accident – Page 29 – BengaluruVartha

അപകടത്തിൽ പരുക്കേറ്റ മലയാളി മരിച്ചു

October 4, 2022 News Team

ബെംഗളൂരു: ബൈക്ക് അപകടത്തിൽ പരുക്കേറ്റ പാലക്കാട് സ്വദേശി മരിച്ചു. യെലഹങ്ക റെയിൽ വീൽ ഫാക്ടറി ജീവനക്കാരൻ തന്നിസന്ദ്രയിൽ താമസിക്കുന്ന എത്തന്നൂർ കുന്നക്കാട്ട് സുരേഷ്കുമാർ (54) ആണ് മരിച്ചത്. ബൈക്കിൽ മധുരയിലേക്കു പോകുമ്പോൾ ശനിയാഴ്ച രാത്രി ദിണ്ഡിഗലിനു സമീപത്തായിരുന്നു അപകടം. സംസ്കാരം ഇന്ന് 12നു ഹെബ്ബാൾ വൈദ്യുതി ശ്മശാനത്തിൽ. ഭാര്യ: പാലക്കാട് മാത്തൂർ കുത്തേടത്തു കാർത്തിക. മകൾ:ശിവാനി.

26കാരൻ അപകടത്തിൽ മരിച്ചു; അവയവങ്ങൾ ദാനം ചെയ്ത് കുടുംബാംഗങ്ങൾ

September 29, 2022 News Team

ബെംഗളൂരു: സെപ്തംബർ 25ന് രാത്രി കെങ്കേരിക്ക് സമീപം നൈസ് റോഡിൽ പാർക്ക് ചെയ്തിരുന്ന ട്രക്കിൽ കാർ ഇടിച്ചുണ്ടായ അപകടത്തിൽ സ്വകാര്യ കമ്പനി ജീവനക്കാരനായ 26കാരൻ മരിച്ചു. നെലമംഗലയിലെ ഗംഗോണ്ടനഹള്ളി സ്വദേശി എസ് ദീപക്കാണ് മരിച്ചത്. ട്രക്ക് സാങ്കേതികമായ തടസ്സം ഉണ്ടാക്കിയതായും റോഡിന്റെ ഇടതുവശത്ത് പാർക്ക് ചെയ്തിരുന്നതായും പോലീസ് പറഞ്ഞു. ദീപക് മറ്റൊരു കാറിനെ മറികടക്കാൻ ശ്രമിക്കുന്നതിനിടെ ട്രക്കിൽ ഇടിക്കുകയായിരുന്നു. തിങ്കളാഴ്ച രാത്രി ആർആർ നഗറിലെ സ്പർശ് ആശുപത്രിയിലായിരുന്നു അന്ത്യം. അടുത്ത ദിവസം കുടുംബം അവന്റെ അവയവങ്ങൾ ദാനം ചെയ്തു. കരൾ 60 വയസ്സുള്ള ഒരാൾക്കും…

ട്രെയിനിൽ നിന്ന് വീണ് മംഗളൂരു സ്വദേശി മരിച്ചു

September 29, 2022 Arya

ബെംഗളൂരു: എറണാകുളത്ത് നിന്ന് മടങ്ങുകയായിരുന്ന ബെംഗളൂരു സ്വദേശിയായ യുവാവ് ആലുവയിൽ ട്രെയിനിൽ നിന്ന് വീണ് മരിച്ചു. മംഗളൂരു വിടലക്കടുത്ത കടമ്പു പിലിവലച്ചിൽ അഷ്റഫ് ഉസ്മാന്റെ മകൻ മുഹമ്മദ് അനസ് (19) ആണ് അപകടത്തിൽപ്പെട്ടത്. എയർകണ്ടീഷൻ മെക്കാനിക്കായ അനസ്, ജോലിയുമായി ബന്ധപ്പെട്ട ആവശ്യത്തിനാണ് എറണാകുളത്ത് എത്തിയത്. ഇന്നലെ രാത്രിയാണ് അപകടം. സംഭവസ്ഥലത്ത് തന്നെ മരണം സംഭവിച്ചതായി ബന്ധുക്കൾ പറഞ്ഞു.

മംഗളുരു ദേശീയ പാതയിൽ ആംബുലൻസ് സ്കൂട്ടറിൽ ഇടിച്ച് 2 മരണം

September 25, 2022 Arya

തിരുവനന്തപുരം: തിരുവനന്തപുരം മംഗ്ളൂരു ദേശീയപാതയില്‍ രോഗിയുമായി പോവുകയായിരുന്ന ആംബുലന്‍സ് ഇടിച്ച്‌ സ്കൂട്ടര്‍ യാത്രികര്‍ മരിച്ചു. ആറ്റിങ്ങല്‍ ഊരൂപൊയ്ക അഖില ഭവനില്‍ അനില്‍കുമാര്‍ ശാസ്തവട്ടം ചോതിയില്‍ രമ എന്നിവരാണ് മരിച്ചത്. മംഗലപുരത്ത് ദേശീയ പാതയില്‍ തോന്നയ്ക്കല്‍ എ ജെ കോളേജിന് സമീപത്ത് വെച്ചാണ് ആംബുലന്‍സ് ഇടിച്ച്‌ അപകടമുണ്ടായത്. ഇന്നലെ രാത്രി പത്തിന് വര്‍ക്കലയില്‍ നിന്ന് രോഗിയുമായി പോവുകയായിരുന്ന ആംബുലന്‍സാണ് സ്കൂട്ടറിലിടിച്ചത്.

അപകടത്തിൽ പരിക്കേറ്റ മലയാളി വിദ്യാർത്ഥി മരിച്ചു

September 21, 2022 Arya

ബെംഗളൂരു: ബൈക്ക് അപകടത്തിൽ പരിക്കേറ്റ മലയാളി വിദ്യാർത്ഥി മരിച്ചു. എറണാകുളം കടവന്ത്ര സ്വദേശി അൻവർ അസീസ് സേട്ടിന്റെ മകൻ അർഷ് അൻവർ ആണ് മരിച്ചത്. സെന്റ് ജോസഫ് ലോ കോളേജ് ഒന്നാം വർഷ വിദ്യാർത്ഥിയാണ് അൻവർ. കഴിഞ്ഞ ദിവസം രാത്രി ഹൊസൂർ റോഡിൽ ഡയറി സർക്കിളിന് സമീപം നടന്ന ബൈക്ക് അപകടത്തിൽ അൻവറിന് പരിക്കേറ്റു. റോഡിലേക്ക് തെറിച്ചു വീണ അൻവറിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ ആയില്ല.

ബൈക്ക് അപകടത്തിൽ യുവാവ് മരിച്ചു, സഹയാത്രികൻ ആശുപത്രിയിൽ

September 19, 2022 Arya

ബെംഗളൂരു: ദേശീയ പാതയിൽ ജെപ്പിനമൊഗറു മഹാകാളിപ്പടവ് ക്രോസിൽ ഇന്ന് പുലർച്ചെയുണ്ടായ വാഹനാപകടത്തിൽ ബൈക്ക് യാത്രക്കാരനായ യുവാവ് മരിച്ചു. ഉള്ളാളിലെ മദ്യശാല മാനജർ പ്രതാപ് ഷെട്ടിയാണ് (32) മരിച്ചത്. ബൈക്കിനു പിന്നിൽ സഞ്ചരിച്ച സഹപ്രവർത്തകൻ അഭിഷെട്ടിയെ (22) ഗുരുതരമായ പരുക്കുകളോടെ മംഗളൂരുവിലെ ആശുപത്രിയിൽ പ്രവേശിപ്പിച്ചു. ഇരുവരും ചിക്കമംഗളൂരു സ്വദേശികളാണ്. ഇരുവരും ജോലി കഴിഞ്ഞ് ഫരങ്കിപ്പേട്ടയിലേക്ക് മടങ്ങുന്നതിനിടെ ബൈക്ക് നിയന്ത്രണം വിട്ടാണ് അപകടം സംഭവിച്ചത്. പ്രതാപ് സംഭവസ്ഥലത്ത് തന്നെ മരിച്ചു.

മീൻ ലോറി ബൈക്കിലിടിച്ച് യുവാവ് മരിച്ചു

September 17, 2022 Arya

ബെംഗളൂരു: മീൻ ലോറിയും ബൈക്കും കൂട്ടിയിടിച്ച് കാസർകോട് സ്വദേശി മരിച്ചു. മാന്യയിലെ ദിവാകര- ചന്ദ്രാവതി ദമ്പതികളുടെ മകനും സോളാർ ഏജൻസിയിലെ ജീവനക്കാരനുമായ നിതിൻ (24) ആണ് മരിച്ചത്. ഇന്നലെ ഉച്ചയ്ക്ക് മൂന്ന് മണിക്കാണ് അപകടം നടന്നത്. മംഗളൂരുവിൽ നിന്ന് ബൈക്കിൽ വീട്ടിലേക്ക് മടങ്ങുമ്പോഴായിരുന്നു അപകടം. റോഡിൽ സ്ഥാപിച്ചിരുന്ന ബാരികേഡ് മറികടക്കാൻ യുവാവ് ശ്രമിക്കുന്നതിനിടെ മാൽപെയിൽ നിന്ന് കാസർകോട് ഭാഗത്തേക്ക് വരികയായിരുന്ന മീൻ ലോറി ബൈക്കിൽ ഇടിക്കുകയായിരുന്നുവെന്നാണ് വിവരം. ഇടിയുടെ ആഘാതത്തിൽ റോഡിലേക്ക് തെറിച്ച്‌ വീണ് തലക്ക് ഗുരുതരമായി പരിക്കേറ്റ നിതിൻ സംഭവ സ്ഥലത്ത് തന്നെ…

ബൈക്കപകടത്തിൽ മലയാളി വിദ്യാർത്ഥി മരിച്ചു

September 17, 2022September 17, 2022 News Team

ബെംഗളൂരു: നഗരത്തിൽ വെച്ചുണ്ടായ ബൈക്ക് അപകടത്തിൽ പരിക്കേറ്റ്‌ ചികിത്സയിലായിരുന്ന ആരക്കുഴ കുന്നുംപിള്ളിൽ ജോൺ ജോസഫിന്റെ മകൻ അമൽ ജോൺ (23) ആണ് മരിച്ചത്. ബെംഗളൂരു രാമാനഗര ഗൗസിയ എഞ്ചിനീയറിംഗ് കോളജിലെ ബിടെക്ക് വിദ്യാർത്ഥിയായിരുന്നു അമൽ. ബെംഗളൂരു സ്വദേശിയായ സുഹൃത്തിനൊപ്പം സഞ്ചരിക്കുമ്പോഴായിരുന്നു അപകടം. ബെംഗളൂരു നിംഹാൻസ് ആശുപത്രിയിൽ അതിതീവ്രപരിചരണ വിഭാഗത്തിൽ ചികിത്സയിലായിരുന്നന്ന അമൽ വ്യാഴാഴ്ച രാത്രി മരിച്ചു. സംസ്ക്കാരം ഇന്ന് രണ്ടരയ്ക്ക് ആരക്കുഴ സൈന്റ്റ് മേരീസ് മേജർ ആർക്കി എപ്പിസ്‌കോപ്പൽ തീർത്ഥാടന പള്ളിയിൽ. അമ്മ: …

കാറിടിച്ച് മലയാളിയുൾപ്പെടെ 2 പേർ മരിച്ചു

September 16, 2022 Arya

ചെന്നൈ: ജോലികഴിഞ്ഞ് ഓഫീസിൽ നിന്ന് വീട്ടിലേക്ക് നടന്നുപോകുന്നതിനിടെ കാറിടിച്ച് മലയാളിയടക്കം ഐടി ജീവനക്കാരായ രണ്ടു യുവതികൾ മരിച്ചു. പാലക്കാട് അകത്തേത്തറ ധോണി പാതിരിനഗർ ‘സുരഭില’യിൽ രവിമണിയുടെ മകൾ ശ്രീലക്ഷ്മി, തിരുപ്പതി സ്വദേശിനി എസ്. ലാവണ്യ എന്നിവരാണ് മരിച്ചത്. ചെന്നൈ ഓൾഡ് മഹാബലിപുരം റോഡിൽ(ഒഎംആർ) ആണ് അപകടം നടന്നത്. നടന്നുപോകുന്ന ഇവരെ അതിവേഗത്തിലെത്തിയ കാർ ഇടിക്കുകയായിരുന്നു. കാറോടിച്ചിരുന്ന മോഡിഷ് കുമാറിനെ പോലീസ് അറസ്റ്റ് ചെയ്തു. ഇയാൾ മദ്യലഹരിയിലായിരുന്നുവെന്ന് പരിശോധനയിൽ തെളിഞ്ഞതായി പോലീസ് പറഞ്ഞു. സംഭവസ്ഥലത്തുതന്നെ ശ്രീലക്ഷ്മി മരിച്ചു. ആശുപത്രിയിൽ പ്രവേശിപ്പിച്ചതിനുശേഷമാണ് ലാവണ്യ മരിച്ചത്. രണ്ടുപേരും എച്ച്.സി.എൽ.…

കാൽനട യാത്രക്കാരൻ ലോറിയിടിച്ച് മരിച്ചു

September 4, 2022 Arya

ബെംഗളൂരു: മംഗളൂരുവിൽ കാൽനടയാത്രക്കാരൻ ലോറിയിടിച്ച് മരിച്ചു. കല്ലപ്പു മാർക്കറ്റിൽ ജോലി ചെയ്യുന്ന ബംഗേര സ്വദേശി കെ. നിയാസ് ആണ് അപകടത്തിൽപെട്ട് മരിച്ചത്. ഇന്നലെ നഗരത്തിൽ കല്ലപ്പുവിൽ പാതയോരത്തൂടെ നടക്കുന്നതിനിടെയാണ് അപകടം. മംഗളൂരു സൗത്ത് ട്രാഫിക് പോലീസ് കേസെടുത്ത് അന്വേഷണം ആരംഭിച്ചു.