ബെംഗളൂരു: കുറെയേറെ വർഷങ്ങൾക്ക് ശേഷം നഗരം മരം കോച്ചുന്ന തണുപ്പിലേക്ക്. ഇന്നലെയും ഇന്ന് പുലർച്ചെയും നഗരത്തിലും പ്രാന്തപ്രദേശങ്ങളിലും രേഖപ്പെടുത്തിയ കുറഞ്ഞ താപനില 10° ഡിഗ്രീ സെൽഷ്യസ്. 2012 ജനുവരിയിൽ രേഖപ്പെടുത്തിയ 12 ഡിഗ്രി സെൽഷ്യസ് ആയിരുന്നു സമീപകാലത്തെ ഏറ്റവും കുറഞ്ഞ താപനില.
വരും ദിവസങ്ങളിലും തണുപ്പ് കൂടും എന്നാണ് കാലാവസ്ഥാ വകുപ്പിന്റെ പ്രവചനം. വടക്കൻ മേഖലയിൽ നിന്നുള്ള കാറ്റാണ് സംസ്ഥാനത്ത് തണുപ്പുകൂടാൻ കാരണമായി കരുതുന്നത്. മൈസൂരു, കുടക്, ശിവമൊഗ്ഗ എന്നിവിടങ്ങളിലും താപനില 10 ഡിഗ്രിയിൽ താഴെയായി കുറഞ്ഞു.
പുകമഞ്ഞ് കാരണം കെംപ ഗൗഡ വിമാനത്താവളത്തിൽ രാവിലെ 8 മണിക്ക് മുമ്പുള്ള 15 വിമാന സർവീസുകൾ വൈകി.
