ബെംഗളൂരു : ബെംഗളൂരുവിൽനിന്ന് മലബാറിലേക്ക് പുതിയ ട്രെയിൻ ആരംഭിക്കാൻ പച്ചക്കൊടി വീശി ദക്ഷിണ-പശ്ചിമ റെയിൽവേ.
കൂടാതെ മംഗളൂരുവഴിയുള്ള യശ്വന്ത്പുര-കണ്ണൂർ എക്സ്പ്രസ് കോഴിക്കോട്ടേക്ക് നീട്ടാനും റെയിൽവേ സന്നദ്ധതയറിയിച്ചു.
ബുധനാഴ്ച ഹുബ്ബള്ളിയിലെ ദക്ഷിണ-പശ്ചിമ റെയിൽവേ ആസ്ഥാത്ത് ദക്ഷിണ-പശ്ചിമ റെയിൽവേ ജനറൽ മാനേജർ സഞ്ജീവ് കിഷോറും കോഴിക്കോട് എം.പി. എം.കെ.രാഘവാനും തമ്മിൽ നടത്തിയ ചർച്ചയിലാണ് അനുകൂല തീരുമാനം ഉണ്ടായത്.
കോഴിക്കോട്ടു നിന്ന് ബെംഗളൂരുവിലേക്ക് നിലവിൽ ഒരു തീവണ്ടിമാത്രമാണ് ഉള്ളത്.ഒരു ഉത്സവ സീസൺ വന്നാൽ യാത്രക്കാരുടെ എണ്ണത്തിൽ ഒരു ശതമാനത്തെപ്പോലും ഉൾക്കൊള്ളാൻ ഈ ട്രെയിന് കഴിയില്ല എന്ന് എം പി ചൂണ്ടിക്കാട്ടി.
ദക്ഷിണ റെയിൽവേയുടെ അനുമതിയോടെ ശുപാർശ ലഭിച്ചാൽ തുടർനടപടി ഉടൻ സ്വീകരിക്കുമെന്ന് സഞ്ജീവ് കിഷോർ അറിയിച്ചതായി എം.കെ.രാഘവൻ എം.പി. പറഞ്ഞു. ഇതിനായി ദക്ഷിണ റെയിൽവേ ജനറൽ മാനേജരുമായി ഉടൻ കൂടിക്കാഴ്ച നടത്തുമെന്നും അദ്ദേഹം പറഞ്ഞു .
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
