Day: 25 April 2023

ബെംഗളൂരു: നഗരത്തിലെ നീന്തൽ കുളത്തിൽ മലയാളി ബാലനെ മുങ്ങിമരിച്ച നിലയില്‍ കണ്ടെത്തി.നാഗസാന്ദ്രയിൽ ഇന്ന്ഉ ഉച്ചയ്ക്ക് ഒന്നരയോടെയാണ് സംഭവം ഉണ്ടായത്.  മലപ്പുറം ചമ്രവട്ടം സ്വദേശി സി.കെ രഞ്ജിത്തിന്റെ മകന്‍ റിഷി രഞ്ജിത്ത് (12) ആണ് മരിച്ചത്. നീന്തല്‍കേന്ദ്രത്തിലെ ജീവനക്കാരാണ് കുട്ടി കുളത്തില്‍ അബോധാവസ്ഥയില്‍ കിടക്കുന്ന വിവരം വീട്ടുകാരെ അറിയിച്ചത്. ഉടന്‍ ആശുപത്രിയിലെത്തിച്ചെങ്കിലും ജീവൻരക്ഷിക്കാൻ ആയില്ല. മൃതദേഹം ജാലഹള്ളിയിലെ സ്വകാര്യ ആശുപത്രിയിലേക്ക് മാറ്റി. നെലഗദരണഹള്ളി ഗൃഹലക്ഷ്മി ലേഔട്ടിലാണ് രഞ്ജിത്തും കുടുംബവും താമസിക്കുന്നത്. മാതാവ്: ശ്രീജ. സഹോദരി: ഹിമ (വിദ്യാര്‍ഥിനി).

തിരുവനന്തപുരം: കേരളത്തിലെ വന്ദേഭാരത് ബെംഗളൂരുവിലേക്കു നീട്ടുന്ന കാര്യം പരിഗണനയിലാണെന്ന് കേന്ദ്ര റെയില്‍വെ മന്ത്രി അശ്വനി വൈഷ്ണവ്. സ്ലീപ്പര്‍ ട്രെയിനുകള്‍ ഓടിക്കാനാകുന്ന റൂട്ടാണത്. വന്ദേ മെട്രോ വരുമ്പോൾ തിരുവനന്തപുരം – കൊച്ചി റൂട്ടിന് മുന്തിയ പരിഗണന നല്‍കുമെന്നും മന്ത്രി പറഞ്ഞു. നേമം റെയിൽവെ സ്റ്റേഷനിൽ മാധ്യമ പ്രവർത്തകരുമായി സംസാരിക്കുകയായിരുന്നു റെയിൽവേ മന്ത്രി