Tag: DOCTORS

ബെംഗളൂരു : സർക്കാർഡോക്ടർമാർക്ക് ഇനി മൊബൈലിൽ ഹാജർ രേഖപ്പെടുത്താം. ഇവർ ഹാജർ രേഖപ്പെടുത്തുന്ന സ്ഥലത്തിന്റെ ലൊക്കേഷൻ ഉൾപ്പെടെ ഹാജറിൽ അറിയാം. ആരോഗ്യവകുപ്പ് ഏർപ്പെടുത്തുന്ന ‘മൊബൈൽ ബെയ്‌സ്ഡ് ജിയോഫെൻസ്ഡ് റിയൽ ടൈം’ ഹാജർ സമ്പ്രദായം ഓഗസ്റ്റ് ഒന്നിന് നിലവിൽവരും. ആശുപത്രികളിൽപ്പോകാതെ സ്വന്തംകാര്യം നിർവഹിക്കുന്ന ഡോക്ടർമാരെ കുടുക്കാൻകൂടിയാണ് പുതിയ ഹാജർസമ്പ്രദായം കൊണ്ടുവരുന്നത്. ആരോഗ്യപ്രവർത്തകർക്കും ആരോഗ്യവകുപ്പിലെ ഉദ്യോഗസ്ഥർക്കും പുതിയ ഹാജർസമ്പ്രദായം ബാധകമായിരിക്കും. ആശുപത്രികളിൽ രോഗികളെനോക്കാൻ ഡോക്ടർമാർ എത്തുന്നില്ലെന്ന പരാതി വ്യാപകമായതിനെത്തുടർന്നാണ് ലൊക്കേഷൻ തിരിച്ചറിയാൻകഴിയുന്ന ഹാജർസമ്പ്രദായം നടപ്പാക്കുന്നതെന്ന് ആരോഗ്യമന്ത്രി ദിനേശ് ഗുണ്ടുറാവു പറഞ്ഞു.