News Team

കോവിഡ് ബാധിച്ച് മരിച്ചവർക്ക് മന്ത്രിയുടെ നേതൃത്വത്തിൽ പൊതുതർപ്പണം നടത്തി കർണ്ണാടക സർക്കാർ

October 5, 2021October 5, 2021 News Team

മണ്ഡ്യ; കോവിഡ് വന്നു മരണപ്പെട്ട 950 പേർക്ക് കാവേരി നദിയിലെ ഗോസായി ഘട്ടിൽ തർപ്പണം നടത്തി കർണ്ണാടക സർക്കാർ. ബെംഗളുരുവിലെ ശ്മശാനങ്ങളിൽ ഇവരുടെ മൃതദേഹങ്ങൾ സംസ്കരിച്ചപ്പോൾ ചിതാഭസ്മം ഏറ്റുവാങ്ങാനാരും എത്താതിരുന്നപ്പോൾ ജൂൺ 2ന് റവന്യൂ മന്ത്രി ആർ അശോകയുടെ നേതൃത്വത്തിൽ കാവേരി നദിയിൽ നിമഞ്ജനം ചെയ്തിരുന്നു. കഴിഞ്ഞ ദിവസം അശേകയുടെ നേതൃത്വത്തിലാണ് പിണ്ഡ തർപ്പണ കർമ്മം നടത്തിയത്. ഭാനുപ്രകാശ് ശർമ്മയുടെ നേതൃത്വത്തിൽ 950 പേരുകളും എടുത്ത് പറഞ്ഞാണ് കർമ്മം നടത്തിയത്. തർപ്പണം നടത്തുമ്പോൾ മണ്ഡ്യ കലക്ടർ എസ് അശ്വതിയും മറ്റ് ഉദ്യോഗസ്ഥരും എത്തിയിരുന്നു.

സഞ്ചാര സ്പന്ദന; ഗതാഗത പരിഷ്കാരങ്ങളെക്കുറിച്ചുള്ള നിങ്ങളുടെ അഭിപ്രായമറിയാൻ പോലീസ് വീട്ടിലെത്തും

October 5, 2021October 5, 2021 News Team

ബെംഗളുരു; ഗതാഗത പരിഷ്കാരങ്ങളെക്കുറിച്ചുള്ള നിങ്ങളുടെ പരാതിയോ, നിർദേശങ്ങളോ എന്തുമാകട്ടെ, അവ പോലീസുകാരോട് നിങ്ങൾക്ക് നേരിട്ട് പറയാം. നഗരത്തിലെ ഗതാഗത പരിഷ്കാരങ്ങളെക്കുറിച്ച് അറിയാൻ നേരിട്ടെത്തുന്ന ബീറ്റ് സംവിധാനമാണ് ട്രാഫിക് പോലീസ് ആരംഭിച്ചിരിക്കുന്നത്. പരീക്ഷണാടിസ്ഥാനത്തിൽ ബനശങ്കരി പോലീസ് സ്റ്റേഷൻ പരിധിയിലാണ് സഞ്ചാര സ്പന്ദന എന്ന പേരിൽ പദ്ധതി ആരംഭിച്ചിരിക്കുന്നത്. ഓട്ടോറിക്ഷ ഡ്രൈവേഴ്സ് അസോസിയേഷൻ, റസിഡന്റ്സ് അസോസിയേഷൻ എന്നിവരുടെ സഹകരണത്തോടെയുള്ള പദ്ധതി വിജയകരമായി തീർന്നാൽ മറ്റ് 44 ട്രാഫിക് സ്റ്റേഷനുകളിലേക്ക് കൂടി ഈ സംവിധാനം വ്യാപിപ്പിക്കും.

സെൽഫി ഭ്രമം; യുവാവ് പതിച്ചത് 140 അടി താഴ്ച്ചയിലേക്ക്, 12 മണിക്കൂറിന് ശേഷം തിരിച്ചെത്തി‌

October 5, 2021October 5, 2021 News Team

ബെംഗളുരു; സെൽഫിയെടുക്കുന്നതിനിടെ യുവാവ് പതിച്ചത് 140 അടി താഴ്ച്ചയിലേക്ക്. പിന്നീട് 12 മണിക്കൂറുകൾക്ക് ശേഷം യുവാവിനെ രക്ഷപ്പെടുത്തി. ബെലഗാവി ഗോഖക് വെള്ളച്ചാട്ടത്തിനരികെ നിന്ന് സെൽഫിയെടുക്കുവാൻ ശ്രമിക്കവെയാണ് അപകടമുണ്ടായത്. കലബുറഗി സ്വദേശിയായ ബാങ്ക് ജീവനക്കാരൻ പ്രദീപാണ് (28) അത്ഭുതകരമായി രക്ഷപ്പെട്ടത്. അഞ്ച് സുഹൃത്തുക്കളോടൊപ്പം സെൽഫിയെടുക്കുവാൻ ശ്രമിക്കുന്നതിനിടെ അബദ്ധത്തിൽ താഴേക്ക് വീഴുകയായിരുന്നു. യുവാവ് പതിച്ചത് 140 അടി താഴ്ച്ചയിലേക്കായിരുന്നു. രാത്രിയായതിനാൽ പോലീസുകാരും സുഹൃത്തുക്കളും തിരച്ചിൽ നിർത്തി പോകുകയും എന്നാൽ പിറ്റെ ദിവസം രാവിലെ 3 മണിയോടെ ഫോൺ കണ്ടെത്തിയ പ്രദീപ് പാറക്കൂട്ടത്തിനിടക്ക് താൻ കുടുങ്ങി കിടക്കുകയാണെന്ന് സുഹൃത്തിനെ…

കുട്ടികൾക്ക് തുള്ളിമരുന്നായി കോവിഡ് വാക്സിനെത്തും; മന്ത്രി

October 5, 2021 News Team

ബെംഗളുരു; കോവിഡ് വാക്സിൻ തുള്ളിമരുന്നായി വികസിപ്പിക്കുമെന്നും അവ നവംബറിലോ, ഡിസംബറിലോ നൽകാനാകുമെന്നും ഡോ. കെ സുധാകർ വ്യക്തമാക്കി. സൈഡസ് കാഡില കമ്പനിയുമായി കേന്ദ്ര സർക്കാർ ചർച്ചകൾ നടത്തി വരികയാണ്. കൂടാതെ കുട്ടികളെയടക്കം മൂന്നാം തരംഗം ബാധിക്കുമെന്ന് പ്രചരണങ്ങൾ വ്യാപകമാണ്. മൂന്നാം തരംഗ മുന്നറിയിപ്പിന്റെ പശ്ചാത്തലത്തിലാണ് കേരള – കർണ്ണാടക അതിർത്തിയിൽ കടുത്ത നിയന്ത്രണങ്ങൾ ഏർപ്പെടുത്തി വരുന്നതെന്നും ഡോ. കെ സുധാകർ പറഞ്ഞു.

വിനോദസഞ്ചാര വികസനത്തിനായി നീക്കിവക്കുക 630 കോടി; മുഖ്യമന്ത്രി ബസവരാജ് ബൊമ്മെ

October 5, 2021October 5, 2021 News Team

ബെംഗളുരു; കോവിഡ് പ്രതിസന്ധികൾ ബാധിച്ചിരുന്നെങ്കിലും ഇപ്പോൾ സംസ്ഥാനത്തെ ടൂറിസം മേഖല ശക്തമായ തിരിച്ചുവരവിന്റെ പാതയിലാണെന്ന് മുഖ്യമന്ത്രി ബസവരാജ് ബൊമ്മെ വ്യക്തമാക്കി. കൂടാതെ വിനോദസഞ്ചാര വികസനത്തിനായി നീക്കിവക്കുക 630 കോടി രൂപയാണെന്നും അദ്ദേഹം അറിയിച്ചു. ഹംപിയിലെ ഹെലി ടൂറിസം പദ്ധതിക്ക് വേണ്ടി മാത്രം പ്രത്യേക തുക വകയിരുത്തുമെന്നും അറിയിച്ചു. കേന്ദ്രസർക്കാരിന്റെ വിവിധ പദ്ധതികൾ കൂടി സംയോജിപ്പിച്ചാണ് വിനോദസഞ്ചാര വികസന പദ്ധതികൾ സംസ്ഥാനത്ത് ആസൂത്രണം നടത്തുകയെന്നും പറഞ്ഞു. കോവിഡ് കേസുകൾ കുറഞ്ഞതോടെ നിയന്ത്രണങ്ങളിൽ ഇളവ് വരുത്തിയതോടെ വിനോദസഞ്ചാരികളുടെ എണ്ണത്തിൽ പുരോഗതിയുണ്ടെന്നും വ്യക്തമാക്കി.

വിജയനഗര; കർണ്ണാടകത്തിൽ പുതിയ ജില്ല

October 5, 2021 News Team

ബെംഗളുരു; ബെല്ലാരി ജില്ല വിഭജിച്ചുള്ള വിജയനഗര ജില്ലയുടെ ഉത്ഘാടനം മുഖ്യമന്ത്രി ബസവരാജ ബൊമ്മെ നിർവഹിച്ചു. കൂടാതെ ജില്ലയിൽ അനുവദിച്ച 56 പദ്ധതികളുടെ നിർമ്മാണ പ്രവൃത്തികൾക്കും മുഖ്യമന്ത്രി തുടക്കം കുറിച്ചു. വിജയ നഗര സാമ്രാജ്യത്തിന്റെ ആസ്ഥാനമായിരുന്ന സ്ഥലമാണിത്. ബെല്ലാരി ജില്ലയുടെ ഭാഗമായിരുന്ന ആറ് താലൂക്കുകൾ ചേർത്താണ് വിജയ നഗര ജില്ലയ്ക്ക് രൂപം നൽകിയിരിക്കുന്നത്. ഹാരപ്പന ഹള്ളി, കുഡ്ഗിലി, ഹൂവിന ഹഡഗളി, ഹൊസപ്പെട്ടെ, ഹാഗരി ബൊമ്മനഹള്ളി, കൊട്ടൂരു താലൂക്കുകളാണ് ഇപ്പോൾ വിജയ നഗര ജില്ലയുടെ ഭാഗമായിരിക്കുന്നത്. ജില്ലാ ആസ്ഥാനമായ ഹൊസ്പേട്ടിൽ നടന്ന ചടങ്ങിൽ മുൻ മുഖ്യമന്ത്രി യെഡ്യൂരപ്പയും…

ബെംഗളുരുവിൽ ഒന്നാം വർഷ ബിരുദ ക്ലാസുകൾ ആരംഭിക്കുന്നത് വൈകും

October 4, 2021 News Team

ബെംഗളുരു; സർവ്വകലാശാലകളിലെ ഒന്നാം വർഷ ബിരുദ ക്ലാസുകൾ ആരംഭിക്കുന്നത് വൈകുമെന്ന് റിപ്പോർട്ടുകൾ. ഒക്ടോബർ ഒന്ന് മുതൽ ഒന്നാം വർഷ ബിരുദ ക്ലാസുകൾ തുടങ്ങാനാണ് ആദ്യം ലക്ഷ്യമിട്ടിരുന്നതെങ്കിലും തീരുമാനം മാറ്റുകയായിരുന്നു. മറ്റ് ക്ലാസുകളിലെ വിദ്യാർഥികളുടെ ഉത്തര പേപ്പർ അടക്കമുള്ളവ മൂല്യനിർണ്ണയം നടത്താൻ ഉള്ളതിനാലാണിത്. ബെംഗളുരു സർവ്വകലാശാല 18 നും , ബെംഗളുരു നോർത്ത് , ബെംഗളുരു സിറ്റി സർവ്വകലാശാലകൾ 21നും നൃപതുംഗ സർവ്വകലാശാല 7നും ക്ലാസുകൾ ആരംഭിക്കും.

ബെംഗളുരുവിൽ 1-5 ക്ലാസുകൾ ആരംഭിക്കുന്നത് ദസറ അവധിക്ക് ശേഷം തീരുമാനമെന്ന് മന്ത്രി

October 4, 2021October 4, 2021 News Team

ബെംഗളുരുവിൽ 1-5 ക്ലാസുകൾ ആരംഭിക്കുന്നത് ദസറ അവധിക്ക് ശേഷം തീരുമാനമെന്ന് മന്ത്രി ബെംഗളുരു; സംസ്ഥാനത്തെ സ്കൂളുകളിൽ 1-5 ക്ലാസുകൾ ആരംഭിക്കുന്നത് ദസറ അവധിക്ക് ശേഷം തീരുമാനമെടുക്കുമെന്ന് ആരോഗ്യമന്ത്രി ഡോ കെ സുധാകർ. രക്ഷിതാക്കളുടെയും ആരോഗ്യരംഗത്തെ വിദഗ്ദരുടെയും അഭിപ്രായം തേടിയശേഷം മാത്രമാകും അവസാനവട്ട തീരുമാനമെന്നും മന്ത്രി വ്യക്തമാക്കി. മന്ത്രി സഭാ യോഗത്തിന്റെ അനുമതിയോടെയാകും ഇത്. ഇലക്ട്രോണിക് സിറ്റിയിലെ റസിഡൻഷ്യൽ സ്കൂളിൽ 60 വിദ്യാർഥികൾക്കും , കോലാറിലെ സ്കൂലിൽ 12 വിദ്യാർഥികൾക്ക് കോവിഡ് ബാധിച്ചതും ആശങ്ക സൃഷ്ട്ടിച്ചിരുന്നു.

തൊഴിലിടത്തെ സമരവും പെരുമാറ്റ ദൂഷ്യവും; ടൊയോട്ട പ്ലാന്റിലെ 45 ജീവനക്കാരെ പറഞ്ഞുവിട്ടു

October 4, 2021 News Team

ബെംഗളുരു; ബിഡദി ടൊയോട്ട കിർലോസ്കർ മോട്ടോഴ്സ് പ്ലാന്റിലെ 45 ജീവനക്കാരെ പെരുമാറ്റദൂഷ്യം ആരോപിച്ച് പറഞ്ഞ് വിട്ടു. തൊഴിൽ സമരങ്ങളുടെ തുടർച്ചയായാണ് അന്വേഷണം നടന്നത്. 66 ജീവനക്കാർക്കെതിരെയാണ് ആഭ്യന്തര അന്വേഷണം നടന്നത്. കഴിഞ്ഞ വർഷം ഒരു സംഘടനാ പ്രതിനിധിയെ പിരിച്ചുവിട്ടതിന്റെ പേരിൽ ഒട്ടേറെ സമരങ്ങൾ നടന്നത് ലോക്കൗട്ടിന് വഴിവെച്ചിരുന്നു. ഇതിന് ശേഷം കമ്പനി ഉദ്യോഗസ്ഥരെ ഭീഷണിപ്പെടുത്തുകയും വസ്തുവകകൾ നശിപ്പിക്കുകയും ചെയ്തിരുന്നു, തുടർന്നാണ് കർശന അന്വേഷണത്തിന് നിർദേശം നൽകിയത്.

രാഷ്ട്രപതി 4 ദിവസത്തെ കർണ്ണാടക സന്ദർശനത്തിനെത്തുന്നു

October 4, 2021October 4, 2021 News Team

ബെംഗളുരു; രാഷ്ട്രപതി രാംനാഥ് കോവിന്ദ് 4 ദിവസത്തെ കർണ്ണാടക സന്ദർശനത്തിനെത്തുന്നുവെന്ന് വാർത്തകൾ. ഈ മാസം 6 മുതലാണ് സന്ദർശനം. ബിആർ ഹിൽസിൽ ചാമരാജ് നഗർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിന്റെ ഭാഗമായി നിർമ്മിച്ച 450 കിടക്കകളുള്ള ആശുപത്രി 7ന് രാഷ്ട്രപതി രാംനാഥ് കോവിന്ദ് ഉദ്ഘാടനം ചെയ്യും. 8നി ചിക്കമംഗളുരുവിലെ ശൃംഗേരി മഠം സന്ദർശിക്കും, 9ന് ഡൽഹിയിലേക്ക് രാഷ്ട്രപതി യാത്ര തിരിക്കും.