കര്ണാടക മുഖ്യമന്ത്രിയായി സിദ്ധരാമയ്യയും ഉപമുഖ്യമന്ത്രിയായി ഡി.കെ.ശിവകുമാറും ഇന്ന് സത്യപ്രതിജ്ഞ ചെയ്യും. 25 മന്ത്രിമാരും ചുമതലയേല്ക്കും. ഉച്ചയക്ക് 12.30നാണ് സത്യപ്രതിജ്ഞ ചടങ്ങ്.ശ്രീകണ്ഠീരവ സ്റ്റേഡിയത്തിലെ നടക്കുന്ന ചടങ്ങില് ഗവര്ണര് തന്വീര് ചന്ദ് ഗലോട്ട് കര്ണാടകയുടെ 24ാമത്തെ മുഖ്യമന്ത്രിയായി സിദ്ധരാമയ്യയ്ക്ക് സത്യവാചകം ചൊല്ലിക്കൊടുക്കും. സത്യപ്രതിജ്ഞ ചടങ്ങ് പ്രതിപക്ഷ പാര്ട്ടികളുടെ സംഗമവേദിയാക്കാനാണ് കോണ്ഗ്രസ് ശ്രമം
80 പേരുടെ ജംബോ പട്ടികയില് നിന്നാണ് 25 മന്ത്രിമാരെ തിരഞ്ഞെടുത്തത്.മുന് മന്ത്രിമാരായ കോട്ടയം ചിങ്ങവനം സ്വദേശിയുമായ ജെ.ജെ.ജോര്ജ്ജ്, കാസര്കോട് സ്വദേശികളായ യു.ടി. ഖാദര്, എന്.എ. ഹാരിസ് എന്നിവരും 80 അംഗ പട്ടികയിലുണ്ടെന്നാണ് സൂചന. ശ്രീകണ്ഠീരവ സ്റ്റേഡിയത്തിലെ വേദിയില് നടക്കുന്ന ചടങ്ങില് ഗവര്ണര് തന്വീര് ചന്ദ് ഗലോട്ട് കര്ണാടകയുടെ 24ാമത്തെ മുഖ്യമന്ത്രിയായി സിദ്ധരാമയ്യയ്ക്ക് സത്യവാചകം ചൊല്ലിക്കൊടുക്കും. സോണിയാഗാന്ധി, രാഹുല് ഗാന്ധി പ്രിയങ്കാഗാന്ധി തുടങ്ങി കോണ്ഗ്രസിന്റെ ഏതാണ്ട് മുഴുവന് നേതാക്കന്മാരും ബെംഗളുരുവിലെത്തും. ബി.ജെ.പി ഇതര മുഖ്യമന്ത്രിമാരെയും ചടങ്ങിലേക്കു ക്ഷണിച്ചിട്ടുണ്ട്. കനത്ത സുരക്ഷയാണു സത്യപ്രതിജ്ഞയോട് അനുബന്ധിച്ചു ബെംഗളുരുവില് ഏര്പ്പെടുത്തിയിരിക്കുന്നത്. അതെ സമയം മന്ത്രിസഭയുടെ സത്യപ്രതിജ്ഞാ ചടങ്ങിലേക്ക് കേരള മുഖ്യമന്ത്രി പിണറായി വിജയനെ ക്ഷണിക്കാത്തതില് കോണ്ഗ്രസിനെ രൂക്ഷമായി വിമര്ശിച്ച് സിപിഎം രംഗത്തെത്തി. സങ്കുചിതമായ നിലപാടെന്ന് പ്രകാശ് കാരാട്ടും അപക്വമായ തീരുമാനമെന്ന് എല്ഡിഎഫ് കണ്വീനറും കുറ്റപ്പെടുത്തി. സിപിഎം ജനറല് സെക്രട്ടറിക്ക് ക്ഷണമുണ്ടല്ലോ എന്നായിരുന്നു പ്രതിപക്ഷ നേതാവ് വിഡി സതീശന്റെ പ്രതികരണം.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
