Month: July 2024

ബെംഗളൂരു: മഴ തുടരുമ്പോഴും നഗരത്തിൽ ഭൂഗർഭജലവിതാനം താഴ്‌ന്നു തന്നെ തുടരുന്നു. കഴിഞ്ഞ വർഷത്തെ അപേക്ഷിച്ച് മെയ്‌, ജൂൺ മാസങ്ങളിലായി ജലവിതാനം 4 അടി വരെ വീണ്ടും താഴ്ന്നു. ഏപ്രിലിൽ 7000 കുഴൽകിണറുകൾ വറ്റി വരണ്ടതോടെ കടുത്ത ജലക്ഷാമമാണ് നഗരം നേരിട്ടത്. എന്നാൽ പിന്നീട് മഴ ലഭിച്ചെങ്കിലും ഭൂഗർഭ ജലവിതാനം മെച്ചപ്പെടുത്താനായില്ലെന്നാണ് കണക്കുകൾ സൂചിപ്പിക്കുന്നത്. നേരത്തെ നഗരത്തിൽ ശരാശരി 40 അടി താഴ്ചയിൽ ഭൂഗർഭ ജലം ലഭിച്ചിരുന്നു. എന്നാൽ പുതിയ കണക്കുകൾ പ്രകാരം ഹൊസ്‌കോട്ടെ ഉൾപ്പെടെയുള്ള മേഖലകളിൽ ഇത് 80 അടി വരെയായി. മഴവെള്ളക്കൊയ്ത്തിനായി ബിബിഎംപി…

ബെംഗളൂരു : റായ്ചൂരുവിൽ നാട്ടുകാരെ ആക്രമിച്ച പുള്ളിപ്പുലിയെ വനം ഉദ്യോഗസ്ഥർ നോക്കിനിൽക്കെ ജനക്കൂട്ടം തല്ലിക്കൊന്നു. ദേവദുർഗ താലൂക്കിലെ കരദിഗുഡ്ഡ ഗ്രാമത്തിലാണ് സംഭവം. മൂന്നുമാസത്തോളമായി ഗ്രാമത്തിൽ ഭീതിപരത്തിയ പുലിയെയാണ് കൊന്നത്. ഞായറാഴ്ച രാവിലെ ഗ്രാമത്തിലെ മൂന്നുപേരെ പുലി ആക്രമിച്ചതോടെയാണ് നാട്ടുകാർ സംഘടിച്ചത്. വാർത്ത പരന്നതോടെ സമീപപ്രദേശങ്ങളിൽനിന്നുൾപ്പെടെ ആളുകൾ കൂട്ടമായെത്തി. പുലിയെ പിടിക്കാൻ കൂട് സ്ഥാപിക്കാനായി വനംവകുപ്പുദ്യോഗസ്ഥർ എത്തിയിരുന്നു. പോലീസും സ്ഥലത്തുണ്ടായിരുന്നു. ഇതിനിടെ അടുത്തുള്ള പാറക്കെട്ടിൽ മറഞ്ഞിരുന്ന പുലി പുറത്തേക്കുവന്നു. അപ്പോഴേക്കും ജനക്കൂട്ടം കല്ലുംവടിയും മറ്റും ഉപയോഗിച്ച് പുലിയെ ആക്രമിക്കുകയായിരുന്നു. നാലുവയസ്സ് തോന്നിക്കുന്ന പുലിയാണ് കൊല്ലപ്പെട്ടതെന്ന് വനം…

ബെംഗളൂരു : ഫാസ്ടാഗ് പ്രവർത്തിക്കാതിരുന്നതിനെത്തുടർന്ന് കേരള ആർ.ടി.സി. ബസ് മൈസൂരു നഞ്ചങ്കോട്ടെ ടോൾബൂത്തിൽ കുടുങ്ങി. മൈസൂരുവിൽനിന്ന് കോഴിക്കോട്ടേക്കു വരികയായിരുന്ന സ്വിഫ്റ്റ് ബസാണ് അരമണിക്കൂർ കുടുങ്ങിയത്. ടോളടയ്ക്കാതെ വന്നതോടെ ബൂത്തിൽ ബസ് തടഞ്ഞിടുകയായിരുന്നു. തിങ്കളാഴ്ച വൈകീട്ട് 6.45-ഓടെയാണ് സംഭവം. ബസിൽ നിറയെ യാത്രക്കാരുണ്ടായിരുന്നു. ബസ് കുടുങ്ങിയതോടെ യാത്രക്കാർ പ്രതിഷേധിച്ചു. തുടർന്ന് ജീവനക്കാർ കൈയിൽനിന്ന് പണമെടുത്തടച്ചു. അതിനുശേഷമാണ് ബസ് യാത്ര തുടർന്നത്. കോഴിക്കോട് ജില്ലയിലെ തിരുവമ്പാടി ഡിപ്പോയുടെ ബസായിരുന്നു. മൈസൂരുവിൽനിന്ന് കോഴിക്കോടു വഴി തിരുവമ്പാടിയിലേക്കായിരുന്നു യാത്ര. ഫാസ്ടാഗ് പ്രവർത്തിക്കാതിരുന്നതിന് കാരണം വ്യക്തമായിട്ടില്ലെന്ന് ഡിപ്പോയിലെ ഉദ്യോഗസ്ഥർ പറഞ്ഞു. ഫാസ്ടാഗിൽ…