ബെംഗളൂരു: എം എസ് രാമയ്യ മെഡിക്കൽ കോളേജിൽ നിന്നുള്ള 2019-20 വർഷത്തെ ആശുപത്രി രജിസ്ട്രി കണക്കുകൾ പ്രകാരം ബെംഗളൂരുവിലെ റോഡപകട മരണങ്ങളിൽ ഭൂരിഭാഗവും ശരിയായ ഹെൽമറ്റ് ധരിക്കാത്ത ഇരുചക്രവാഹന യാത്രികരാണ്.
ഇന്ത്യൻ കൗൺസിൽ ഓഫ് മെഡിക്കൽ റിസർച്ചുമായി (ഐസിഎംആർ) നടന്നുകൊണ്ടിരിക്കുന്ന സഹകരണ പദ്ധതിയുടെ ഭാഗമായി ഡൽഹിയിലെ എയിംസിന്റെ മാർഗ്ഗനിർദ്ദേശങ്ങൾ അനുസരിച്ച് എം എസ് രാമയ്യ മെഡിക്കൽ കോളേജ് നഗരത്തിനായി ഒരു റോഡ് ട്രാഫിക് ഇൻജുറി രജിസ്ട്രി സൃഷ്ടിച്ചു.
14 മാസത്തിനിടെ ആശുപത്രിയിൽ അപകടത്തിൽപ്പെട്ട 37 പേരിൽ, ഗണ്യമായ എണ്ണം (26% ത്തിലധികം) തലയ്ക്ക് പരിക്കേറ്റതിനാൽ മരിച്ചു എന്ന്കണക്കുകൾ സൂചിപ്പിക്കുന്നു. മറ്റൊരു 9.5% പേർ പ്രാഥമികമായി നെഞ്ചിലെ മുറിവുകൾ മൂലമാണ് മരിച്ചത്, അതേ അനുപാതം വയറിലെ അവയവങ്ങൾക്കുണ്ടായ പരിക്കുകൾ കാരണം അന്ത്യശ്വാസം വലിച്ചതായും കണക്കുകൾ വ്യക്തമാകുന്നു.
ഇത് കാണിക്കുന്നത് ഇരുചക്രവാഹന യാത്രക്കാർ അവരുടെ തല മാത്രമല്ല, മറ്റ് സുപ്രധാന അവയവങ്ങളും സംരക്ഷണ ഗിയറായ കയ്യുറകൾ, ജാക്കറ്റുകൾ, ലെതർ പാന്റ്‌സ് എന്നിവ ഉപയോഗിച്ച് സംരക്ഷിക്കണമെന്ന് പഠനം പറയുന്നു. തലയിലും കഴുത്തിലും ഉണ്ടായ മുറിവുകളാണ് മരണത്തിന്റെ ഏറ്റവും സാധാരണമായ കാരണം. മരിച്ചവരിൽ, 40% പേർക്ക് തലയ്ക്കും കഴുത്തിനും പരിക്കുണ്ട്, 31% പേർക്ക് ഇൻട്രാക്രാനിയൽ പരിക്കുകൾ, 16.7% പേർക്ക് തലയ്ക്ക് ചതവേൽകുന്ന തരത്തിലുള്ള പരിക്കുകൾ, 14% പേർക്ക് തലയ്ക്ക് ഒടിവുകളും ഉണ്ടായിരുന്നു.
പഠനത്തിനായി ഐസിഎംആറുമായി സഹകരിക്കുന്ന എംഎസ് രാമയ്യ മെഡിക്കൽ കോളേജിലെ എമർജൻസി മെഡിസിൻ ഹോഡി ഡോ അരുണ സി രമേഷ് പറയുന്നു, “ഇത്തരം സന്ദർഭങ്ങളിൽ, ഹെൽമെറ്റ് ഗുണനിലവാരമില്ലാത്തതോ ആവർത്തിച്ചുള്ള വീഴ്ചകൾ കാരണം കേടായതോ ആകാം. കൂടാതെ, പലരും ഹെൽമറ്റ് സ്ട്രാപ്പ് ചെയ്യുകയോ ഫുൾ ഫേസ് ഹെൽമറ്റ് ധരിക്കുകയോ ചെയ്യുന്നില്ല. കൂടാതെ, പല കേസുകളിലും, ഡ്രൈവർ ഹെൽമെറ്റ് ധരിച്ചേക്കാം, പക്ഷേ പിൻ റൈഡർ ധരിക്കില്ല. ശരിയായ രീതിയിൽ ഹെൽമെറ്റ് ധരിക്കുന്നതിലൂടെയും റോഡ് നിയമങ്ങൾ പാലിക്കുന്നതിലൂടെയും തലയ്ക്കും കഴുത്തിനും ഉണ്ടാകുന്ന മിക്ക പരിക്കുകളും തടയാൻ കഴിയും. ഇരുചക്രവാഹന യാത്രക്കാർക്ക് മണിക്കൂറിൽ 20 മൈലിലധികം വേഗതയിൽ പോലും കാര്യമായ പരിക്കുകൾ ഉണ്ടാകാം.
ഒന്നിലധികം ആഘാതകരമായ പരിക്കുകളുള്ള 277 ഇരകളെ ഉൾപ്പെടുത്തിയ പഠനത്തിൽ, അവരിൽ ഭൂരിഭാഗത്തിനും ഒന്നിലധികം സ്പെഷ്യാലിറ്റികളിൽ ചികിത്സ ആവശ്യമാണെന്നും കണ്ടെത്തി. ഉദാഹരണത്തിന്, ഏകദേശം 76% പേർക്ക് ന്യൂറോ സർജന്റെ ചികിത്സ ആവശ്യമാണ്. ഇതേ അനുപാതത്തിൽ ഓർത്തോപീഡിഷ്യൻമാരുടെയും ചികിത്സ ആവശ്യമായിരുന്നു. ഏകദേശം 38% പേർ മാക്‌സിലോഫേഷ്യൽ സർജന്മാരാണ് ചികിത്സിച്ചത്. “പോളിട്രോമയുടെ കാര്യത്തിൽ, ഇരയായവർ മെഡിക്കൽ കോളേജുകളും സൂപ്പർ സ്പെഷ്യാലിറ്റി സെന്ററുകളും പോലെയുള്ള ലെവൽ 1 ട്രോമ സെന്ററിലേക്ക് പോകണം, അത് സമ്പൂർണ പരിചരണം നൽകുന്നുവെന്നും ഡോ അരുണ പറയുന്നു.
ബെംഗളൂരുവിലെയും മറ്റ് നാല് ഇന്ത്യൻ നഗരങ്ങളിലെയും ഐസിഎംആർ പ്രോജക്റ്റ്, ലെവൽ 1 സെന്ററുകളിൽ ട്രോമ കെയറിന് ആവശ്യമായ സൗകര്യങ്ങളുണ്ടെങ്കിലും ലെവൽ 2, 3 കേന്ദ്രങ്ങളിൽ (ജില്ലാ ആശുപത്രികളും കമ്മ്യൂണിറ്റി ഹെൽത്ത് സെന്ററുകളും) പലപ്പോഴും ഈ സൗകര്യങ്ങൾ കുറവാണെന്ന് കണ്ടെത്തിയിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
