പാലക്കാട്: പാലക്കാട് വടക്കഞ്ചേരി ദേശീയപാതയില് അഞ്ചുമൂര്ത്തി മംഗലത്ത് ശബരിമല തീര്ത്ഥാടകര് സഞ്ചരിച്ച ബസ് മറിഞ്ഞ് പതിനഞ്ചോളം പേര്ക്ക് പരിക്കേറ്റു.
രാത്രി 12:30 മണിയോടെയാണ് അപകടം ഉണ്ടായത്. ദേശീയ പാതയിലൂടെ വാഹനം പോകുമ്പോള് വലതു ഭാഗത്തെ ഡിവൈഡറില് തട്ടിയാണ് ബസ് അപകടത്തില്പ്പെട്ടത്.
അയൽസംസ്ഥാനത്ത് കോവിഡ് മരണം വർദ്ധിക്കുന്നു; അതിർത്തികളിൽ കർശന പൂട്ട് വീഴുമോ? കർണാടകത്തിൽ അതീവ ജാഗ്രത!
ഡ്രൈവര് ഉറങ്ങി പോയതാകാം അപകടത്തിന് കാരണമെന്നാണ് പ്രാഥമിക നിഗമനം.
തമിഴ്നാട് തിരുത്തണി ഭാഗത്ത് നിന്നും ശബരിമല ദര്ശനത്തിന് പോകുന്ന തീര്ത്ഥാടക സംഘമാണ് അപകടത്തില്പ്പെട്ടത്.
25 ഓളം യാത്രക്കാരാണ് വാഹനത്തില് ഉണ്ടായിരുന്നത്. പരിക്കേറ്റവരെ ആലത്തൂരിലെ സ്വകാര്യ ആശുപത്രിയില് പ്രവേശിപ്പിച്ചു. ആരുടെയും നില ഗുരുതരമല്ലെന്നാണ് വിവരം.
