Month: May 2021

ബെംഗളൂരു: സംസ്ഥാനത്ത് ലോക്ഡൗൺ പ്രഖ്യാപിച്ചതോടെ ഇ-കൊമേഴ്‌സ് സൈറ്റുകളിലൂടെ അവശ്യവസ്തുക്കൾ മാത്രം വിതരണം ചെയ്യാനായിരുന്നു അനുമതി. എന്നാൽ ഇന്ന് മുതൽ ഇ-കൊമേഴ്‌സ് സൈറ്റുകളിൽ ലഭ്യമായ മുഴുവൻ സാധനങ്ങളും ആവശ്യക്കാർക്ക് എത്തിച്ചുനൽകാൻ സർക്കാർ അനുമതി നൽകി. റവന്യൂവകുപ്പ് പ്രിൻസിപ്പൽ സെക്രട്ടറി മഞ്ജുനാഥ് പ്രസാദാണ് ഇതുസംബന്ധിച്ച ഉത്തരവ് പുറത്തിറക്കിയത്. നിയന്ത്രണങ്ങൾ വന്നതോടെ ഇ- കൊമേഴ്‌സ് സൈറ്റുകളുടെ വരുമാനം കുത്തനെ കുറഞ്ഞിരുന്നു. സാധനങ്ങൾ എത്തിച്ചു ൽകുന്നവരുടെ ജോലിയേയും ബാധിച്ചു. കഴിഞ്ഞ ദിവസങ്ങളിൽ ബെംഗളൂരു സിറ്റി പൊലീസ് പരിശോധന കർശനമാക്കിയതിനാൽ ഡെലിവറി ഏജന്റുമാരിൽ നിന്ന് അവശ്യവസ്തുക്കളല്ലാത്ത സാധനങ്ങൾ പിടിച്ചെടുത്തിരുന്നു.

ബെംഗളൂരു : നഗരത്തിലെ ആശുപത്രികളിലെ കിടക്കകൾ ആവശ്യക്കാർക്ക് ക്രമമനുസരിച്ച് നൽകാതെ കരിഞ്ചന്തയിൽ മറച്ച് വിറ്റ കേസിൽ ബൊമ്മനഹള്ളി ബി.ജെ.പി. എം.എൽ.എ.സതീഷ് റെഡ്ഡിയുടെ സഹായി പിടിയിൽ. ബൊമ്മനഹള്ളിക്കടുത്ത് രൂപേന അഗ്രഹാരയിൽ താമസിക്കുന്ന ബാബു (34) ആണ് സെൻട്രൽ ക്രൈം ബ്രാഞ്ച് അറസ്റ്റ് ചെയ്തത്. ആവശ്യക്കാർക്ക് എല്ലാം കിടക്കകൾ ലഭിക്കാതായതോടെ മെയ് 4നാണ് ബെംഗളൂരു സൗത്ത് എം പി തേജസ്വി സൂര്യയുടെ നേതൃത്വത്തിൽ ജനപ്രതിനിധികൾ ബെംഗളൂരു സൗത്തിലെ കോവിഡ് വാർ റൂമിലേക്ക് കടന്ന് ചെല്ലുന്നതും തുടർന്ന് നടത്തിയ പ്രസ്താവനകൾ വിവാദമാവുകയും ചെയ്തു. തേജസ്വി സൂര്യയുടെ സംഘത്തിൽ ബൊമ്മനഹളളി…