ബെംഗളൂരു: കഴിഞ്ഞ ദിവസത്തെ കനത്ത മഴയിൽ കെ ആർ പുരത്തെ സീഗെഹള്ളി തടാകം കര കവിഞ്ഞു ഒഴുകി വ്യാപക നഷ്ടം ഉണ്ടാക്കി. മതിൽ ഇടിഞ്ഞു വീണ് മഹാദേവപുരം സ്വദേശിയായ വീട്ടമ്മ മരിക്കാൻ ഇടയായി. ബസവനപുരിയിൽ മഴവെള്ള കനാലിൽ വീണയാൾക്കുള്ള തിരച്ചിൽ ഇപ്പോഴും തുടരുകയാണ്.
മഹാദേവപുരിയിലെ കാവേരി നഗറിൽ കനത്ത മഴയെ തുടർന്ന് മതിൽ ഇടിഞ്ഞു വീണ് വീട്ടമ്മയായ മുനിയമ്മയാണ് മരിച്ചത്. അപകടത്തിൽ രണ്ട് പേർക്ക് പരിക്കേൽക്കുകയും ചെയ്തു.
2 ദിവസമായി തുടരുന്ന മഴയിൽ സീഗെഹള്ളി തടകത്തിന്റെ ബണ്ട് തകർന്നതാണ് വെള്ളപ്പൊക്കത്തിന് ഇടയാക്കിയത്. 15 ഓളം വാഹനങ്ങൾ വെള്ളം കേറി നശിക്കുകയും ചെയ്തു.
പല വീടുകളിലും ഉള്ളിലേക്ക് വെള്ളം കയറിയത് ഫർണിച്ചറുകൾ ഉൾപ്പെടെയുള്ള വീട്ടു ഉപകാരണങ്ങളും നശിപ്പിച്ചു. പലർക്കും വീട്ടിൽ നിന്ന് പുറത്ത് ഇറങ്ങാൻ പറ്റാത്ത അവസ്ഥയാണ്.
