ആലിയ ഭട്ട് നായികയായെത്തിയ സഞ്ജയ് ലീല ബന്സാലി ചിത്രം ഗംഗുഭായ് കത്തിയവാഡി ഏപ്രില് 26 മുതല് ഒ ടി ടി പ്ലാറ്റ്ഫോമായ നെറ്റ്ഫ്ലിക്സില് റിലീസ് ചെയ്യും.
ഫെബ്രുവരി 25ന് തിയറ്ററുകളിലെത്തിയ ചിത്രം 100 കോടി ക്ലബ്ബിൽ ഇടംപിടിച്ചിരുന്നു. ടൈറ്റില് കഥാപാത്രമായി ഒരു നായിക എത്തുന്ന ചിത്രം ഈ നേട്ടം സ്വന്തമാക്കുന്നത് അപൂര്വ്വ കാഴ്ച്ചയാണ്.
കാമാത്തിപ്പുര പശ്ചാത്തലമാക്കുന്ന ചിത്രമാണ് ഗംഗുഭായ് കത്തിയവാഡി. ‘പദ്മാവതി’നു ശേഷം എത്തുന്ന ബന്സാലി ചിത്രമാണ്. ഹുസൈന് സെയ്ദിയുടെ ‘മാഫിയ ക്വീന്സ് ഓഫ് മുംബൈ’ എന്ന പുസ്തകത്തിലെ ഗംഗുഭായ് കൊത്തേവാലി എന്ന സ്ത്രീയുടെ ജീവിതകഥയില് നിന്നും പ്രചോദനം ഉള്ക്കൊണ്ടതാണ് ചിത്രം.
ബന്സാലി പ്രൊഡക്ഷന്സിന്റെ ബാനറില് സഞ്ജയ് ലീല ബന്സാലിയും പെന് സ്റ്റുഡിയോസിന്റെ ബാനറില് ഡോ. ജയന്തിലാല് ഗാഡയും ചേര്ന്നാണ് ചിത്രം നിര്മ്മിച്ചത്.
രണ്ബിര് കപൂറിന്റെ നായികയായിട്ടുള്ള ‘ബ്രഹ്മാസ്ത്ര’ എന്ന ചിത്രമാണ് ആലിയ ഭട്ടിന്റേതായി ഇനി റിലീസ് ചെയ്യാനുള്ളത്. അയന് മുഖര്ജിയാണ് ചിത്രം സംവിധാനം ചെയ്യുന്നത്. ഹുസൈന് ദലാലും അയന് മുഖര്ജിയും ചേര്ന്ന് തിരക്കഥ എഴുതുന്നു. പങ്കജ് കുമാറാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
