2022 – Page 62 – BengaluruVartha

കാട്ടാനയുടെ ആക്രമണത്തിൽ യുവതി കൊല്ലപ്പെട്ടു, എം.എൽ എ യെ നാട്ടുകാർ കയ്യേറ്റം ചെയ്തു

November 22, 2022 Arya

ബെംഗളൂരു: കാട്ടാന ആക്രമണത്തില്‍ യുവതി കൊല്ലപ്പെട്ട സംഭവത്തില്‍ അനുശോചനം രേഖപ്പെടുത്താനെത്തിയ എംഎല്‍എയെ നാട്ടുകാര്‍ കൈയേറ്റം ചെയ്തു. കര്‍ണാടക ഹുല്ലെമനെ കുണ്ടൂര്‍ ഗ്രാമത്തിലുണ്ടായ സംഭവത്തില്‍ എംഎല്‍എ എം പി കുമാരസ്വാമിക്കാണ് മര്‍ദ്ദനമേറ്റത്. കഴിഞ്ഞ ദിവസം രാവിലെ 7.30ഓടെയാണ് ശോഭ (35) എന്ന യുവതി കാട്ടാനയുടെ ആക്രമണത്തില്‍ കൊല്ലപ്പെട്ടത്. സംഭവത്തില്‍ രോഷാകുലരായ ഗ്രാമവാസികള്‍ മൃതദേഹവുമായി പ്രതിഷേധിച്ചു. പ്രതിഷേധക്കാര്‍ക്ക് നേരെ പോലീസ് ലാത്തി വീശുകയും ചെയ്തു. തുടര്‍ന്ന് യുവതിയുടെ മരണത്തില്‍ അനുശോചനം രേഖപ്പെടുത്താന്‍ വൈകിട്ട് 6 മണിയോടെ ഗ്രാമത്തില്‍ എത്തിയ എംഎല്‍എയെ നാട്ടുകാര്‍ കൈയേറ്റം ചെയ്യുകയായിരുന്നു.

വാഹനാപകടത്തിൽ മലയാളി വിദ്യാർത്ഥി മരിച്ചു

November 22, 2022 Arya

ബെംഗളൂരു: മലയാളി വിദ്യാര്‍ത്ഥി കര്‍ണാടകയില്‍ വാഹനാപകടത്തില്‍ മരിച്ചു. മലപ്പുറം എടപ്പറ്റ പാതിരിക്കോട് സ്വദേശിയായ വൈഷ്ണവ് (17) ആണ് മരിച്ചത്. ബെംഗളൂരുവില്‍ നിന്ന് മംഗലാപുരത്തുളള വീട്ടിലേക്ക് വരുന്നതിനിടെ വൈഷ്ണവ് സഞ്ചരിച്ച കാര്‍ നിയന്ത്രണം വിട്ട് മരത്തിലിടിച്ച്‌ മറിയുകയായിരുന്നു. ഉഡുപ്പിയിലെ കര്‍ക്കളയില്‍ തിങ്കളാഴ്ച രാവിലെയാണ് അപകടം. പ്ലസ് വണ്‍ വിദ്യാര്‍ത്ഥിയാണ് വൈഷ്ണവ്. വൈഷ്ണവിന്റെ കൂടെയുണ്ടായിരുന്ന അഞ്ചു പേര്‍ പരുക്കുകളോടെ ആശുപത്രിയില്‍ ചികിത്സയിലാണ്. പിതാവ് സഹദേവന്‍, മാതാവ് മാലതി, സഹോദരങ്ങള്‍: വൈശാഖ്, വൈഭവ് (നഴ്സിങ് വിദ്യാര്‍ഥി, മംഗളൂരു) എന്നിവരാണ്.

കർണാടകയിലെ ആദ്യത്തെ ഹരിത വിമാനത്താവളമായി ഹുബ്ബള്ളി എയർപോർട്ട്

November 22, 2022 News Team

8 മെഗാവാട്ട് സോളാർ പവർ പ്ലാന്റ് കമ്മീഷൻ ചെയ്തതോടെ സംസ്ഥാനത്തെ ആദ്യത്തെ ഹരിത വിമാനത്താവളമായി ഹുബ്ബള്ളി എയർപോർട്ട് മാറി. ഇവിടെ ഉൽപ്പാദിപ്പിക്കുന്ന ഹരിത ഊർജം സംസ്ഥാനത്തെ ആറ് വിമാനത്താവളങ്ങൾ, ജിപിഎസ്-എയ്ഡഡ് ജിയോ ഓഗ്മെന്റഡ് നാവിഗേഷൻ (ഗഗൻ) ഇൻസ്റ്റാളേഷൻ, ബെംഗളൂരുവിലെ ബഗലൂർ റെസിഡൻഷ്യൽ ക്വാർട്ടേഴ്‌സ് എന്നിവയ്ക്ക് പ്രകാശമേകാൻ പ്രാപ്തമാണ്. നമ്മുടെ ഹുബ്ബള്ളി വിമാനത്താവളത്തിന്റെ തൊപ്പിയിൽ ഒരു തൂവൽ കൂടി എന്നാണ് കേന്ദ്ര പാർലമെന്ററി കാര്യ മന്ത്രി പ്രഹ്ലാദ് ജോഷി ട്വീറ്റ് ചെയ്തത്. 2030 ഓടെ പുനരുപയോഗ ഊർജത്തിൽ നിന്ന് 50 ശതമാനം ഊർജം ഉൽപ്പാദിപ്പിക്കുക എന്ന…

വോട്ടർ ഡാറ്റ ചോർത്തൽ പ്രധാന പ്രതി പിടിയിൽ

November 22, 2022 Arya

ബെംഗളൂരു: തെരഞ്ഞെടുപ്പ് കമ്മീഷന്‍റെ പരിശീലനത്തിന്‍റെ മറവില്‍ കര്‍ണാടകയില്‍ സ്വകാര്യ സ്ഥാപനം വോട്ടര്‍മാരുടെ വ്യക്തിവിവരങ്ങള്‍ അടക്കം ചോര്‍ത്തിയ സംഭവത്തില്‍ മുഖ്യപ്രതി അറസ്റ്റിൽ. ഷിലുമെ എജുക്കേഷനല്‍ കള്‍ച്ചറല്‍ ആന്‍ഡ് റൂറല്‍ ഡെവലപ്മെന്‍റ് ഇന്‍സ്റ്റിറ്റ്യൂട്ട് സഹസ്ഥാപകനായ കൃഷ്ണപ്പ രവികുമാര്‍ ആണ് പിടിയിലായത്. ഈ ട്രസ്റ്റിന് മൂന്ന് ഡയറക്ടര്‍മാരാണുള്ളത്. ട്രസ്റ്റിനെതിരെയും ജീവനക്കാര്‍ക്ക് എതിരെയുമാണ് കേസ് എടുത്തിരിക്കുന്നത്. ബി.ജെ.പി ഭരിക്കുന്ന സംസ്ഥാന സര്‍ക്കാറിന് കീഴിലുള്ള ബൃഹത് ബംഗളൂരു മഹാനഗര പാലികെ ആണ് ഷിലുമെക്ക് തെരഞ്ഞെടുപ്പ് ബോധവത്കരണത്തിന്‍റെ മറവില്‍ വോട്ടര്‍മാരുടെ വ്യക്തിവിവരങ്ങള്‍ ശേഖരിക്കാന്‍ അനുമതി നല്‍കിയത്. ബി.എല്‍.ഒമാര്‍ക്ക് സമാനമായി ആളുകളെ നിയോഗിച്ച്‌ ഇവര്‍…

ആഘോഷമാക്കി പെറ്റ് ഫെസ്റ്റിവലിൽ; ഏവരുടെയും ഹൃദയങ്ങൾ കീഴടക്കി നായകൾ

November 22, 2022 News Team

ബെംഗളൂരു: രാജ്യത്തെ ഏറ്റവും വലിയ വളർത്തുമൃഗങ്ങളുടെ ഉത്സവമായ പെറ്റ് ഫെഡ് മൂന്ന് വർഷത്തെ ഇടവേളയ്ക്ക് ശേഷം വാരാന്ത്യത്തിൽ ബെംഗളൂരുവിലെ ജയമഹൽ പാലസിൽ നടന്നു. പല ആകൃതിയിലും വലിപ്പത്തിലുമുള്ള നായകളുടെ സ്റ്റാളുകളും വളർത്തുമൃഗങ്ങളുടെ ഉടമകൾക്കായി സമർപ്പിച്ച സ്റ്റാളുകളും ഫെസ്റ്റിവലിൽ ഉണ്ടായിരുന്നു. തദ്ദേശീയ നായ ഇനങ്ങളെ പ്രോത്സാഹിപ്പിക്കുന്നതിനായി സമർപ്പിച്ചിരിക്കുന്ന ‘ഇൻഡീസ്’ സ്റ്റാളുകളും നായ്ക്കളുടെ ആരോഗ്യം ഉറപ്പാക്കാൻ സഹായിക്കുന്ന ഡിഎൻഎ പരിശോധനയ്‌ക്കായുള്ള സ്റ്റാളും പെറ്റ് ഫെഡിൽ ഉൾപ്പെടുത്തിയിട്ടുണ്ട്. വളർത്തുമൃഗങ്ങൾക്ക് സാമൂഹികമായി ഇടപഴകാൻ അവസരം നൽകുന്നതിനാണ് പരിപാടിയെന്ന് പെറ്റ് ഫെഡിന്റെ സ്ഥാപകൻ അക്ഷയ് ഗുപ്ത പറഞ്ഞു. “വളർത്തുമൃഗങ്ങൾക്ക് പുറത്തുപോകാനും കൂട്ടുകൂടാനും…

പാൽ വിലയിൽ അന്തിമ തീരുമാനം രണ്ട് ദിവസത്തിനകം

November 22, 2022 News Team

ബെംഗളൂരു: പാലിന്റെയും തൈരിന്റെയും വില വർധനവ് പരിഹരിക്കാൻ കർണാടക മിൽക്ക് ഫെഡറേഷൻ സമയം തേടിയ സാഹചര്യത്തിൽ പാൽ വില സംബന്ധിച്ച് കർണാടക സർക്കാർ രണ്ട് ദിവസത്തിന് ശേഷം അന്തിമ തീരുമാനം എടുത്തേക്കും. മൂന്ന് രൂപ വില വർധിപ്പിക്കരുതെന്നും കർഷകർക്കോ ഉപഭോക്താക്കൾക്കോ നഷ്ടമുണ്ടാക്കരുതെന്നും മുഖ്യമന്ത്രി ബസവരാജ് ബൊമ്മൈ കെഎംഎഫിന് നിർദേശം നൽകി. കെഎംഎഫ് രണ്ട് ദിവസത്തെ സമയം ആവശ്യപ്പെട്ടിട്ടുണ്ടെന്നും അദ്ദേഹം പറഞ്ഞു. മറ്റ് സംസ്ഥാനങ്ങളിലെ പാലിന്റെയും തൈരിന്റെയും വില ഉൾപ്പെടെയുള്ള വിശദാംശങ്ങൾ അവരിൽ നിന്ന് ആരാഞ്ഞതായി കെഎംഎഫ് ഉദ്യോഗസ്ഥരുമായി നടത്തിയ കൂടിക്കാഴ്ചയ്ക്ക് ശേഷം ബൊമ്മൈ പറഞ്ഞു.…

മെട്രോ സ്റ്റേഷനുകളിൽ നിന്ന് അപ്പാർട്മെന്റ് കോംപ്ലക്സുകളിലേക്ക് ഫീഡർ ബസ് പദ്ധതി

November 22, 2022 News Team

ബെംഗളുരു: നമ്മ മെട്രോ സ്റ്റേഷനുകളിൽ നിന്ന് തുടർയാത്രാ സൗകര്യം ഉറപ്പാക്കുന്നതിന്റെ ഭാഗമായി അപ്പാർട്മെന്റ് കോംപ്ലക്സുകൾ കേന്ദ്രീകരിച്ച് ഫീഡർ ബസ് ആരംഭിക്കാനുള്ള പദ്ധതിയുമായി ബിഎംടിസി. ബിഎംആർസിയുമായി സഹകരിച്ചാണ് പുതിയ പരീക്ഷണം. ഇതിനായി കൂടുതൽ ഇലക്ട്രിക് മിനി ബസുകൾ ഫീഡർ സർവീസിനായി ഉപയോഗിക്കും. നിലവിൽ മെട്രോ സ്റ്റേഷനുകൾ നിന്ന് ബസ് ടെർമിനലുകൾ, പാർപ്പിട മേഖലകൾ, ഐടി പാർക്കുകൾ എന്നിവിടങ്ങളിലേക്കാണ് ബിഎംടിസി ഫീഡർ സർവീസ് നടത്തുന്നത്. നൂറിലധികം ഫ്ലാറ്റുകളുള്ള നഗരത്തിലെ കോംപ്ലക്സുകളിൽ നിന്ന് ബസ് സർവീസ് ആരംഭിച്ചാൽ കൂടുതൽ പേർ സ്വകാര്യ വാഹനങ്ങൾ ഉപേക്ഷിച്ച് ബസിൽ മെട്രോ സ്റ്റേഷനിൽ എത്തുമെന്നാണ്…

ശ്രീരംഗപട്ടണ ബൈപാസ് 30 ന് തുറക്കും

November 22, 2022 News Team

ബെംഗളൂരു: മൈസൂരു – ബെംഗളൂരു ദേശീയപാത വീതികൂട്ടലിന്റെ ഭാഗമായി നിർമാണം പൂർത്തിയായ ശ്രീരംഗപട്ടണ ബൈപാസ് ഈ മാസം 30ന് തുറക്കും. മൈസൂരു എം പി പ്രതാപ് സിംഹയാണ് ഇക്കാര്യം സ്ഥിരീകരിച്ചത്. ബൈപാസും ശ്രീരംഗപട്ടണയിൽ സ്ഥാപിച്ച ടോൾബൂത്തും അദ്ദേഹം സന്ദർശിച്ചു. 117 കിലോമീറ്റർ നീളമുള്ള മൈസൂരു – ബെംഗളൂരു ദേശീയപാത 2 ഘട്ടമായാണ് നിർമാണം പൂർത്തിയാക്കുക. ഡിസംബർ അവസാനത്തോടെ പാത പൂർണമായും ഗതാഗതത്തിന് തുറന്ന് കൊടുക്കും

ശബരിമല തീർഥാടകർക്ക് ക്യാബിൻ ബാഗിൽ നാളികേരം കൊണ്ടുപോകാം

November 22, 2022 News Team

ബെംഗളൂരു: ഇന്ത്യയിലുടനീളമുള്ള വിമാനങ്ങളിൽ കാബിൻ ബാഗേജിൽ നാളികേരം കൊണ്ടുപോകാൻ ശബരിമലയിലേക്കുള്ള തീർഥാടകർക്ക് അനുമതി നൽകാൻ ബ്യൂറോ ഓഫ് സിവിൽ ഏവിയേഷൻ സേഫ്റ്റി (ബിസിഎഎസ്) തീരുമാനിച്ചു. ചെക്ക്-ഇൻ ബാഗേജിൽ ഇരുമുടി ഇടണമെന്ന് കെമ്പഗൗഡ അന്താരാഷ്ട്ര വിമാനത്താവളത്തിലെ (കെഐഎ) സുരക്ഷാ ഉദ്യോഗസ്ഥർ നിരവധി തീർഥാടകരോട് പറഞ്ഞതിന്റെ പശ്ചാത്തലത്തിലാണ് തീരുമാനം. ബി സി എ എസ് ജോയിന്റ് ഡയറക്ടർ ജയ്ദീപ് പ്രസാദ് മാധ്യമങ്ങളോട് സംസാരിക്കവെ പറഞ്ഞു, “ഞങ്ങളുടെ റീജിയണൽ ഓഫീസുകളിൽ നിന്ന് ഇതുമായി ബന്ധപ്പെട്ട് ഞങ്ങൾക്ക് അഭ്യർത്ഥനകൾ ലഭിക്കുന്നു. മതവികാരം കണക്കിലെടുത്ത് ശബരിമല സീസണിൽ ക്യാബിൻ ബാഗേജിൽ നാളികേരം…

വിദേശ യാത്രികർക്കായുള്ള എയര്‍ സുവിധ രജിസ്‌ട്രേഷന്‍ ഒഴിവാക്കി കേന്ദ്രം

November 22, 2022 News Team

ന്യൂഡല്‍ഹി: വിദേശ രാജ്യങ്ങളിൽ നിന്ന് ഇന്ത്യയിലേക്ക് വരുന്നവര്‍ക്കായുള്ള എയര്‍ സുവിധ രജിസ്‌ട്രേഷന്‍ കേന്ദ്ര സര്‍ക്കാര്‍ ഒഴിവാക്കി. അന്താരാഷ്ട്ര യാത്രക്കാർ നിർബന്ധിതമായും എയര്‍ സുവിധ ഫോമുകള്‍ പൂരിപ്പിക്കണമെന്നായിരുന്നു ഇതുവരെയുണ്ടായിരുന്ന നിബന്ധന. എന്നാൽ ഈ നിബന്ധന തിങ്കളാഴ്ച മുതല്‍ ഒഴിവാക്കിയതായി സിവില്‍ ഏവിയേഷന്‍ മന്ത്രാലയം അറിയിച്ചു. കോവിഡ് വ്യാപിച്ച ഘട്ടത്തിലായിരുന്നു എയര്‍ സുവിധ സംവിധാനം നിര്‍ബന്ധമാക്കിയതെന്നും എന്നാലിപ്പോൾ കോവിഡ് വൈറസ് വ്യാപനം കുറഞ്ഞതോടെയാണ് ഇപ്പോഴത്തെ തീരുമാനമെന്നും സിവില്‍ ഏവിയേഷന്‍ മന്ത്രാലയം വ്യക്തമാക്കി. ഇന്ത്യയിലെത്തുന്ന എല്ലാ അന്താരാഷ്ട്ര യാത്രക്കാരും യാത്ര ചെയ്ത് എത്തിയ വ്യക്തിയുടെ നിലവിലെ ആരോഗ്യ സ്ഥിതിയും…