Month: July 2024

ബെംഗളൂരു: ബിജെപിയാണ് മുഖ്യപ്രതിപക്ഷമെങ്കിലും സംസ്ഥാനത്തെ കോണ്‍ഗ്രസ്സ് ഗവണ്മെന്റിനെ അതിശക്തമായി നിരന്തരം ആക്രമിക്കുന്നത് രണ്ടാമത്തെ പ്രതിപക്ഷ പാർട്ടിയായ ജെഡിഎസ്സിന്റെ സമുന്നത നേതാവ് എച്ച്‌ ഡി കുമാരസ്വാമിയാണ്. മുഖ്യമന്ത്രിയുടെ രാജി ആവശ്യപ്പെട്ടുകൊണ്ട് ബംഗളുരുവില്‍ നിന്നും മൈസൂരുവിലേക്ക് ഒരാഴ്ച നീളുന്ന പ്രതിപക്ഷ പദയാത്ര ആഗസ്റ്റ് മൂന്നിന് ആരംഭിക്കുകയാണ്. പദയാത്രയെ കുറിച്ച്‌ പത്ര സമ്മേളനത്തില്‍ വിവരിക്കവേയാണ് കുമാരസ്വാമിയുടെ മൂക്കില്‍ നിന്നും രക്തം കിനിഞ്ഞത്. അദ്ദേഹത്തെ ഉടൻ തന്നെ ആശുപത്രിയില്‍ പ്രവേശിപ്പിച്ചിരുന്നു. പരിശോധനകള്‍ക്ക് ശേഷം പ്രശ്നമില്ലെന്ന് കണ്ട് ഇന്നലെ തന്നെ ഡിസ്ചാർജ്ജ് ചെയ്തു. ഹൃദയശസ്ത്രക്രിയയ്ക്ക് മൂന്നുതവണ വിധേയമായിട്ടുള്ള ആളാണ് കുമാരസ്വാമി. ദിവസേന…

ബെംഗളൂരു : ഹാവേരിയിൽ തഹസിൽദാർ ഓഫീസ് കെട്ടിടം മഴയത്ത് ചോരുന്നതിനെ ത്തുടർന്ന് കുടചൂടി ജോലി ചെയ്ത് ജീവനക്കാർ. പഴക്കം ചെന്ന കെട്ടിടത്തിലാണ് തഹസിൽദാറുടെ ഓഫീസ് പ്രവർത്തിക്കുന്നത്. ഓഫീസ് സ്ഥലം മാറ്റണമെന്നും കെട്ടിടം അറ്റകുറ്റപ്പണി നടത്തണമെന്നുമുള്ള ആവശ്യം ഇതുവരെ അധികൃതർ അംഗീകരിച്ചിട്ടില്ലെന്ന് ജീവനക്കാർ പറഞ്ഞു. ഈ വർഷം മഴക്കാലം ആരംഭിച്ചപ്പോൾ മുതൽ മേൽക്കൂര ചോരുന്നുണ്ടെന്നും ജീവനക്കാർ പറഞ്ഞു. ജീവനക്കാർ കുട ചൂടി ഓഫീസിൽ ജോലി ചെയ്യുന്നതിന്റെ ചിത്രം തരംഗമായിട്ടുണ്ട്.

ബെംഗളൂരു : പുതുതായി പ്രഖ്യാപിച്ച എറണാകുളം-ബെംഗളൂരു വന്ദേഭാരത് സ്പെഷ്യൽ ട്രെയിനിന്റെ (06001/06002) ആദ്യ സർവീസിന് ഒരുദിവസംകൊണ്ട് പകുതിയോളം ടിക്കറ്റുകൾ യാത്രക്കാർ ബുക്ക്ചെയ്തു. എറണാകുളം സൗത്തിൽനിന്ന് പുറപ്പെടുന്ന ട്രെയിനിന് ശനിയാഴ്ചയാണ് ബുക്കിങ് ആരംഭിച്ചത്. ബെംഗളൂരു കന്റോൺമെന്റ് സ്റ്റേഷനിൽ നിന്നുള്ള ട്രെയിനിലെ ബുക്കിങ് ഞായറാഴ്ച ആരംഭിക്കുമെന്ന് റെയിൽവേ അറിയിച്ചു. 31 മുതൽ ഒാഗസ്റ്റ് 25 വരെയാണ് സ്പെഷ്യൽ ട്രെയിനുകൾ സർവീസ് നടത്തുക. എറണാകുളത്തുനിന്ന് ഉച്ചയ്ക്ക് 12.30-ന് പുറപ്പെട്ട് രാത്രി 10-ന് ബെംഗളൂരുവിലെത്തുന്ന ട്രെയിൻ ബുധൻ, വെള്ളി, ഞായർ ദിവസങ്ങളിലാണ് സർവീസ് നടത്തുന്നത്. വ്യാഴം, ശനി, തിങ്കൾ ദിവസങ്ങളിലാണ്…