Day: 16 May 2023

കോതമംഗലം: കാക്കനാട് ഇൻഫോ പാർക്കിനടുത്തെ താമസസ്ഥലത്ത് യുവാവിനെ മരിച്ച നിലയിൽ ക​ണ്ടെത്തി. ഡോർ നിർമ്മാണ കമ്പനിയിൽ മാനേജറും ഇരമല്ലൂർ ഒറ്റുമാലിൽ രവിയുടെ മകനുമായ അജിൽ രവിയെയാണ് (26) മരിച്ച നിലയിൽ കണ്ടെത്തിയത്. കാക്കനാട് ഇൻഫോ പാർക്കിനടുത്ത് ജോലിസ്ഥലത്തോട് ചേർന്ന് അജിൽ താമസിക്കുന്ന മുറിയിലാണ് മൃതദേഹം കണ്ടത്. മരണകാരണം വ്യക്തമല്ല. മാതാവ് – നെല്ലിക്കുഴി മുൻഗ്രാമപഞ്ചായത്ത് പ്രസിഡന്റ് രഞ്ജിനി രവി സഹോദരി – അഞ്ജിത

കോഴിക്കോട്: കോയമ്പത്തൂർ സ്ഫോടനക്കേസിലെ പ്രതികളെ സഹായിച്ചെന്ന കേസിൽ അബ്ദുന്നാസിർ മഅ്ദനിയടക്കം നാല് പ്രതികളയും കോടതി വെറുതെ വിട്ടു. കേസിൽ  അറസ്റ്റ് ചെയ്ത് 25 വർഷത്തിന് ശേഷമാണ് വിധി. മൂന്നാം അഡീഷനൽ ജില്ല സെഷൻസ് ജഡ്ജ് ആർ. മധുവാണ് ഉത്തരവിട്ടത്. കോയമ്പത്തൂർ സ്ഫോടനം കഴിഞ്ഞയുടൻ ആയുധങ്ങളുമായി രണ്ടുപേർ കോഴിക്കോട് മൊഫ്യൂസിൽ സ്റ്റാൻഡിൽ പിടിയിലായതിനെ തുടർന്ന് കസബ പൊലീസെടുത്ത കേസിൽ ഒന്നുമുതൽ മൂന്ന് വരെ പ്രതികളായ നടുവട്ടം എ.ടി. മുഹമ്മദ് അഷ്റഫ്, പന്നിയങ്കര എം.വി. സുബൈർ, കെ. അയ്യപ്പൻ, നാലാം പ്രതി അബ്ദുന്നാസിർ മഅ്ദനി എന്നിവരെയാണ് വിട്ടയച്ചത്.

കണ്ണൂർ : കണ്ണൂരിൽ ഓടുന്ന ബസിന് തീപിടിച്ചത് പരിഭ്രാന്തി പരത്തി. പെട്ടെന്ന് തീയണക്കാനായത് രക്ഷയായി. ആർക്കും പൊള്ളലേറ്റില്ല. കണ്ണൂർ അഗ്നിരക്ഷാസേന സ്റ്റേഷനടുത്താണ് സംഭവം. കൂടാളി-കണ്ണൂർ ആസ്പത്രി റൂട്ടിലോടുന്ന കെ.എൽ.59 ഡി.1011 മാളൂട്ടി ബസിനാണ് തീപിടിച്ചത്. ബസിന്റെ എൻജിന്റെ ഭാഗത്താണ് തീപിടിച്ചത്. ബസ് നിർത്തി എല്ലാവരും പുറത്തിറങ്ങിയോടി. അഗ്നിരക്ഷാസേനാ മേധാവി ഡോ. ബി.സന്ധ്യ കണ്ണൂർ ആസ്ഥാനം സന്ദർശിക്കുന്നതിന് തൊട്ടുമുൻപാണ് സംഭവം. അവരെ സ്വീകരിക്കാൻ സേനാ ഉദ്യോഗസ്ഥർ കവാടത്തിൽ കാത്തുനിൽക്കുമ്പോഴാണ് തീപ്പിടിത്തമുണ്ടായത്. തീയണച്ചു കഴിഞ്ഞപ്പോഴേക്കും അവരെത്തി.

തിരുവനന്തപുരം: ബാലരാമപുരത്ത് മതപഠന കേന്ദ്രത്തിൽ വിദ്യാർത്ഥിനി തൂങ്ങി മരിച്ച സംഭവത്തിൽ പോലീസ് മൊഴി രേഖപ്പെടുത്തി. മതപഠന കേന്ദ്രത്തിലെ ജീവനക്കരിൽ നിന്നും സഹപാഠികളിൽ നിന്നുമാണ് മൊഴി എടുത്തത്.അതേസമയം ആരോപണ വിധേയമായ സ്ഥാപനത്തിന് ജമാഅത്തൂമായി ബന്ധമില്ലെന്ന് ഭാരവാഹികൾ അറിയിച്ചു ശനിയാഴ്ച വൈകിട്ടാണ് അസ്മിയയെ മതപഠന കേന്ദ്രത്തിൽ തൂങ്ങി മരിച്ച നിലയിൽ കണ്ടെത്തിയത്. സംഭവത്തിൽ ഖദീജത്തുൽ ഖുദ്ര വനിത അറബിക് കോളജിലെയും, അൽ അമാൻ മദ്രസ മതപഠനശാലയിലെയും 5 ജീവനക്കാരിൽ നിന്നും 10 വിദ്യാർഥിനികളിൽ നിന്നുമാണ് പോലീസ് മൊഴിയെടുത്തത്. ചെറിയ പെരുന്നാളിന് വീട്ടിലേക്ക് പോകുമ്പോൾ താൻ ഇനി ഇവിടേക്ക്…

തിരുവനന്തപുരം: ഡോക്ടർ വന്ദനയുടെ കൊലപാതകം പ്രതി സന്ദീപിനെ അഞ്ചുദിവസത്തേക്ക് ക്രൈംബ്രാഞ്ച് കസ്റ്റഡിയിൽ വിട്ടു തിരിച്ചറിയൽ പരേഡ് ഉൾപ്പെടെ നടത്താനാണ് അന്വേഷണ സംഘത്തിന്റെ തീരുമാനം. രാവിലെ 11 മണിയോടെയാണ് പ്രതി സന്ദീപിനെ കനത്ത പോലീസ് സുരക്ഷയിൽ കൊട്ടാരക്കര കോടതിയിൽ എത്തിച്ചത് പുറത്ത് ജനാധിപത്യ മഹിളാ അസോസിയേഷൻ പ്രവർത്തകർ പ്രതിഷേധവുമായി എത്തി സന്ദീപിനെ കൂടുതൽ ചോദ്യം ചെയ്യാനുണ്ടെന്നും തെളിവെടുപ്പിനും തിരിച്ചറിയൽ ആയി അഞ്ചുദിവസത്തേക്ക് കസ്റ്റഡിയിൽ വേണമെന്ന് അന്വേഷണ ഉദ്യോഗസ്ഥർക്ക് വേണ്ടി പ്രോസിക്യൂഷൻ കോടതിയെ അറിയിച്ചു കൊലപാതകത്തിന് ഉപയോഗിച്ച കത്രിക ഉൾപ്പെടെയുള്ള തെളിവുകളും മൊഴിയും രേഖപ്പെടുത്തിയ സാഹചര്യത്തിൽ കസ്റ്റഡിയിൽ…