Day: 24 February 2024

ബെംഗളൂരു: കർണാടകത്തിലെ ക്ഷേത്രങ്ങൾക്ക് അധിക നികുതി ഏർപ്പെടുത്താനുള്ള കോൺഗ്രസ് സർക്കാർ നീക്കത്തിന് തിരിച്ചടി. അധികനികുതി ഈടാക്കാനുള്ള തീരുമാനം ഇന്നലെ വൈകിട്ട് നടന്ന സംസ്ഥാന നിയമസഭാ കൗൺസിലിൽ പരാജയപ്പെടുകയായിരുന്നു. ഒരു കോടി രൂപയിലധികം വരുമാനമുള്ള ക്ഷേത്രങ്ങൾക്ക് 10 ശതമാനം അധികനികുതി ഏർപ്പെടുത്താനുള്ള സിദ്ധരാമയ്യ സർക്കാരിന്റെ നീക്കമാണ് പൊളിഞ്ഞത്. സംസ്ഥാന നിയമസഭയിൽ ബിൽ പാസാക്കി രണ്ട് ദിവസത്തിന് ശേഷമാണ് നിയമസഭാ കൗൺസിലിൽ പരാജയപ്പെട്ടത്. കർണാടകയിലെ നിയമനിർമ്മാണ സമിതിയിലോ ഉപരിസഭയിലോ ഭരിക്കുന്ന കോൺഗ്രസ് സർക്കാരിനുള്ളതിനേക്കാൾ കൂടുതൽ സംഖ്യ ബിജെപി നയിക്കുന്ന എൻഡിഎയ്ക്കാണുള്ളത്. അതിനാൽ തന്നെ വോട്ടിങ്ങിനിടെ ബിൽ പരാജയപ്പെടുകയായിരുന്നു.കഴിഞ്ഞ…

ബെംഗളൂരു : നയന്ദഹള്ളിയിൽ പ്ലാസ്റ്റിക് മാലിന്യകേന്ദ്രത്തിൽ തീപിടിച്ച് സമീപത്തെ പാർക്കിങ് ഗ്രൗണ്ടിൽ നിർത്തിയിട്ടിരുന്ന 27 വാഹനങ്ങൾ കത്തി നശിച്ചു. വെള്ളിയാഴ്ച പുലർച്ചെയാണ് സംഭവം. അഗ്നിരക്ഷാ സേനയുടെ അഞ്ച് എൻജിനുകളെത്തിയാണ് തീയണച്ചത്. ഓട്ടോറിക്ഷകളും കാറുകളുമാണ് കത്തി നശിച്ചത്. ഗംഗൊണ്ടനഹള്ളിയിൽ പ്ലാസ്റ്റിക് മാലിന്യം നിക്ഷേപിക്കുന്ന സ്ഥലത്താണ് തീപിടിച്ചത്. റിസ്‌വാൻ എന്നയാളുടെ ഉടമസ്ഥതയിലുള്ളതാണ് ഇൗ കേന്ദ്രം. ഇതിനോടുചേർന്നുള്ള സ്ഥലത്ത് വാഹനങ്ങൾ പാർക്ക് ചെയ്യാനുള്ള സൗകര്യമുണ്ട്. ഒരു രാത്രിയിലേക്ക് 30 രൂപ നിരക്കിലാണ് പാർക്ക് ചെയ്തിരുന്നത്. ഷോർട് സർക്യൂട്ടാണ് കാരണമെന്നാണ് നിഗമനം.