബെംഗളൂരു-ചെന്നൈ ഹൈവേയിൽ (എൻ.എച്ച്. 44) വാനിനു പിന്നിൽ ലോറി ഇടിച്ചുണ്ടായ അപകടത്തിൽ ഏഴ് സ്ത്രീകൾ മരിച്ചു. എം. മീന (50), ഡി. ദേവയാനി (32), പി. സെയ്തു (55), എസ്. ദേവിക (50), വി. സാവിത്രി (42), കെ. കലാവതി (50), ആർ. ഗീത (34) ആണ് മരിച്ചത്. നിർത്തിയിരുന്ന ടൂറിസ്റ്റ് വാനിലേക്ക് ലോറി ഇടിച്ചുകയറുകയായിരുന്നു. തിരുപ്പത്തൂർ ജില്ലയിലെ നട്രംപള്ളിക്ക് സമീപം സന്ദയ്പള്ളി ഗ്രാമത്തിൽ പുലർച്ചെ 2.40ഓടെയാണ് അപകടം. വാനിന്റെയും ലോറിയുടെയും ഡ്രൈവർമാർ 10 പേർക്ക് പരിക്കേറ്റു. ഇതിൽ അഞ്ച് പേർ…

ആന്ധ്രാപ്രദേശില്‍ നിരോധനാജ്ഞ ഏര്‍പ്പെടുത്തി പോലീസ്

September 11, 2023 Arya

വിജയവാഡ : ആന്ധ്രപ്രദേശിൽ നിരോധനാജ്ഞ ഏർപ്പെടുത്തി പോലീസ്. സംസ്ഥാനത്തുടനീളം റാലികളും യോഗങ്ങളും നിരോധിച്ചിട്ടുണ്ട്. അഴിമതിക്കേസിൽ മുൻ മുഖ്യമന്ത്രി എൻ. ചന്ദ്രബാബു നായിഡുവിനെ ജുഡീഷ്യൽ കസ്റ്റഡിയിൽ വിട്ട് വിജയവാട എസ്‌സിബി കോടതി ഉത്തരവ് പുറപ്പെടുവിച്ചതിന് തൊട്ടുപിന്നാലെ, സംസ്ഥാനത്തുടനീളം സിആർപിസി സെക്ഷൻ 144 കർശനമാക്കി പോലീസ് ഉത്തരവിറക്കുകയായിരുന്നു. നാലോ അതിലധികമോ ആളുകൾ ഒത്തുകൂടുന്നത് വിലക്കുന്ന സെക്ഷൻ 144 എല്ലാ മണ്ഡലങ്ങളിലും പ്രാബല്യത്തിൽ വരും. പ്രതിപക്ഷമായ തെലുങ്കുദേശം പാർട്ടിയുടെ (ടിഡിപി) പ്രതിഷേധം തടയുന്നതിനാണ് ഈ ഉത്തരവുകൾ നടപ്പാക്കിയതെന്നാണ് വിവരം.

ചാണ്ടി ഉമ്മൻ നിയമസഭയിൽ സത്യപ്രതിജ്ഞ ചെയ്തു ; ഇനി പുതുപ്പള്ളി എംഎൽഎ

September 11, 2023 Arya

തിരുവനന്തപുരം: പുതുപ്പള്ളിയിൽ വൻ വിജയം നേടിയ ചാണ്ടി ഉമ്മൻ നിയമസഭയിൽ എംഎൽഎയായി സത്യപ്രതിജ്ഞ ചെയ്തു. രാവിലെ ചോദ്യോത്തര വേളയ്ക്കു ശേഷം പത്തുമണിക്കാണു ചാണ്ടി ഉമ്മൻ സത്യപ്രതിജ്ഞ ചെയ്തത്. 37,719 വോട്ടുകളുടെ ഭൂരിപക്ഷത്തിൽ വമ്പിച്ച വിജയമായിരുന്നു പുതുപ്പള്ളിയിൽ ചാണ്ടി ഉമ്മൻ നേടിയത്. അമ്മ മറിയാമ്മ, സഹോദരി മറിയം എന്നിവർ സത്യപ്രതിജ്ഞയിൽ പങ്കെടുക്കാൻ ഇന്നലെ വൈകിട്ടു തന്നെ തിരുവനന്തപുരത്ത് എത്തിയിരുന്നു. അവധി അവസാനിക്കുന്നതിനാൽ അച്ചു ഉമ്മൻ വിദേശത്തേക്കു മടങ്ങി.

കാളവണ്ടിയോട്ട മത്സരത്തിനിടെ യുവാവിന് ദാരുണാന്ത്യം

September 11, 2023 Arya

ബെംഗളൂരു : ചിക്കമഗളൂരുവിൽ നടന്ന കാളവണ്ടിയോട്ട മത്സരത്തിനിടെ യുവാവിന് ദാരുണാന്ത്യം. ചിക്കമഗളൂരു അജ്ജാംപുര സ്വദേശി ഭരത് (25) ആണ് മരിച്ചത്. അജ്ജാംപുരയിൽ ശനിയാഴ്ച രാത്രിനടന്ന മത്സരത്തിനിടെയാണ് സംഭവം. മത്സരത്തിൽ പങ്കെടുത്ത കാളവണ്ടിയെ തടഞ്ഞുനിർത്താൻ ശ്രമിച്ച ഭരതിനുമേൽ കാളകളുടെ കഴുത്തിലുണ്ടായിരുന്ന നുകം ഇടിച്ചു. അപകടത്തിൽ ഭരതിന്റെ തലയ്ക്ക് ഗുരുതരമായി പരിക്കേറ്റിരുന്നു. മത്സരത്തിന്റെ ഫൈനലിലെ അവസാന കാളവണ്ടിയോട്ടത്തിനിടെയായിരുന്നു അപകടം.

മെട്രോ നിർമ്മാണത്തിനിടെ ക്രെയിൻ വീടിന് മുകളിലേക്ക് വീണു

September 11, 2023 Arya

ചെന്നൈ : മെട്രോറെയിൽവേ നിർമ്മാണത്തിനിടെ ക്രെയിൻ വീടിന് മുകളിലേക്ക് വീണു. വീട് ഭാഗികമായി തകർന്നു. ആളപായമില്ല. പോരൂർ അഞ്ജുകം നഗരത്തിലാണ് സംഭവം. മെട്രോറെയിൽ നിർമ്മാണത്തിനിടെ 100 ടൺ ഭാഗമുള്ള കൂറ്റൻ ക്രെയിനാണ് വീടിന് മുകളിലേക്ക് വീണത്. വീട്ടുടമ പാർഥിപനും ഭാര്യയും വീടിന്റെ താഴെ നിലയിലാണ് താമസിച്ചിരുന്നത്. മകനും കുടുംബവും ഒന്നാംനിലയിലാണ് താമസിച്ചിരുന്നത്. ഒന്നാം നിലയുടെ സ്ലാബ് തകർന്നിട്ടുണ്ട്. ശബ്ദം കേട്ടയുടനെ ഒന്നാമത്തെ നിലയിൽ താമസിച്ചവർ താഴത്തെ നിലയിലേക്ക് ഓടി രക്ഷപ്പെടുകയായിരുന്നു.

നടൻ പ്രകാശ് രാജിനെതിരെ സംസ്ഥാനത്ത് വ്യാപക പ്രതിഷേധം

September 11, 2023 Arya

ബെംഗളുരു:കലബുര്‍ഗിയില്‍ ഹിന്ദു വിരുദ്ധ പ്രസ്‌താവനകളുടെ പേരില്‍ നടൻ പ്രകാശ് രാജിനെതിരെ പ്രതിഷേധവുമായി ഹിന്ദു അനുകൂല സംഘടനകള്‍ രംഗത്ത്. പ്രകാശ് രാജിന്റെ കല്‍ബുര്‍ഗി സന്ദര്‍ശനത്തിന് മുന്നോടിയായാണ് പ്രതിഷേധം നടന്നത്. കറുത്ത വസ്ത്രം ധരിച്ച പ്രതിഷേധക്കാര്‍ നടനെതിരെ മുദ്രാവാക്യം വിളിക്കുകയും കരിങ്കൊടി ഉയര്‍ത്തുകയും ചെയ്‌തു. നേരത്തെ, ഒരു ഹിന്ദു സംഘടനയിലെ അംഗങ്ങള്‍ കല്‍ബുര്‍ഗി ഡിഎം/ഡിസിക്ക് (ജില്ലാ മജിസ്‌ട്രേറ്റ്/ ഡെപ്യൂട്ടി കമ്മീഷണര്‍) നടന്റെ പ്രവര്‍ത്തികള്‍ ചൂണ്ടിക്കാട്ടി ഒരു നിവേദനം സമര്‍പ്പിച്ചിരുന്നു. പ്രകാശ് രാജ് നഗരത്തിലേക്ക് പ്രവേശിക്കുന്നത് തടയണമെന്നും അവര്‍ ആവശ്യപ്പെട്ടു. ഒരു ചടങ്ങില്‍ പങ്കെടുക്കാൻ പ്രകാശ് രാജ് കലബുര്‍ഗി…

നാളെ മുതൽ ട്രെയിനുകൾ വഴി തിരിച്ച് വിടും

September 11, 2023 Arya

ബെംഗളുരു: ജോലാർപേട്ട-സോമനായകനപട്ടി സ്റ്റേഷനുകൾക്കിടയിൽ വൈദ്യുതീകരണ പ്രവർത്തികൾ നടക്കുന്നതിനാൽ നാളെ മുതൽ 24 വരെ ബെംഗളുരുവിൽ നിന്ന് കേരളത്തിലേക്ക് ഉൾപ്പെടെയുള്ള ട്രെയിനുകൾ വഴി തിരിച്ച് വിടുകയും റദ്ദാക്കുകയും ചെയ്യുമെന്ന് റെയിൽവേ അറിയിച്ചു. വഴി തിരിച്ച് വിടുന്ന ട്രെയിനുകൾ *ബയ്യപ്പനാഹള്ളി എസ്എംവിടി-എറണാകുളം എക്സ്പ്രസ്സ്‌ നാളെ ബയ്യപ്പനഹള്ളി, ഹൊസൂർ, ധർമപുരി, ഓമല്ലൂർ, സേലം വഴിയായിരിക്കും സർവീസ്. കെആർ പുരം, ബംഗാർപേട്ട് സ്റ്റേഷനുകളിൽ നിർത്തില്ല. *കെഎസ്ആർ ബെംഗളുരു-കന്യാകുമാരി എക്സ്പ്രസ്സ്‌ നാളെ 14,21,24 തിയ്യതികളിൽ കന്റോൺമെന്റ്,ബയ്യപ്പനഹള്ളി,ഹൊസൂർ,ധർമപുരി,സേലം വഴിയായിരിക്കും സർവീസ്. *കൊച്ചുവേളി-ഹുബ്ബള്ളി എക്സ്പ്രസ്സ്‌ 14,20 തിയ്യതികളിൽ സേലം, ഓമല്ലൂർ,ഹൊസൂർ, കാർമലാരാം, ബയ്യപ്പനഹള്ളി,ബാനസവാടിയായിരിക്കും സർവീസ്.

ശക്തി പദ്ധതിക്കെതിരെ ഇന്ന് നഗരത്തിൽ വാഹന ബന്ദ്

September 11, 2023 Arya

ബെംഗളുരു: ബസുകളിൽ സ്ത്രീകൾക്ക് സൗജന്യ യാത്ര അനുവദിച്ചതിൽ പ്രതിഷേധിച്ച് സ്വകാര്യ ട്രാൻസ്‌പോർട് യൂണിയനുകൾ ഇന്ന് നഗരത്തിൽ സംഘടിപ്പിക്കുന്ന ബന്ദ് ജനജീവിതത്തെ ബാധിച്ചേക്കും. 32 യൂണിയനുകളുടെ കൂട്ടായ്മയായ ഫെഡറേഷൻ ഓഫ് കർണാടക സ്റ്റേറ്റ് പ്രൈവറ്റ് ട്രാൻസ്‌പോർട് അസോസിയേഷൻ ആണ് ബന്ദിന് ആഹ്വാനം ചെയ്തിരുന്നത്. ഇന്ന് അർധരാത്രി വരെയാണ് ബന്ദ്. സ്വകാര്യ ബസ്, ഓട്ടോ, ടാക്സി ഉൾപ്പെടെ 7-10 ലക്ഷം വാഹനങ്ങൾ ഇന്ന് നിരത്തിൽ നിന്നും വിട്ട് നിൽക്കും. പകരം സംവിധാനമായി ബിഎംടിസി 500 അധിക ബസ് സർവീസുകൾ നടത്തുമെന്ന് ഗതാഗത മന്ത്രി അറിയിച്ചു. സ്കൂൾ ബസുകളും…

വില കുറഞ്ഞതോടെ തക്കാളി വിട്ട് മാതളത്തിൽ പിടിച്ച് മോഷ്ടാക്കൾ

September 11, 2023 Arya

ബംഗളൂരു: ഇതുവരെ തക്കാളിയിൽ നോട്ടമിട്ടിരുന്ന മോഷ്ടാക്കളുടെ കണ്ണ് ഇപ്പോൾ വീണിരിക്കുന്നത് മാതളത്തിൽ ആണ്. തക്കാളി വില കൂടിയ സമയം സംസ്ഥാനത്ത് നിരവധി തക്കാളി മോഷണം നടന്നിട്ടുണ്ട്. ഇപ്പോഴിതാ തക്കാളി വില ഇടിഞ്ഞതോടെ മോഷ്ടാക്കൾ മാതളനാരങ്ങയുടെ പുറകെയായി. രാത്രികാലങ്ങളിൽ മാതളത്തോട്ടങ്ങൾ തകർത്ത് മാതളപ്പഴം മോഷ്ടിക്കുകയാണ്. ഇതിൽ മടുത്ത കർഷകർ സിസി ക്യാമറകൾ വേണമെന്ന് ആവശ്യപ്പെട്ടിട്ടുണ്ട്.

തീപിടിത്തത്തിൽ റിസോർട്ട് കത്തിനശിച്ചു

September 10, 2023September 10, 2023 News Team

ബെംഗളൂരു: കോപ്പാൽ ജില്ലയിലെ ഗംഗാവതി താലൂക്കിലെ ഹനുമാനഹള്ളിയിൽ ഉണ്ടായ തീപിടിത്തത്തിൽ റിസോർട്ട് കത്തിനശിച്ചു.. ഹനുമാനഹള്ളി ഗ്രാമത്തിലെ ഋഷിമുക് പർവ്വത റോഡിലെ വാണ്ടർലസ്റ്റ് റിസോർട്ടിലാണ് തീപിടുത്തമുണ്ടായത്. റിസോർട്ടിലെ 10 മുറികളിൽ 8 മുറികൾ പൂർണമായും കത്തി നശിച്ചു. തീപിടിത്തത്തിൽ റിസോർട്ട് മുഴുവൻ കത്തി നശിച്ചു, വൻ നാശനഷ്ടമുണ്ടായി. എങ്ങനെയാണ് തീപിടിത്തമുണ്ടായത് എന്നതിനെക്കുറിച്ച് കൃത്യമായ വിവരങ്ങൾ ലഭ്യമല്ല. ഫയർഫോഴ്‌സ് സ്ഥലത്തെത്തി തീ അണച്ചു. സംഭവസമയം ഷോർട്ട് ഫിലിം നിർമ്മാണ സംഘം റിസോർട്ടിൽ ക്യാമ്പ് ചെയ്തിരുന്നതായാണ് റിപ്പോർട്ടുകൾ. ഹംപി വികസന അതോറിറ്റിയുടെ കർശനമായ നടപടികൾ മൂലം അനേഗൊണ്ടിയിൽ വിരലിലെണ്ണാവുന്ന…