ബെംഗളൂരു : ബല്ലാരി നഗരത്തിലെ റേഡിയോ പാർക്കിന് സമീപമുള്ള ഐടിഐ കോളേജ് പരിസരത്ത് പ്രായപൂർത്തിയാകാത്ത പെൺകുട്ടിയുടെ ഫോട്ടോ തന്റെ വാട്ട്സ്ആപ്പ് സ്റ്റാറ്റസിൽ പോസ്റ്റ് ചെയ്തതിന് ഒരു യുവാവിനെ ആക്രമിച്ചു .
ദൊഡ്ഡബസവ (19) ആണ് ആക്രമണത്തിന് ഇരയായ യുവാവ്. ദൊഡ്ഡബസവ തന്റെ വാട്ട്സ്ആപ്പ് സ്റ്റാറ്റസിൽ പ്രായപൂർത്തിയാകാത്ത പെൺകുട്ടിയുടെ ഫോട്ടോ പോസ്റ്റ് ചെയ്തിരുന്നു. തുടർന്ന്, പെൺകുട്ടിയുടെ മൂത്ത സഹോദരൻ ദൊഡ്ഡബസവയെ ചോദ്യം ചെയ്തു. ഈ വിഷയത്തിൽ ഇരുവരും തമ്മിൽ വാക്കുതർക്കമുണ്ടായി.
ഈ ദേഷ്യം മനസ്സിൽ സൂക്ഷിച്ചിരുന്ന പെൺകുട്ടിയുടെ സഹോദരൻ ജൂലൈ 27 ന് ഐടിഐ കോളേജ് കാമ്പസിൽ വെച്ച് സുഹൃത്തുക്കളെ കൊണ്ടുവന്ന് ദൊഡ്ഡബസവയെ മർദിക്കുകയായിരുന്നു. പെൺകുട്ടിയുടെ സഹോദരൻ ദൊഡ്ഡബസവയെ മർദ്ദിക്കുന്നതിന്റെ വീഡിയോ പകർത്തി.
താടിയെല്ല്, പുറം, നെഞ്ച്, വാരിയെല്ലുകൾ, അരക്കെട്ട് എന്നിവിടങ്ങളിൽ ഗുരുതരമായി പരിക്കേറ്റു. കൂടാതെ ക്രിക്കറ്റ് ബാറ്റും ബെൽറ്റും ഉപയോഗിച്ച് അടിക്കുകയും ചെയ്തു. ആക്രമണത്തിന്റെ വീഡിയോ സോഷ്യൽ മീഡിയയിൽ വൈറലായിട്ടുണ്ട്.
ആക്രമണത്തിൽ ഉൾപ്പെട്ട പ്രതികളായ ശശികുമാർ, സായികുമാർ എന്നിവരുൾപ്പെടെ 10 പേർക്കെതിരെ കൗള ബസാർ പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്.
പ്രതിയെ പോലീസ് അറസ്റ്റ് ചെയ്തിട്ടുണ്ട്. ആക്രമണം നടത്തിയ എല്ലാ പ്രതികളും കോളേജ് വിദ്യാർത്ഥികളാണെന്നാണ് വിവരം. ആക്രമിക്കപ്പെട്ട ദൊഡ്ഡബസവയും ഒരു വിദ്യാർത്ഥിയാണ്. ദൊഡ്ഡബസവ ആശുപത്രിയിൽ ചികിത്സയിയ്ക്ക് ശേഷം വീട്ടിലേക്ക് മടങ്ങി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
