ബെംഗളൂരു: ബെംഗളൂരുവിലെ ആശുപത്രിയിലേക്ക് ആംബുലൻസിൽ പോവുകയായിരുന്ന 40 കാരനായ ക്യാൻസർ രോഗി ആംബുലൻസ് ചരക്ക് വാഹനത്തിൽ ഇടിച്ച് മരിച്ചു.
നെലമംഗലയ്ക്ക് സമീപം ദേശീയ പാത നാലിൽ ബൊമ്മനഹള്ളി ഗ്രാമത്തിന് സമീപം ചൊവ്വാഴ്ച രാവിലെയാണ് അപകടം.
ചിത്രദുർഗ സ്വദേശി വിജയ് കുമാറാണ് മരിച്ചത്. അപകടസമയത്ത് ആംബുലൻസിന്റെ ബ്രേക്കുകൾ പ്രവർത്തിച്ചിരുന്നില്ലെന്നാണ് പ്രാഥമികാന്വേഷണത്തിൽ പറയുന്നത്.
കാൻസർ ചികിത്സയ്ക്കായി ചിത്രദുർഗയിൽ നിന്ന് ബെംഗളൂരുവിലെ ആശുപത്രിയിലേക്ക് പോകുകയായിരുന്നു വിജയ് കുമാർ അപകടസമയത്ത്.
അപകടത്തെ തുടർന്ന് ചരക്ക് വാഹനത്തിന്റെ ഡ്രൈവർ സംഭവസ്ഥലത്ത് നിന്ന് ഓടി രക്ഷപ്പെട്ടു.
നെലമംഗല ട്രാഫിക് പോലീസ് സ്റ്റേഷനിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
