Day: 11 August 2025

ബെംഗളൂരു: കരകവിഞ്ഞൊഴുകുന്ന തുംഗഭദ്ര നദി മുറിച്ചുകടന്ന് ഒരു മൃതദേഹം തോളിലേറ്റി ഗ്രാമവാസികൾ. സിന്ദനൂർ താലൂക്കിലെ മുക്കുണ്ട ഗ്രാമത്തിലാണ് സംഭവം നടന്നത്. മാരേമ്മ (84) എന്ന വൃദ്ധയുടെ മൃതദേഹവും ചുമന്നാണ് ഗ്രാമവാസികൾ നദി മുറിച്ച കടന്നത്. ഈ ഗ്രാമത്തിലെ ഒരാളുടെ ശവസംസ്കാരത്തിനായി ആളുകൾ പാടുപെടുകയാണ് . മുക്കുണ്ട ഗ്രാമത്തിൽ പൊതുശ്മശാനം ഇല്ലാത്തതിനാൽ, ഗ്രാമവാസികൾ തുംഗഭദ്ര നദിയുടെ നടുവിലായാണ് മരിച്ചയാളെ സംസ്കരിക്കുന്നത്.

ബെംഗളൂരു : റായ്ച്ചൂർ താലൂക്കിലെ യാരഗേര ഗ്രാമത്തിൽ ഇടിമിന്നലേറ്റ് ഗർഭിണി മരിച്ചു. വയലിൽ ജോലി ചെയ്യുന്നതിനിടെയാണ് ഭവാനി (26)യ്ക്ക് ഇടിമിന്നലേറ്റ്ത്. യാരഗേര പോലീസ് സ്റ്റേഷൻ പരിധിയിലാണ് സംഭവം. യുവതിയുടെ കുടുംബത്തിന് നഷ്ടപരിഹാരം നൽകണമെന്ന് ആവശ്യം ഉയർന്നിട്ടുണ്ട്.

അച്ഛനെ കൊന്ന കേസിലെ പ്രതിയെ 17 വര്‍ഷത്തിനുശേഷം മകനും കൂട്ടുകാരുംചേര്‍ന്ന് വെട്ടിക്കൊന്നു. ചെന്നൈയ്ക്കടുത്ത് ടി.പി. ചത്രത്തിലാണ് സംഭവം. അറിയപ്പെടുന്ന കുറ്റവാളിയായിരുന്ന രാജ്കുമാര്‍ (47) കൊല്ലപ്പെട്ട കേസില്‍ കോളേജ് വിദ്യാര്‍ഥിയായ യുവനേഷും (19) രണ്ടുസുഹൃത്തുക്കളും കീഴടങ്ങുകയായിരുന്നു. യുവനേഷിന്റെ അച്ഛന്‍ സെന്തില്‍കുമാര്‍ അമിഞ്ചിക്കരയില്‍വെച്ച് 2008-ലാണ് കൊല്ലപ്പെട്ടത്. യുവനേഷിന് അപ്പോള്‍ രണ്ടു വയസ്സാണ് പ്രായം. രാജ്കുമാര്‍ ഉള്‍പ്പെടെ അഞ്ചു പേരായിരുന്നു കേസിലെ പ്രതികള്‍. അതില്‍ മൂന്നുപേര്‍ മരിച്ചു. സെന്തില്‍കുമാറും രാജ്കുമാറുമെല്ലാം അമിഞ്ചിക്കരയിലെ കുറ്റവാളിസംഘത്തില്‍ പെട്ടവരായിരുന്നെന്ന് പോലീസ് പറയുന്നു. മയക്കുമരുന്ന് ഇടപാടുമായി ബന്ധപ്പെട്ട തര്‍ക്കത്തിനൊടുവിലാണ് അഞ്ചംഗസംഘം സെന്തില്‍കുമാറിനെ കൊന്നത്. കേസില്‍…

ബെംഗളൂരു : ഭക്ഷ്യവിഷബാധയെത്തുടർന്ന് ചിക്കമഗളൂരുവിലെ റെസിഡൻഷ്യൽ സ്കൂളിലെ നാല് വിദ്യാർഥികളെ ആശുപത്രിയിൽ പ്രവേശിപ്പിച്ചു. കല്യാണനഗറിലെ അൽദൂർ അംബേദ്കർ റെസിഡൻഷ്യൽ സ്കൂളിലെ വിദ്യാർഥികളാണ് കഴിഞ്ഞദിവസം ഉച്ചഭക്ഷണം കഴിച്ചതിനെത്തുടർന്ന് ഛർദിച്ചത്. ഇവരെ ഉടൻ ആശുപത്രിയിലെത്തിച്ചു. വിദ്യാർഥികളുടെ ആരോഗ്യസ്ഥിതി മെച്ചപ്പെട്ടുവെന്ന് സ്കൂൾ അധികൃതർ അറിയിച്ചു.