ബെംഗളൂരു: റോഡരികിൽ നിർത്തിയിട്ടിരുന്ന ലോറിയിലേക്ക് ക്രൂയിസർ ഇടിച്ച് അഞ്ച് പേർ മരിക്കുകയും 13 പേർക്ക് പരിക്കേൽക്കുകയും ചെയ്തു. സൈദാപൂർ പോലീസ് സ്റ്റേഷൻ പരിധിയിൽ ദേശീയ പാത 150 എയിലെ ബലിചക്ര ക്രോസിലാണ് റോഡ് അപകടമുണ്ടായത്.
ആന്ധ്രാപ്രദേശിലെ വെലുഗോഡു ഗ്രാമത്തിൽ നിന്നുള്ള ഒരു കുടുംബത്തിലെ 18 പേരുമായി വന്ന ക്രൂയിസർ റോഡരികിൽ നിർത്തിയിട്ടിരുന്ന ലോറിയിൽ ഇടിച്ചാണ് അപകടമുണ്ടായത്. കലബുറഗിയിൽ നടക്കുന്ന ഖാസാ ബന്ദേനവാസിന്റെ വാർഷിക ഉറൂസിൽ പങ്കെടുക്കാൻ യാത്ര ചെയ്തവരാണ് ക്രൂയിസർ യാത്രക്കാർ. വിവരമറിഞ്ഞ് യോദ്ഗിർ ഡിഎസ്പിയും സൈദാപൂർ പോലീസും സ്ഥലത്തെത്തി.
നയംത് ഉള്ള മഖ്ബുൽ (40), മുദ്ദസിർ മുനീർ, റമീജ മുഹമ്മദ് ഖാസിം (50), സുമ്മി മഷും ബാഷ (12), ആയിഷ മഷും ബാഷ (4), അനസ് മഷും ബാഷ, സുഹാന മഷും ബാഷ (8), റമീജ മുനീർ ഷെയ്ക്ക് (32), മസി ഉള്ള നെഹമത്ത് ഉള്ള (14), സീമ ന്യാമത്ത് ഉള്ള, റിയാസ് ഉൻബീ സക്കീർ ഹുസൈൻ (35), എന്നിവർക്കാണ് പരിക്കേറ്റത്. മുജ്ജു മുനീർ (12), നസീമ ന്യാമത്ത് ഉള്ള (36), മഷും ബാഷ ഖാഷിം സാബ് (40), മുജാക്കീർ സക്കീർ (20), ഹനീഫ മഷും ബാഷ (30), സോഹെൽ ഖലീൽ (15 ) എന്നിവരാണ് മരിച്ചത്. എല്ലാ മൃതദേഹങ്ങളും സൈദാപൂർ സർക്കാർ ആശുപത്രി മോർച്ചറിയിലേക്ക് മാറ്റിയതായി പോലീസ് അറിയിച്ചു. .പരിക്കേറ്റ എല്ലാവരെയും യാദ്ഗിറിലെ സർക്കാർ ആശുപത്രിയിൽ പ്രവേശിപ്പിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
